ܡܠܐܟ݂ܝ 1
1
ܡܵܘܕܲܥܢܘܼܬܵܐ
1ܡܲܫܩܠܵܐ ܕܚܲܒܪܵܐ ܕܡܵܪܝܵܐ ܠܝܼܣܪܵܝܹܠ ܒܝܲܕ ܡܲܠܲܐܟ݂ܝܼ.
ܚܘܼܒܵܐ ܕܡܵܪܝܵܐ ܠܝܼܣܪܵܝܹܠ
2”ܩܲܡ ܡܲܚܸܒܸܢܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ. ”ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܡܘܼܚܸܒܲܚ ܠܘܼܟ݂؟‘ ܠܹܐ ܝܗ݇ܘܵܐ ܥܹܣܘܿ ܐܲܚܘܿܢܵܐ ܕܝܲܥܩܘܿܒ݂؟“ ܒܹܐܡܵܪܵܐ ܝܠܹܗ ܡܵܪܝܵܐ، ”ܘܡܘܼܚܸܒ ܠܝܼ ܠܝܲܥܩܘܿܒ݂، 3ܐܝܼܢܵܐ ܠܥܹܣܘܿ ܣܢܹܐ ܠܝܼ، ܘܥܒ݂ܝܼܕ ܠܝܼ ܛܘܼܪ̈ܵܢܘܼܗܝ ܘܲܝܪܵܢ، ܘܝܵܪܬܘܼܬܹܗ ܠܟ̰ܲܩܵܠܹ̈ܐ ܕܒܲܪܝܼܵܐ. 4ܐܸܢ ܐܵܡܪܵܐ ܐܲܕܘܿܡ، ”ܦܝܼܫ ܠܲܢ ܦܘܼܪܦܸܣܹܐ، ܐܝܼܢܵܐ ܒܸܬ ܕܵܝܪܲܚ ܘܒܵܢܲܚ ܠܚܵܪ̈ܵܒܹܐ.“ ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܐܵܢܝܼ ܒܵܢܝܼ، ܘܐܵܢܵܐ ܒܸܬ ܬܵܠܚܹܢ، ܘܒܸܬ ܩܵܪܝܼ ܐܸܠܲܝܗܝ، ܬܚܘܼܡܵܐ ܕܪܲܫܝܼܥܘܼܬܵܐ، ܘܛܵܝܸܦܵܐ ܕܟܪܝܼܒ ܠܹܗ ܥܲܠܘܼܗܝ ܡܵܪܝܵܐ ܗܲܠ ܥܵܠܲܡ. 5ܘܥܲܝܢܵܘ̈ܟ݂ܘܿܢ ܒܸܬ ܚܵܙܝܼ، ܘܐܲܚܬܘܿܢ ܒܸܬ ܐܵܡܪܝܼܬܘܿܢ، ’ܗܵܘܹܐ ܓܘܼܪܵܐ ܡܵܪܝܵܐ ܐܘܼܦ ܠܒܲܕܲܪ ܡ̣ܢ ܬܚܘܼܡܵܐ ܕܝܼܣܪܵܝܹܠ.‘“
ܟܵܗܢܹ̈ܐ ܡܲܩܪܘܼܒܹܐ ܕܸܒ݂ܚܹ̈ܐ ܡܵܪܹܐ ܡܘܼܡܵܐ ܠܡܵܪܝܵܐ
6”ܒܪܘܿܢܵܐ ܟܹܐ ܡܝܲܩܸܪ ܠܒܵܒܵܐ، ܘܪܹܓܵܐ ܠܡܵܪܹܗ، ܒܲܣ ܐܸܢ ܒܵܒܵܐ ܝܘܸܢ ܐܵܢܵܐ، ܐܲܝܟܵܐ ܝܠܹܗ ܐܝܼܩܵܪܝܼ؟ ܘܐܸܢ ܡܵܪܵܐ ܝܘܸܢ ܐܵܢܵܐ، ܩܵܡܘܿܕܝܼ ܠܹܐ ܝܬܘܿܢ ܒܸܙܕܵܥܵܐ ܡܸܢܝܼ؟ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ ܐܸܠܵܘܟ݂ܘܿܢ، ܝܵܐ ܟܵܗܢܹ̈ܐ ܡܲܣܠܝܼܵܢܹ̈ܐ ܕܫܸܡܝܼ. ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܡܘܼܣܠܹܐ ܠܲܢ ܠܫܸܡܘܼܟ݂؟