Mateo 1

1
Ri e rati'-umam ri Jesús ojertan
(Lc. 3:23-38)
1Ri Kanimajawal Jesucristo e ralc'o'al can ri David y ralc'o'al can ri Abraham. E ri quipetebem lo che ri Abraham e tak wa':
2Ri ralc'o'al ri Abraham, Isaac rubi';
ri ralc'o'al ri Isaac, Jacob rubi';
tak ri ralc'o'al ri Jacob, e ri Judá cuc' ri ratz-uchak'.
3Tak ri ralc'o'al ri Judá, e ri Fares y ri Zara yey rubi' ri quichu e Tamar;
ri ralc'o'al ri Fares, Esrom rubi';
ri ralc'o'al ri Esrom, Aram rubi'.
4Ri ralc'o'al ri Aram, Aminadab rubi';
ri ralc'o'al ri Aminadab, Naasón rubi';
ri ralc'o'al ri Naasón, Salmón rubi'.
5Ri ralc'o'al ri Salmón, Booz rubi' yey ruchu ri Booz e Rahab.
Ri ralc'o'al ri Booz, Obed rubi' yey rubi' ruchu ri Obed e Rut.
Ri ralc'o'al ri Obed, Isaí rubi'.
6Ri ralc'o'al ri Isaí, e ri rey David
y ri ralc'o'al ri David, Salomón rubi' yey ruchu ri Salomón e ri rixokil ri Urías.
7Ri ralc'o'al ri Salomón, Roboam rubi';
ri ralc'o'al ri Roboam, Abías rubi';
ri ralc'o'al ri Abías, Asa rubi'.
8Ri ralc'o'al ri Asa, Josafat rubi';
ri ralc'o'al ri Josafat, Joram rubi';
ri ralc'o'al ri Joram, Uzías rubi'.
9Ri ralc'o'al ri Uzías, Jotam rubi';
ri ralc'o'al ri Jotam, Acaz rubi';
ri ralc'o'al ri Acaz, Ezequías rubi'.
10Ri ralc'o'al ri Ezequías, Manasés rubi';
ri ralc'o'al ri Manasés, Amón rubi';
ri ralc'o'al ri Amón, Josías rubi'.
11Tak ri ralc'o'al ri Josías, e ri Jeconías cuc' ri ratz-uchak'; rique xebalax chupa tak ri k'ij echiri' raj Israel xec'am bi Babilonia.
12Echiri' ec'amom chubi Babilonia, xalax jun ralc'o'al ri Jeconías, Salatiel rubi';
ri ralc'o'al ri Salatiel, Zorobabel rubi'.
13Ri ralc'o'al ri Zorobabel, Abiud rubi';
ri ralc'o'al ri Abiud, Eliaquim rubi';
ri ralc'o'al ri Eliaquim, Azor rubi'.
14Ri ralc'o'al ri Azor, Sadoc rubi';
ri ralc'o'al ri Sadoc, Aquim rubi';
ri ralc'o'al ri Aquim, Eliud rubi'.
15Ri ralc'o'al ri Eliud, Eleazar rubi';
ri ralc'o'al ri Eleazar, Matán rubi';
ri ralc'o'al ri Matán, Jacob rubi'.
16Y ri ralc'o'al ri Jacob e ri José, ri rachijil ri María, ruchu ri Jesús. Yey ri Jesús e ri cabi'x “Cristo” che.
17Jec'ula' chi conoje ri ticawex ujekebem lo chwi ri Abraham c'a chwach ri David, xebic'ow cajlajuj lema'j; chwi lo ri David c'a chwach echiri' xec'am bi raj Israel pa ri tinamit Babilonia, xebic'ow cajlajuj lema'j; yey chwi lo echiri' xec'am bi raj Israel pa ri tinamit Babilonia c'a chwach ri ralaxibal ri Cristo, xebic'ow cajlajuj lema'j.
Ri ralaxibal ri Jesús
(Lc. 2:1-7)
18Jewa' xu'an ri ralaxibal ri Kanimajawal Jesucristo: Ri María, ruchu ri Jesús, unimam chic cac'uli' ruc' ri José. Ec'uchiri' c'amaja' caquijunimaj quib, ri María xcanaj yewa' ixok ruma ruchuk'ab ri Santowilaj Ruxlabixel ri Dios. 19Ri José, ri rachijil ri María, ruma lic jusuc' rubinic y ruma na caraj taj cuya uq'uix ri María chiquiwach ri winak, xraj c'ut cuya canok e la' na jinta c'o quena'ben re. 20Ec'uchiri' cuch'ob rakan puwi wa', xakic'ate't jun ángel re ri Dios xuc'ut rib pa uwachic' y xubi'ij che: «José, at ralc'o'al can ri David, maxi'ij awib che cac'am ri María re cu'an awixokil,#1:19-20 Ri caqui'an rojertan raj Israel, e nabe caquiyijba' ruwujil ri c'ulaniquil jun junab chwach pan echiri' quec'oji' junam pa cocho. Ec'uchiri' xcanaj can ri María yewa' ixok, c'o chi ruwujil ruc'ulaniquil ruc' ri José, tob rire c'a c'o pa cocho ruchu-ukaw. Ec'u ri' ri José ruma ri tzij qui'anom chic, xuch'ob rakan cuya can ruwujil re jachbal ib che ri María. Dt. 24:1 ma rumatzem rire, uc'ulum ruma ri Santowilaj Ruxlabixel ri Dios. 21Calax c'u jun ralab y Jesús rubi' cacojo, ma Rire quebucolobej#1:21 “Jesús” pa ri ch'a'tem hebreo que'elawi “Colobenel”. rutinamit che ri quimac» xcha'.
22Ronoje wa' xu'ano cha' e cu'ana janipa ri cubi'ij Ruch'a'tem ri Dios echiri' ri k'alajisanel re ri Dios xubi'ij:
23Chitanape': Jun chomilaj k'apoj ali cacanaj yewa' ixok y calax jun ralab. Ec'u rubi' cabi'xic: Emanuel Is. 7:14
xcha'. Wa' que'elawi “Dios xo'ljekel kuc'”. 24Ec'uchiri' xc'un sak chwach ri José, e xu'an ri xtak che ruma ri ángel re ri Dios; xuc'am c'u ri María re rixokil. 25Pero xuchajij na ruchomal ri María ma na xc'oji' ta ruc' c'a echiri' xalax na ri ralco ralab. Y Jesús rubi' xucojo.

S'ha seleccionat:

Mateo 1: acrT

Subratllat

Comparteix

Copia

None

Vols que els teus subratllats es desin a tots els teus dispositius? Registra't o inicia sessió

YouVersion utilitza galetes per personalitzar la teva experiència. En utilitzar el nostre lloc web, acceptes el nostre ús de galetes tal com es descriu a la nostra Política de privadesa