ܡܬܠ̈ܐ 31
31
ܡܲܫܩܠܵܐ ܕܝܸܡܵܐ
1ܗܹܡܸܙܡܵܢܹ̈ܐ ܕܡܲܠܟܵܐ ܠܡܘܼܐܹܝܠ، ܡܲܫܩܠܵܐ ܕܩܲܡ ܬܲܠܡܸܕܵܐ ܠܹܗ ܝܸܡܹܗ:
2ܝܵܐ ܒܪܘܿܢܝܼ، ܝܵܐ ܒܪܘܿܢܵܐ ܕܒܲܛܢܝܼ،
ܝܵܐ ܒܪܘܿܢܵܐ ܕܢܸܕܪ̈ܝܼ،
3ܠܵܐ ܝܵܗ݇ܒܹܬ ܠܒܲܟ݂ܬܵܬܹ̈ܐ ܚܲܝܠܘܼܟ݂،
ܝܲܢ ܐܘܼܪ̈ܚܵܬܘܼܟ݂ ܠܛܵܠܲܩܬܵܐ ܕܡܲܠܟܹ̈ܐ.
4ܠܹܐ ܝܠܵܗ̇ ܠܡܲܠܟܹ̈ܐ، ܠܡܘܼܐܹܝܠ، ܠܹܐ ܝܠܵܗ̇ ܠܡܲܠܟܹ̈ܐ ܫܬܵܝܬܵܐ ܕܚܲܡܪܵܐ،
ܝܲܢ ܠܫܲܠܝܼܛܵܢܹ̈ܐ ܫܲܗܘܲܬܬܵܐ ܕܫܲܟ݂ܪܵܐ.
5ܠܵܐ ܗܵܘܹܐ ܕܫܵܬܝܼ، ܘܢܵܫܝܼ ܩܵܢܘܿܢܵܐ،
ܘܫܲܚܠܸܦܝܼ ܕܝܼܘܵܢ ܕܟܠܲܝܗܝ ܒܢܲܝ̈ ܡܸܣܟܹܢܘܼܬܵܐ.
6ܗܲܒ݂݇ܠܘܼܢ ܫܲܟ݂ܪܵܐ ܠܗ̇ܘ ܕܒܸܛܠܵܩܵܐ ܝܠܹܗ،
ܘܚܲܡܪܵܐ ܠܡܲܪܝܼܪܹ̈ܐ ܕܓܵܢܵܐ،
7ܫܵܬܹܐ ܘܢܵܫܹܐ ܡܸܣܟܹܢܘܼܬܹܗ،
ܘܐܘܼܠܨܵܢܹܗ ܠܵܐ ܕܵܟܹܪ ܡܸܢܕܪܸܫ.
8ܦܬܘܿܚ ܦܘܼܡܘܼܟ݂ ܡ̣ܢ ܓܹܒܵܐ ܕܠܵܠܵܐ،
ܩܵܐ ܕܝܼܘܵܢ ܕܟܠܲܝܗܝ ܒܢܲܝ̈ ܛܠܵܩܵܐ.
9ܦܬܘܿܚ ܦܘܼܡܘܼܟ݂، ܕܘܼܢ ܒܙܲܕܝܼܩܘܼܬܵܐ،
ܘܥܒ݂ܘܿܕ ܕܝܼܘܵܢ ܕܡܸܣܟܹܢܵܐ ܘܣܢܝܼܩܵܐ.
ܒܲܟ݂ܬܵܐ ܟܫܝܼܛܬܵܐ
10ܒܲܟ݂ܬܵܐ ܟܫܝܼܛܬܵܐ ܡܵܢܝܼ ܡܵܨܹܐ ܡܲܫ݇ܟ̰ܸܚ؟
ܣܵܒܵܒ ܒܘܼܫ ܙܵܘܕܵܐ ܝܠܹܗ ܩܲܕܪܘܼܗ̇ ܡ̣ܢ ܟܹܐܦܹ̈ܐ ܛܝܼܡܵܢܹ̈ܐ.
11ܟܹܐ ܣܵܒܹܪ ܒܝܼܘܼܗ̇ ܠܸܒܵܐ ܕܓܲܒ݂ܪܘܼܗ̇،
ܘܠܣܠܵܒܬܵܐ ܠܹܐ ܣܵܢܹܩ.
