ܡܠܐܟ݂ܝ 4

ܝܵܘܡܵܐ ܕܡܵܪܝܵܐ

1”ܣܵܒܵܒ، ܗܵܐ، ܝܵܘܡܵܐ ܒܹܐܬܵܝܵܐ ܝܠܹܗ، ܡܲܩܘܼܕܹܐ ܐܲܝܟ݂ ܬܲܢܘܼܪܵܐ، ܘܒܸܬ ܗܵܘܝܼ ܟܠܲܝܗܝ ܚܬܝܼܪܹ̈ܐ، ܘܟܠ ܥܵܒ݂ܕܵܢܵܐ ܕܪܲܫܝܼܥܘܼܬܵܐ، ܟܘܼܠܵܫ، ܘܒܸܬ ܡܲܠܗܹܐ ܠܗܘܿܢ ܝܵܘܡܵܐ ܕܒܹܐܬܵܝܵܐ ܝܠܹܗ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܗܵܕܵܐ ܕܠܹܐ ܫܵܒܹܩ ܐܸܠܲܝܗܝ ܥܸܩܪܵܐ ܘܦܲܥܘܵܐ. 2ܘܒܸܬ ܙܵܪܹܩ ܐܸܠܵܘܟ݂ܘܿܢ ܫܸܡܫܵܐ ܕܙܲܕܝܼܩܘܼܬܵܐ، ܝܵܐ ܙܕܝܼܥܹ̈ܐ ܕܫܸܡܝܼ، ܘܒܵܣܲܡܬܵܐ ܒܓܘܼܠܦܵܢܘܼ̈ܗܝ ܒܸܬ ܗܵܘܝܵܐ، ܘܒܸܬ ܦܵܠܛܝܼܬܘܿܢ ܘܒܸܬ ܫܵܘܪܝܼܬܘܿܢ ܐܲܝܟ݂ ܡܘܼܓ̰ܹ̈ܐ ܕܐܘܼܪܹܐ. 3ܘܒܸܬ ܕܲܫܕܸܫܝܼܬܘܿܢ ܠܪ̈ܲܫܝܼܥܹܐ، ܣܵܒܵܒ ܒܸܬ ܗܵܘܝܼ ܩܸܛܡܵܐ ܬܚܘܿܬ ܐܸܫܬܵܐ ܕܐܲܩܠܵܘ̈ܟ݂ܘܿܢ، ܒܝܵܘܡܵܐ ܕܐܵܢܵܐ ܒܸܥܒ݂ܵܕܵܐ ܝܘܸܢ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ.

4”ܕܟ݂ܘܿܪܘܼܢ ܢܵܡܘܿܣܵܐ ܕܡܘܼܫܹܐ ܪܹܓܝܼ، ܕܦܩܝܼܕ ܠܝܼ ܐܸܠܹܗ ܒܚܘܿܪܝܼܒ݂، ܥܲܠ ܟܠܹܗ ܝܼܣܪܵܝܹܠ، ܩܵܢܘܿܢܹ̈ܐ ܘܕܝܼܘܵܢܹ̈ܐ.

5ܗܵܐ، ܐܵܢܵܐ ܫܲܕܘܼܪܹܐ ܝܘܸܢ ܐܸܠܵܘܟ݂ܘܿܢ ܠܐܹܠܝܼܵܐ ܢܒ݂ܝܼܵܐ، ܡܩܵܕ݇ܡ ܕܐܵܬܹܐ ܝܵܘܡܵܐ ܕܡܵܪܝܵܐ ܓܘܼܪܵܐ ܘܣܲܗܡܵܢܵܐ. 6ܘܒܸܬ ܡܲܕܸܪ ܠܸܒܵܐ ܕܐܲܒ݂ܵܗܹ̈ܐ ܥܲܠ ܒܢܘܿܢܹ̈ܐ، ܘܠܸܒܵܐ ܕܒܢܘܿܢܹ̈ܐ ܥܲܠ ܐܲܒ݂ܵܗܲܝ̈ܗܝ، ܕܠܵܐ ܐܵܬܹܝܢ ܘܡܵܚܹܝܢ ܠܐܲܪܥܵܐ ܒܚܸܪܡܵܐ.“

دیاریکراوەکانی ئێستا:

ܡܠܐܟ݂ܝ 4: ABTAB

بەرچاوکردن

هاوبەشی بکە

لەبەرگرتنەوە

دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە

زانیاری زیاتر لەبارەی ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