A SƐB-SÕW

La Bible en Dagara

Dagara DC Bible

Naaŋmɩn so yãanɩ puoru, ʋ na sàw a tõ-kpɛ̃ɛ, tõ-sõw ŋa nyɛ̃ nʋɔr kʋb zie a yuona a! Bʋnʋ tõ-sõw n'ʋ tɩ yere? A Sɛb-sõw, a Naaŋmɩn ƴɛ̀rʋ lɩɛbʋ a tɩ Dagara kɔkɔr pʋɔ.

\p Mɔ̃-bàalʋ cuw pʋɔ, a yome 1997 sob daar'a a ton tɩ tĩ, ɛ́ a tɩ sɛw k'ʋʋ baarɩ yome pie nɩ anũu ƴãw, a pɛr lɛ kɛ́ 2012. Ɛcɛ, yel-fɛrɩ na ta yel-fɛrɩ a wa so na a dàa taw tɔl blã, ɛ́ a ton baarɩ a 2013 ŋa pʋɔ.

\p Lãw kãw bɛ na bʋɔlɛ a farsɩ kɔkɔr pʋɔ kɛ́ «Alliance Biblique du Burkina Faso», ʋʋ ɩ a lãw ʋl na sõwne a Sɛb-sõw lɩɛbʋ tome a kɔkɛɛ bʋʋrɛ bʋʋrɛ pʋɔ a, ʋlɛ n'ʋ ƴãw fãw bɩɛlɩ a ton ʋ wa tɩ baarɩ à ŋá.

\p A Sɛb-sõw na põ ziir ayi a, Wõ-ta-kʋra nɩ Wo-ta-paala a, a Wõ-ta-paala n'ʋ a ton tɩ tĩ nɩ. Ɛ́ tɩ za bãwnɩ a na a Wõ-ta-paala sɛbɛ na yi a yome 2007 sob daar a. Dɩ̃a a, a Sɛb-sõw za, a Wõ-ta-kʋra nɩ a Wõ-ta-paala, ʋlɛ n'ʋ kpɩɛr a tɩ nuru pʋɔ.

\p Dagara biir i, tɩ tɛr'ɩ zu-nʋ̃ɔ̀ a na-bʋ̃-kpɛ̃ɛ kpɛ̃ɛ ŋa na kpɩɛr a tɩ nuru pʋɔ a! Libie nɩ bʋ̃-tɛrɩ yaga za bɛ n'a a sɛbɛ ŋa na ɩ tɩ páw ɛ. Nyɔ-vʋʋrʋ na ɩ nyɔ-vʋʋrʋ a n'ʋ tɩ na páw a ʋ kanʋ pʋɔ, tɩmɛ wa sàw de a lɛ ʋ na yel a! 

Alliance Biblique du Burkina Faso


Bible Society of Burkina Faso

DBDC EDITOR

Llegeix-ne més

Altres versions de Bible Society of Burkina Faso

YouVersion utilitza galetes per personalitzar la teva experiència. En utilitzar el nostre lloc web, acceptes el nostre ús de galetes tal com es descriu a la nostra Política de privadesa