12ܟܹܐ ܦܵܪܥܵܐ ܠܹܗ ܛܵܒ݂ܬܵܐ ܘܠܵܐ ܒܝܼܫܬܵܐ،
ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܗ̇.
13ܟܹܐ ܛܵܥܝܵܐ ܠܥܲܡܪܵܐ ܘܟܸܬܵܢܵܐ،
ܘܟܹܐ ܦܵܠܚܵܐ ܒܒܘܼܣܵܡܵܐ ܕܐܝܼܕܵܬܘܼ̈ܗ̇.
14ܗܘܹܐ ܠܵܗ̇ ܐܲܝܟ݂ ܓܵܡܝܼܹ̈ܐ ܕܬܲܓܵܪܹ̈ܐ،
ܡ̣ܢ ܪܸܚܩܵܐ ܟܹܐ ܡܲܝܬܝܵܐ ܠܲܚܡܘܼܗ̇.
15ܘܟܹܐ ܩܵܝܡܵܐ ܟܲܕ ܗܹܫ ܠܲܝܠܹܐ، ܘܗܲܕܪܵܐ ܡܹܐܟ݂ܘܼܠܬܵܐ ܩܵܐ ܒܢܲܝ̈ ܒܲܝܬܘܼܗ̇،
ܘܫܘܼܠܵܢܹ̈ܐ ܩܵܐ ܚܹܕܲܡܝܵܬܘܼ̈ܗ̇.
16ܟܹܐ ܬܲܚܡܸܢܵܐ ܒܘܼܬ ܚܲܩܠܵܐ ܘܟܹܐ ܙܵܒ݂ܢܵܐ ܠܵܗ̇،
ܡ̣ܢ ܛܥܘܼܢܝܵܬܹ̈ܐ ܕܐܝܼܕܵܬܘܼ̈ܗ̇ ܟܹܐ ܢܵܨܒ݂ܵܐ ܟܲܪܡܵܐ.
17ܟܹܐ ܚܵܠܨܵܐ ܩܸܘܝܵܐ ܚܲܨܘܼܗ̇،
ܘܟܹܐ ܚܲܠܸܢܵܐ ܕܪ̈ܲܥܢܵܢܘܼܗ̇.
18ܟܹܐ ܝܵܕܥܵܐ ܕܨܦܵܝܝܼ ܝܠܵܗ̇ ܬܲܓܵܪܘܼܬܘܼܗ̇،
ܠܹܐ ܟ̰ܵܡܥܵܐ ܒܠܲܝܠܹܐ ܫܪܵܓ݂݇ܝܘܼܗ̇.
19ܐܝܼܕܵܬܘܼ̈ܗ̇ ܟܹܐ ܦܲܫܛܵܐ ܒܥܵܙܠܵܢܬܵܐ،
ܘܟܲܦܘܼ̈ܗ̇ ܟܹܐ ܕܵܒ݂ܩܝܼ ܟܘܼܫܵܐ.
20ܟܲܦܘܼܗ̇ ܟܹܐ ܦܵܪܣܵܐ ܠܡܸܣܟܹܢܹ̈ܐ،
ܘܐܝܼܕܵܬܘܼ̈ܗ̇ ܟܹܐ ܦܲܫܛܵܐ ܠܣܢܝܼܩܹ̈ܐ.
21ܠܹܐ ܙܵܕܥܵܐ ܒܘܼܬ ܒܲܝܬܘܼܗ̇ ܡ̣ܢ ܬܲܠܓܵܐ،
ܣܵܒܵܒ ܟܠܹܗ ܒܢܲܝ̈ ܒܲܝܬܘܼܗ̇ ܠܒ݂ܝܼܫܹܐ ܝܢܵܐ ܬܪܹܝ ܬܵܩܹ̈ܐ.
22ܡܵܠܵܦܹ̈ܐ ܟܹܐ ܬܲܪܨܵܐ ܩܵܐ ܓܵܢܘܼܗ̇،
ܟܸܬܵܢܵܐ ܪܲܩܝܼܩܵܐ ܘܐܲܪܓܘܵܢܵܐ ܠܒ݂ܝܼܫܬܘܼܗ̇.
