ܝܘܢܢ 2

ܨܠܘܿܬܵܐ ܕܝܵܘܢܵܢ

1ܘܨܘܼܠܹܐ ܠܹܗ ܝܵܘܢܵܢ ܨܠܘܿܬܵܐ ܠܡܵܪܝܵܐ ܐܲܠܵܗܹܗ ܡ̣ܢ ܟܹܪ݇ܣܵܐ ܕܢܘܼܢܵܐ. 2ܘܐ݇ܡܝܼܪܹܗ، ”ܩܪܹܐ ܠܝܼ ܡ̣ܢ ܥܵܘܩܵܢܝܼ ܠܡܵܪܝܵܐ، ܘܩܲܡ ܓ̰ܲܘܸܒ ܠܝܼ. ܘܓܥܹܐ ܠܝܼ ܡ̣ܢ ܥܘܼܡܩܹ̈ܐ ܕܫܝܘܿܠ، ܘܫܡܝܼܥ ܠܘܼܟ݂ ܐܲܢ݇ܬ ܩܵܠܝܼ. 3ܩܲܡ ܪܲܦܸܝܬ ܠܝܼ ܠܥܘܼܡܩܹ̈ܐ، ܒܠܸܒܵܐ ܕܝܵܡܵܬܹ̈ܐ؛ ܘܪ̈ܵܗܛܹܐ ܕܡ̈ܝܼܵܐ ܩܲܡ ܚܲܪܕܝܼ ܠܝܼ. ܥܒ݂ܝܼܪܗܘܿܢ ܡܥܲܠܝܼ ܟܠܲܝܗܝ ܠܲܦܘܼ̈ܟ݂ ܘܡܲܚܫܘܼܠܘܼ̈ܟ݂. 4ܘܗ̇ܝܓܵܗ ܐ݇ܡܝܼܪܝܼ، ’ܦܝܼܫ ܠܝܼ ܛܪܝܼܕܵܐ ܡ̣ܢ ܩܵܕ݇ܡ ܥܲܝܢܘܼ̈ܟ݂، ܐܝܼܢܵܐ ܗܹܫ ܒܸܬ ܡܲܙܝܸܕܸܢ ܠܸܚܝܵܪܵܐ ܒܗܲܝܟܠܘܼܟ݂ ܩܲܕܝܼܫܵܐ.‘ 5ܩܲܡ ܟܵܪܟ݂ܝܼ ܠܝܼ ܡ̈ܝܼܵܐ ܗܲܠ ܚܢܵܩܬܝܼ، ܬܗܘܿܡܵܐ ܩܲܡ ܚܲܪܕܹܐ ܠܝܼ، ܓܸܠܵܠܹ̈ܐ ܕܝܵܡܵܐ ܟܘܼܪܡܸܟ݂ ܠܗܘܿܢ ܒܪܹܫܝܼ. 6ܠܥܸܩܪܵܐ ܕܛܘܼܪ̈ܵܢܹܐ ܨܠܹܐ ܠܝܼ؛ ܐܲܪܥܵܐ ܬܲܚܬܵܝܬܵܐ ܩܲܡ ܐܵܣܪܵܐ ܠܝܼ ܠܥܵܠܲܡ. ܐܝܼܢܵܐ ܡܘܼܐܣܸܩ ܠܘܼܟ݂ ܚܲܝܝܼ̈ ܡ̣ܢ ܥܘܼܡܩܵܐ، ܝܵܐ ܡܵܪܝܵܐ ܐܲܠܵܗܝܼ. 7ܟܲܕ ܚܲܝܝܼ̈ ܒܸܛܠܵܩܵܐ ܝܗ݇ܘܵܘ، ܕܟ݂ܝܼܪܝܼ ܐܸܠܘܼܟ݂ ܡܵܪܝܵܐ، ܘܨܠܘܿܬܝܼ ܐ݇ܣܝܼܩ ܠܵܗ̇ ܠܟܸܣ ܠܘܼܟ݂، ܓܵܘ ܗܲܝܟܠܘܼܟ݂ ܩܲܕܝܼܫܵܐ. 8ܐܵܢܝܼ ܕܒܸܣܢܵܕܵܐ ܝܢܵܐ ܠܨܲܠܡܹ̈ܐ ܣܪ̈ܝܼܩܹܐ، ܫܵܦܵܩܲܬ ܡ̣ܢ ܓܵܢܲܝܗܝ ܛܲܠܘܼܩܘܼܗ̇ ܝܢܵܐ. 9ܐܝܼܢܵܐ ܐܵܢܵܐ ܒܩܵܠܵܐ ܕܫܵܟܲܪܬܵܐ ܒܸܬ ܡܲܩܪܸܒܸܢ ܕܸܒ݂ܚܵܐ ܐܸܠܘܼܟ݂. ܡܸܢܕܝܼ ܕܢܕܝܼܪܝܼ ܒܸܬ ܦܵܪܥܹܢ. ܦܘܼܪܩܵܢܵܐ ܡ̣ܢ ܡܵܪܝܵܐ ܝܠܹܗ.“ 10ܘܦܩܝܼܕ ܠܹܗ ܡܵܪܝܵܐ ܠܢܘܼܢܵܐ، ܘܓܣܹܐ ܠܵܗ̇ ܝܵܘܢܵܢ ܠܒܸܪܙܵܐ.

دیاریکراوەکانی ئێستا:

ܝܘܢܢ 2: ABTAB

بەرچاوکردن

هاوبەشی بکە

لەبەرگرتنەوە

دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە

زانیاری زیاتر لەبارەی ܟܬܵܒ݂ܵܐ ܩܲܕܝܼܫܵܐ ܒܠܸܫܵܢܵܐ ܐܵܬܘܿܪܵܝܵܐ