‘ 7ܣܵܒܵܒ ܡܲܩܪܘܼܒܹܐ ܝܬܘܿܢ ܥܲܠ ܡܲܕܒܚܝܼ ܠܲܚܡܵܐ ܛܲܡܐܵܐ. ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܥܒ݂ܝܼܕ ܠܲܢ ܛܲܡܐܘܼܬܵܐ ܐܸܠܘܼܟ݂؟‘ ܒܐ݇ܡܵܪܬܵܘܟ݂ܘܿܢ، ’ܦܵܬܘܿܪܵܐ ܕܡܵܪܝܵܐ ܡܘܼܣܠܝܼܵܐ ܝܠܹܗ.‘ 8ܘܟܲܕ ܡܲܩܪܸܒ݂ܝܼܬܘܿܢ ܣܸܡܝܵܐ ܠܕܸܒ݂ܚܵܐ، ܠܹܐ ܝܠܵܗ̇ ܚܸܪܒܵܐ؟ ܘܟܲܕ ܡܲܩܪܸܒ݂ܝܼܬܘܿܢ ܫܦܝܼܠܵܐ ܘܡܪܝܼܥܵܐ، ܠܹܐ ܝܠܵܗ̇ ܚܸܪܒܵܐ؟ ܕܹܐ ܡܲܩܪܸܒ݂ ܠܹܗ ܠܫܲܠܝܼܛܘܼܟ݂، ܒܸܬ ܒܵܣܡܵܐ ܠܹܗ ܒܝܼܘܼܟ݂؟ ܝܲܢ ܒܸܬ ܩܲܒܸܠ ܠܘܼܟ݂ ܒܚܲܕܘܼܬܵܐ؟“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 9”ܘܐܵܕܝܼܵܐ، ܕܹܐ ܦܲܪܦܸܠܘܼܢ ܩܵܕ݇ܡ ܐܲܠܵܗܵܐ ܕܥܵܒܹܕ ܪ̈ܲܚܡܹܐ ܥܲܠܲܢ. ܒܐܝܼܕܵܘܟ݂ܘܿܢ ܗܘܹܐ ܠܵܗ̇ ܐܵܗܵܐ. ܒܸܬ ܩܲܒܸܠ ܠܵܘܟ݂ܘܿܢ ܒܚܲܕܘܼܬܵܐ؟“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 10”ܛܘܼܒ݂ܵܐ ܕܗܵܘܹܐ ܐ݇ܢܵܫܵܐ ܓܵܘܵܘܟ݂ܘܿܢ ܕܕܵܒܹܪ ܬܲܪ̈ܥܵܢܹܐ ܕܗܲܝܟܠܵܐ، ܕܠܵܐ ܡܲܠܗܹܝܬܘܿܢ ܠܡܲܕܒܚܝܼ ܣܪܝܼܩܵܐܝܼܬ. ܠܲܝܬ ܠܝܼ ܪܸܙܵܝܵܐ ܒܝܼܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܩܘܼܪܒܵܢܵܐ ܠܹܐ ܩܲܒܠܸܢ ܡ̣ܢ ܐܝܼܕܵܘܟ݂ܘܿܢ. 11ܣܵܒܵܒ ܡ̣ܢ ܙܪܵܩܵܐ ܕܫܸܡܫܵܐ ܘܗܲܠ ܓܢܵܝܬܹܗ، ܓܘܼܪܵܐ ܝܠܹܗ ܫܸܡܝܼ ܓܵܘ ܐܸܡܘܵܬܹ̈ܐ، ܘܒܟܠ ܕܘܼܟܬܵܐ ܒܸܣܡܵܐ ܟܹܐ ܦܵܐܹܫ ܡܘܼܩܪܸܒ݂ܵܐ ܠܫܸܡܝܼ ܘܩܘܼܪܒܵܢܵܐ ܕܸܟ݂ܝܵܐ. ܣܵܒܵܒ ܓܘܼܪܵܐ ܝܠܹܗ ܫܸܡܝܼ ܓܵܘ ܐܸܡܘܵܬܹ̈ܐ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 12”ܐܝܼܢܵܐ ܐܲܚܬܘܿܢ ܟܹܐ ܫܵܚܡܝܼܬܘܿܢ ܠܹܗ، ܒܗ̇ܝ ܕܒܹܐܡܵܪܵܐ ܝܬܘܿܢ، ’ܦܵܬܘܿܪܵܐ ܕܡܵܪܝܵܐ ܛܲܡܐܵܐ ܝܠܹܗ، ܘܡܘܼܣܠܝܼܬܵܐ ܝܠܵܗ̇ ܡܹܐܟ݂ܘܼܠܬܵܐ ܕܥܲܠܘܼܗܝ.