23ܦܝܼܫܵܐ ܝܠܹܗ ܝ݇ܕܝܼܥܵܐ ܒܕܲܪ̈ܘܵܙܹܐ ܓܲܒ݂ܪܘܼܗ̇،
ܟܲܕ ܝܵܬܹܒ݂ ܥܲܡ ܚܘܵܪ̈ܕܸܩܢܹܐ ܕܐܲܪܥܵܐ.
24ܓ̰ܘܼܠܵܐ ܕܟܸܬܵܢܵܐ ܟܹܐ ܬܲܪܨܵܐ ܘܟܹܐ ܙܲܒܢܵܐ،
ܘܬܲܣܡܵܬܹ̈ܐ ܟܹܐ ܦܵܪܣܵܐ ܠܬܲܓܵܪܹ̈ܐ.
25ܥܘܼܫܢܵܐ ܘܣܸܩܠܵܐ ܠܒ݂ܝܼܫܬܘܼܗ̇،
ܘܟܹܐ ܚܵܕܝܵܐ ܠܝܵܘܡܵܐ ܕܐܵܬܹܐ.
26ܦܘܼܡܘܼܗ̇ ܟܹܐ ܦܵܬܚܵܐ ܒܚܸܟ݂ܡܬܵܐ،
ܘܢܵܡܘܿܣܵܐ ܕܫܵܦܵܩܲܬ ܥܲܠ ܠܸܫܵܢܘܼܗ̇ ܝܠܹܗ.
27ܟܹܐ ܩܲܙܸܕܵܐ ܠܕܘܼܒܵܪܹ̈ܐ ܕܒܢܲܝ̈ ܒܲܝܬܘܼܗ̇،
ܘܠܲܚܡܵܐ ܕܡܲܟܣܸܠܵܢܘܼܬܵܐ ܠܹܐ ܐܵܟ݂ܠܵܐ.
28ܟܹܐ ܩܵܝܡܝܼ ܒܢܘܿܢܘܼ̈ܗ̇ ܘܟܹܐ ܝܵܗ݇ܒ݂ܝܼ ܛܘܼܒ݂ܵܐ ܐܸܠܘܼܗ̇،
ܘܓܲܒ݂ܪܘܼܗ̇ ܟܹܐ ܚܵܩܹܪܵܗ̇، ܒܹܐܡܵܪܵܐ،
29”ܪܵܒܵܐ ܒܢܵܬܹ̈ܐ ܥܒ݂ܝܼܕ ܠܗܘܿܢ ܟܫܝܼܛܘܼܬܵܐ،
ܐܝܼܢܵܐ ܐܲܢ݇ܬܝ ܒܘܼܫ ܥܸܠܵܝܬܵܐ ܝܘܲܬܝ ܡ̣ܢ ܟܠܲܝܗܝ.“
30ܕܘܼܓܠܵܐ ܝܠܵܗ̇ ܠܚܝܼܡܘܼܬܵܐ، ܘܣܪܝܼܩܵܐ ܝܠܹܗ ܫܘܼܦܪܵܐ،
ܐܝܼܢܵܐ ܒܲܟ݂ܬܵܐ ܕܙܵܕܥܵܐ ܡ̣ܢ ܡܵܪܝܵܐ، ܗ̇ܝ ܒܸܬ ܦܵܝܫܵܐ ܚܩܝܼܪܬܵܐ.
31ܗܲܒ݂݇ܠܘܼܢ ܠܵܗ̇ ܡ̣ܢ ܛܥܘܼܢܝܵܬܹ̈ܐ ܕܐܝܼܕܵܬܘܼ̈ܗ̇،
ܘܚܵܩܪܝܼ ܠܵܗ̇ ܒܕܲܪ̈ܘܵܙܹܐ ܥܒ݂ܵܕܘܼ̈ܗ̇.
دیاریکراوەکانی ئێستا:
ܡܬܠ̈ܐ 31: ABTAB
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Aramaic Bible Translation Assyrian Bible © 2025 Aramaic Bible Translation
ܡܬܠ̈ܐ 31
31
ܡܲܫܩܠܵܐ ܕܝܸܡܵܐ
1ܗܹܡܸܙܡܵܢܹ̈ܐ ܕܡܲܠܟܵܐ ܠܡܘܼܐܹܝܠ، ܡܲܫܩܠܵܐ ܕܩܲܡ ܬܲܠܡܸܕܵܐ ܠܹܗ ܝܸܡܹܗ:
2ܝܵܐ ܒܪܘܿܢܝܼ، ܝܵܐ ܒܪܘܿܢܵܐ ܕܒܲܛܢܝܼ،
ܝܵܐ ܒܪܘܿܢܵܐ ܕܢܸܕܪ̈ܝܼ،
3ܠܵܐ ܝܵܗ݇ܒܹܬ ܠܒܲܟ݂ܬܵܬܹ̈ܐ ܚܲܝܠܘܼܟ݂،
ܝܲܢ ܐܘܼܪ̈ܚܵܬܘܼܟ݂ ܠܛܵܠܲܩܬܵܐ ܕܡܲܠܟܹ̈ܐ.
4ܠܹܐ ܝܠܵܗ̇ ܠܡܲܠܟܹ̈ܐ، ܠܡܘܼܐܹܝܠ، ܠܹܐ ܝܠܵܗ̇ ܠܡܲܠܟܹ̈ܐ ܫܬܵܝܬܵܐ ܕܚܲܡܪܵܐ،
ܝܲܢ ܠܫܲܠܝܼܛܵܢܹ̈ܐ ܫܲܗܘܲܬܬܵܐ ܕܫܲܟ݂ܪܵܐ.
5ܠܵܐ ܗܵܘܹܐ ܕܫܵܬܝܼ، ܘܢܵܫܝܼ ܩܵܢܘܿܢܵܐ،
ܘܫܲܚܠܸܦܝܼ ܕܝܼܘܵܢ ܕܟܠܲܝܗܝ ܒܢܲܝ̈ ܡܸܣܟܹܢܘܼܬܵܐ.
6ܗܲܒ݂݇ܠܘܼܢ ܫܲܟ݂ܪܵܐ ܠܗ̇ܘ ܕܒܸܛܠܵܩܵܐ ܝܠܹܗ،
ܘܚܲܡܪܵܐ ܠܡܲܪܝܼܪܹ̈ܐ ܕܓܵܢܵܐ،
7ܫܵܬܹܐ ܘܢܵܫܹܐ ܡܸܣܟܹܢܘܼܬܹܗ،
ܘܐܘܼܠܨܵܢܹܗ ܠܵܐ ܕܵܟܹܪ ܡܸܢܕܪܸܫ.
8ܦܬܘܿܚ ܦܘܼܡܘܼܟ݂ ܡ̣ܢ ܓܹܒܵܐ ܕܠܵܠܵܐ،
ܩܵܐ ܕܝܼܘܵܢ ܕܟܠܲܝܗܝ ܒܢܲܝ̈ ܛܠܵܩܵܐ.
9ܦܬܘܿܚ ܦܘܼܡܘܼܟ݂، ܕܘܼܢ ܒܙܲܕܝܼܩܘܼܬܵܐ،
ܘܥܒ݂ܘܿܕ ܕܝܼܘܵܢ ܕܡܸܣܟܹܢܵܐ ܘܣܢܝܼܩܵܐ.
ܒܲܟ݂ܬܵܐ ܟܫܝܼܛܬܵܐ
10ܒܲܟ݂ܬܵܐ ܟܫܝܼܛܬܵܐ ܡܵܢܝܼ ܡܵܨܹܐ ܡܲܫ݇ܟ̰ܸܚ؟
ܣܵܒܵܒ ܒܘܼܫ ܙܵܘܕܵܐ ܝܠܹܗ ܩܲܕܪܘܼܗ̇ ܡ̣ܢ ܟܹܐܦܹ̈ܐ ܛܝܼܡܵܢܹ̈ܐ.
11ܟܹܐ ܣܵܒܹܪ ܒܝܼܘܼܗ̇ ܠܸܒܵܐ ܕܓܲܒ݂ܪܘܼܗ̇،
ܘܠܣܠܵܒܬܵܐ ܠܹܐ ܣܵܢܹܩ.