‘ 13ܘܐ݇ܡܝܼܪܵܘܟ݂ܘܿܢ، ’ܗܵܐ، ܟܡܵܐ ܟܟ̰ܵܚܬܵܐ،‘ ܘܩܲܡ ܢܵܦܚܝܼܬܘܿܢ ܒܝܼܹܗ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܡܘܼܐܬܹܐ ܠܵܘܟ݂ܘܿܢ ܚܛܘܼܦܝܵܐ، ܘܫܦܝܼܠܵܐ، ܘܡܪܝܼܥܵܐ ܠܩܘܼܪܒܵܢܵܐ. ܒܸܬ ܒܵܣܡܵܐ ܠܝܼ ܒܝܼܹܗ ܕܩܲܒܠܸܢܹܗ ܡ̣ܢ ܐܝܼܕܵܘܟ݂ܘܿܢ؟“ ܒܹܐܡܵܪܵܐ ܝܠܹܗ ܡܵܪܝܵܐ. 14”ܘܠܝܼܛܵܐ ܝܠܹܗ ܦܵܠܡܵܢܵܐ، ܟܲܕ ܐܝܼܬ ܒܦܸܣܩܹܗ ܐܘܼܪܙܵܐ ܕܠܵܐ ܡܘܼܡܵܐ، ܘܢܵܕܹܪ ܘܕܵܒܹܚ ܚܪܝܼܒ݂ܵܐ ܠܡܵܪܝܵܐ، ܣܵܒܵܒ ܡܲܠܟܵܐ ܓܘܼܪܵܐ ܝܘܸܢ ܐܵܢܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܫܸܡܝܼ ܣܲܗܡܵܢܵܐ ܝܠܹܗ ܓܵܘ ܐܸܡܘܵܬܹ̈ܐ.“
دیاریکراوەکانی ئێستا:
ܡܠܐܟ݂ܝ 1: ABTAB
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
Aramaic Bible Translation Assyrian Bible © 2025 Aramaic Bible Translation
ܡܠܐܟ݂ܝ 1
1
ܡܵܘܕܲܥܢܘܼܬܵܐ
1ܡܲܫܩܠܵܐ ܕܚܲܒܪܵܐ ܕܡܵܪܝܵܐ ܠܝܼܣܪܵܝܹܠ ܒܝܲܕ ܡܲܠܲܐܟ݂ܝܼ.
ܚܘܼܒܵܐ ܕܡܵܪܝܵܐ ܠܝܼܣܪܵܝܹܠ
2”ܩܲܡ ܡܲܚܸܒܸܢܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ. ”ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܡܘܼܚܸܒܲܚ ܠܘܼܟ݂؟‘ ܠܹܐ ܝܗ݇ܘܵܐ ܥܹܣܘܿ ܐܲܚܘܿܢܵܐ ܕܝܲܥܩܘܿܒ݂؟“ ܒܹܐܡܵܪܵܐ ܝܠܹܗ ܡܵܪܝܵܐ، ”ܘܡܘܼܚܸܒ ܠܝܼ ܠܝܲܥܩܘܿܒ݂، 3ܐܝܼܢܵܐ ܠܥܹܣܘܿ ܣܢܹܐ ܠܝܼ، ܘܥܒ݂ܝܼܕ ܠܝܼ ܛܘܼܪ̈ܵܢܘܼܗܝ ܘܲܝܪܵܢ، ܘܝܵܪܬܘܼܬܹܗ ܠܟ̰ܲܩܵܠܹ̈ܐ ܕܒܲܪܝܼܵܐ. 4ܐܸܢ ܐܵܡܪܵܐ ܐܲܕܘܿܡ، ”ܦܝܼܫ ܠܲܢ ܦܘܼܪܦܸܣܹܐ، ܐܝܼܢܵܐ ܒܸܬ ܕܵܝܪܲܚ ܘܒܵܢܲܚ ܠܚܵܪ̈ܵܒܹܐ.“ ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܐܵܢܝܼ ܒܵܢܝܼ، ܘܐܵܢܵܐ ܒܸܬ ܬܵܠܚܹܢ، ܘܒܸܬ ܩܵܪܝܼ ܐܸܠܲܝܗܝ، ܬܚܘܼܡܵܐ ܕܪܲܫܝܼܥܘܼܬܵܐ، ܘܛܵܝܸܦܵܐ ܕܟܪܝܼܒ ܠܹܗ ܥܲܠܘܼܗܝ ܡܵܪܝܵܐ ܗܲܠ ܥܵܠܲܡ. 5ܘܥܲܝܢܵܘ̈ܟ݂ܘܿܢ ܒܸܬ ܚܵܙܝܼ، ܘܐܲܚܬܘܿܢ ܒܸܬ ܐܵܡܪܝܼܬܘܿܢ، ’ܗܵܘܹܐ ܓܘܼܪܵܐ ܡܵܪܝܵܐ ܐܘܼܦ ܠܒܲܕܲܪ ܡ̣ܢ ܬܚܘܼܡܵܐ ܕܝܼܣܪܵܝܹܠ.‘“
ܟܵܗܢܹ̈ܐ ܡܲܩܪܘܼܒܹܐ ܕܸܒ݂ܚܹ̈ܐ ܡܵܪܹܐ ܡܘܼܡܵܐ ܠܡܵܪܝܵܐ
6”ܒܪܘܿܢܵܐ ܟܹܐ ܡܝܲܩܸܪ ܠܒܵܒܵܐ، ܘܪܹܓܵܐ ܠܡܵܪܹܗ، ܒܲܣ ܐܸܢ ܒܵܒܵܐ ܝܘܸܢ ܐܵܢܵܐ، ܐܲܝܟܵܐ ܝܠܹܗ ܐܝܼܩܵܪܝܼ؟ ܘܐܸܢ ܡܵܪܵܐ ܝܘܸܢ ܐܵܢܵܐ، ܩܵܡܘܿܕܝܼ ܠܹܐ ܝܬܘܿܢ ܒܸܙܕܵܥܵܐ ܡܸܢܝܼ؟ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ ܐܸܠܵܘܟ݂ܘܿܢ، ܝܵܐ ܟܵܗܢܹ̈ܐ ܡܲܣܠܝܼܵܢܹ̈ܐ ܕܫܸܡܝܼ. ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܡܘܼܣܠܹܐ ܠܲܢ ܠܫܸܡܘܼܟ݂؟‘ 7ܣܵܒܵܒ ܡܲܩܪܘܼܒܹܐ ܝܬܘܿܢ ܥܲܠ ܡܲܕܒܚܝܼ ܠܲܚܡܵܐ ܛܲܡܐܵܐ. ܘܐ݇ܡܝܼܪܵܘܟ݂ܘܿܢ، ’ܒܡܘܿܕܝܼ ܥܒ݂ܝܼܕ ܠܲܢ ܛܲܡܐܘܼܬܵܐ ܐܸܠܘܼܟ݂؟‘ ܒܐ݇ܡܵܪܬܵܘܟ݂ܘܿܢ، ’ܦܵܬܘܿܪܵܐ ܕܡܵܪܝܵܐ ܡܘܼܣܠܝܼܵܐ ܝܠܹܗ.‘ 8ܘܟܲܕ ܡܲܩܪܸܒ݂ܝܼܬܘܿܢ ܣܸܡܝܵܐ ܠܕܸܒ݂ܚܵܐ، ܠܹܐ ܝܠܵܗ̇ ܚܸܪܒܵܐ؟ ܘܟܲܕ ܡܲܩܪܸܒ݂ܝܼܬܘܿܢ ܫܦܝܼܠܵܐ ܘܡܪܝܼܥܵܐ، ܠܹܐ ܝܠܵܗ̇ ܚܸܪܒܵܐ؟ ܕܹܐ ܡܲܩܪܸܒ݂ ܠܹܗ ܠܫܲܠܝܼܛܘܼܟ݂، ܒܸܬ ܒܵܣܡܵܐ ܠܹܗ ܒܝܼܘܼܟ݂؟ ܝܲܢ ܒܸܬ ܩܲܒܸܠ ܠܘܼܟ݂ ܒܚܲܕܘܼܬܵܐ؟“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 9”ܘܐܵܕܝܼܵܐ، ܕܹܐ ܦܲܪܦܸܠܘܼܢ ܩܵܕ݇ܡ ܐܲܠܵܗܵܐ ܕܥܵܒܹܕ ܪ̈ܲܚܡܹܐ ܥܲܠܲܢ. ܒܐܝܼܕܵܘܟ݂ܘܿܢ ܗܘܹܐ ܠܵܗ̇ ܐܵܗܵܐ. ܒܸܬ ܩܲܒܸܠ ܠܵܘܟ݂ܘܿܢ ܒܚܲܕܘܼܬܵܐ؟