12ܟܹܐ ܦܵܪܥܵܐ ܠܹܗ ܛܵܒ݂ܬܵܐ ܘܠܵܐ ܒܝܼܫܬܵܐ،
ܟܠܲܝܗܝ ܝܵܘܡܵܢܹ̈ܐ ܕܚܲܝܘܼ̈ܗ̇.
13ܟܹܐ ܛܵܥܝܵܐ ܠܥܲܡܪܵܐ ܘܟܸܬܵܢܵܐ،
ܘܟܹܐ ܦܵܠܚܵܐ ܒܒܘܼܣܵܡܵܐ ܕܐܝܼܕܵܬܘܼ̈ܗ̇.
14ܗܘܹܐ ܠܵܗ̇ ܐܲܝܟ݂ ܓܵܡܝܼܹ̈ܐ ܕܬܲܓܵܪܹ̈ܐ،
ܡ̣ܢ ܪܸܚܩܵܐ ܟܹܐ ܡܲܝܬܝܵܐ ܠܲܚܡܘܼܗ̇.
15ܘܟܹܐ ܩܵܝܡܵܐ ܟܲܕ ܗܹܫ ܠܲܝܠܹܐ، ܘܗܲܕܪܵܐ ܡܹܐܟ݂ܘܼܠܬܵܐ ܩܵܐ ܒܢܲܝ̈ ܒܲܝܬܘܼܗ̇،
ܘܫܘܼܠܵܢܹ̈ܐ ܩܵܐ ܚܹܕܲܡܝܵܬܘܼ̈ܗ̇.
16ܟܹܐ ܬܲܚܡܸܢܵܐ ܒܘܼܬ ܚܲܩܠܵܐ ܘܟܹܐ ܙܵܒ݂ܢܵܐ ܠܵܗ̇،
ܡ̣ܢ ܛܥܘܼܢܝܵܬܹ̈ܐ ܕܐܝܼܕܵܬܘܼ̈ܗ̇ ܟܹܐ ܢܵܨܒ݂ܵܐ ܟܲܪܡܵܐ.
17ܟܹܐ ܚܵܠܨܵܐ ܩܸܘܝܵܐ ܚܲܨܘܼܗ̇،
ܘܟܹܐ ܚܲܠܸܢܵܐ ܕܪ̈ܲܥܢܵܢܘܼܗ̇.
18ܟܹܐ ܝܵܕܥܵܐ ܕܨܦܵܝܝܼ ܝܠܵܗ̇ ܬܲܓܵܪܘܼܬܘܼܗ̇،
ܠܹܐ ܟ̰ܵܡܥܵܐ ܒܠܲܝܠܹܐ ܫܪܵܓ݂݇ܝܘܼܗ̇.
19ܐܝܼܕܵܬܘܼ̈ܗ̇ ܟܹܐ ܦܲܫܛܵܐ ܒܥܵܙܠܵܢܬܵܐ،
ܘܟܲܦܘܼ̈ܗ̇ ܟܹܐ ܕܵܒ݂ܩܝܼ ܟܘܼܫܵܐ.
20ܟܲܦܘܼܗ̇ ܟܹܐ ܦܵܪܣܵܐ ܠܡܸܣܟܹܢܹ̈ܐ،
ܘܐܝܼܕܵܬܘܼ̈ܗ̇ ܟܹܐ ܦܲܫܛܵܐ ܠܣܢܝܼܩܹ̈ܐ.
21ܠܹܐ ܙܵܕܥܵܐ ܒܘܼܬ ܒܲܝܬܘܼܗ̇ ܡ̣ܢ ܬܲܠܓܵܐ،
ܣܵܒܵܒ ܟܠܹܗ ܒܢܲܝ̈ ܒܲܝܬܘܼܗ̇ ܠܒ݂ܝܼܫܹܐ ܝܢܵܐ ܬܪܹܝ ܬܵܩܹ̈ܐ.
22ܡܵܠܵܦܹ̈ܐ ܟܹܐ ܬܲܪܨܵܐ ܩܵܐ ܓܵܢܘܼܗ̇،
ܟܸܬܵܢܵܐ ܪܲܩܝܼܩܵܐ ܘܐܲܪܓܘܵܢܵܐ ܠܒ݂ܝܼܫܬܘܼܗ̇.
23ܦܝܼܫܵܐ ܝܠܹܗ ܝ݇ܕܝܼܥܵܐ ܒܕܲܪ̈ܘܵܙܹܐ ܓܲܒ݂ܪܘܼܗ̇،
ܟܲܕ ܝܵܬܹܒ݂ ܥܲܡ ܚܘܵܪ̈ܕܸܩܢܹܐ ܕܐܲܪܥܵܐ.
24ܓ̰ܘܼܠܵܐ ܕܟܸܬܵܢܵܐ ܟܹܐ ܬܲܪܨܵܐ ܘܟܹܐ ܙܲܒܢܵܐ،
ܘܬܲܣܡܵܬܹ̈ܐ ܟܹܐ ܦܵܪܣܵܐ ܠܬܲܓܵܪܹ̈ܐ.
25ܥܘܼܫܢܵܐ ܘܣܸܩܠܵܐ ܠܒ݂ܝܼܫܬܘܼܗ̇،
ܘܟܹܐ ܚܵܕܝܵܐ ܠܝܵܘܡܵܐ ܕܐܵܬܹܐ.
26ܦܘܼܡܘܼܗ̇ ܟܹܐ ܦܵܬܚܵܐ ܒܚܸܟ݂ܡܬܵܐ،
ܘܢܵܡܘܿܣܵܐ ܕܫܵܦܵܩܲܬ ܥܲܠ ܠܸܫܵܢܘܼܗ̇ ܝܠܹܗ.
27ܟܹܐ ܩܲܙܸܕܵܐ ܠܕܘܼܒܵܪܹ̈ܐ ܕܒܢܲܝ̈ ܒܲܝܬܘܼܗ̇،
ܘܠܲܚܡܵܐ ܕܡܲܟܣܸܠܵܢܘܼܬܵܐ ܠܹܐ ܐܵܟ݂ܠܵܐ.
28ܟܹܐ ܩܵܝܡܝܼ ܒܢܘܿܢܘܼ̈ܗ̇ ܘܟܹܐ ܝܵܗ݇ܒ݂ܝܼ ܛܘܼܒ݂ܵܐ ܐܸܠܘܼܗ̇،
ܘܓܲܒ݂ܪܘܼܗ̇ ܟܹܐ ܚܵܩܹܪܵܗ̇، ܒܹܐܡܵܪܵܐ،
29”ܪܵܒܵܐ ܒܢܵܬܹ̈ܐ ܥܒ݂ܝܼܕ ܠܗܘܿܢ ܟܫܝܼܛܘܼܬܵܐ،
ܐܝܼܢܵܐ ܐܲܢ݇ܬܝ ܒܘܼܫ ܥܸܠܵܝܬܵܐ ܝܘܲܬܝ ܡ̣ܢ ܟܠܲܝܗܝ.“
30ܕܘܼܓܠܵܐ ܝܠܵܗ̇ ܠܚܝܼܡܘܼܬܵܐ، ܘܣܪܝܼܩܵܐ ܝܠܹܗ ܫܘܼܦܪܵܐ،
ܐܝܼܢܵܐ ܒܲܟ݂ܬܵܐ ܕܙܵܕܥܵܐ ܡ̣ܢ ܡܵܪܝܵܐ، ܗ̇ܝ ܒܸܬ ܦܵܝܫܵܐ ܚܩܝܼܪܬܵܐ.
31ܗܲܒ݂݇ܠܘܼܢ ܠܵܗ̇ ܡ̣ܢ ܛܥܘܼܢܝܵܬܹ̈ܐ ܕܐܝܼܕܵܬܘܼ̈ܗ̇،
ܘܚܵܩܪܝܼ ܠܵܗ̇ ܒܕܲܪ̈ܘܵܙܹܐ ܥܒ݂ܵܕܘܼ̈ܗ̇.
Aramaic Bible Translation Assyrian Bible © 2025 Aramaic Bible Translation