“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 10”ܛܘܼܒ݂ܵܐ ܕܗܵܘܹܐ ܐ݇ܢܵܫܵܐ ܓܵܘܵܘܟ݂ܘܿܢ ܕܕܵܒܹܪ ܬܲܪ̈ܥܵܢܹܐ ܕܗܲܝܟܠܵܐ، ܕܠܵܐ ܡܲܠܗܹܝܬܘܿܢ ܠܡܲܕܒܚܝܼ ܣܪܝܼܩܵܐܝܼܬ. ܠܲܝܬ ܠܝܼ ܪܸܙܵܝܵܐ ܒܝܼܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܩܘܼܪܒܵܢܵܐ ܠܹܐ ܩܲܒܠܸܢ ܡ̣ܢ ܐܝܼܕܵܘܟ݂ܘܿܢ. 11ܣܵܒܵܒ ܡ̣ܢ ܙܪܵܩܵܐ ܕܫܸܡܫܵܐ ܘܗܲܠ ܓܢܵܝܬܹܗ، ܓܘܼܪܵܐ ܝܠܹܗ ܫܸܡܝܼ ܓܵܘ ܐܸܡܘܵܬܹ̈ܐ، ܘܒܟܠ ܕܘܼܟܬܵܐ ܒܸܣܡܵܐ ܟܹܐ ܦܵܐܹܫ ܡܘܼܩܪܸܒ݂ܵܐ ܠܫܸܡܝܼ ܘܩܘܼܪܒܵܢܵܐ ܕܸܟ݂ܝܵܐ. ܣܵܒܵܒ ܓܘܼܪܵܐ ܝܠܹܗ ܫܸܡܝܼ ܓܵܘ ܐܸܡܘܵܬܹ̈ܐ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 12”ܐܝܼܢܵܐ ܐܲܚܬܘܿܢ ܟܹܐ ܫܵܚܡܝܼܬܘܿܢ ܠܹܗ، ܒܗ̇ܝ ܕܒܹܐܡܵܪܵܐ ܝܬܘܿܢ، ’ܦܵܬܘܿܪܵܐ ܕܡܵܪܝܵܐ ܛܲܡܐܵܐ ܝܠܹܗ، ܘܡܘܼܣܠܝܼܬܵܐ ܝܠܵܗ̇ ܡܹܐܟ݂ܘܼܠܬܵܐ ܕܥܲܠܘܼܗܝ.‘ 13ܘܐ݇ܡܝܼܪܵܘܟ݂ܘܿܢ، ’ܗܵܐ، ܟܡܵܐ ܟܟ̰ܵܚܬܵܐ،‘ ܘܩܲܡ ܢܵܦܚܝܼܬܘܿܢ ܒܝܼܹܗ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܡܘܼܐܬܹܐ ܠܵܘܟ݂ܘܿܢ ܚܛܘܼܦܝܵܐ، ܘܫܦܝܼܠܵܐ، ܘܡܪܝܼܥܵܐ ܠܩܘܼܪܒܵܢܵܐ. ܒܸܬ ܒܵܣܡܵܐ ܠܝܼ ܒܝܼܹܗ ܕܩܲܒܠܸܢܹܗ ܡ̣ܢ ܐܝܼܕܵܘܟ݂ܘܿܢ؟“ ܒܹܐܡܵܪܵܐ ܝܠܹܗ ܡܵܪܝܵܐ. 14”ܘܠܝܼܛܵܐ ܝܠܹܗ ܦܵܠܡܵܢܵܐ، ܟܲܕ ܐܝܼܬ ܒܦܸܣܩܹܗ ܐܘܼܪܙܵܐ ܕܠܵܐ ܡܘܼܡܵܐ، ܘܢܵܕܹܪ ܘܕܵܒܹܚ ܚܪܝܼܒ݂ܵܐ ܠܡܵܪܝܵܐ، ܣܵܒܵܒ ܡܲܠܟܵܐ ܓܘܼܪܵܐ ܝܘܸܢ ܐܵܢܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܫܸܡܝܼ ܣܲܗܡܵܢܵܐ ܝܠܹܗ ܓܵܘ ܐܸܡܘܵܬܹ̈ܐ.“
Aramaic Bible Translation Assyrian Bible © 2025 Aramaic Bible Translation