1 Korintiye 5
5
Dɨməmdə ma hase gə wakasəwnə
1Ka twai mya shi ka le a boyo atɨ sharawne nee a wakasəwnə, a wule sharawna tam a waka wule myee aawa koɗə Həmɨnpwa atɨ baa ma a lee metɨ baagən meti. 2Kat ka angɨn hwunaa kopo ka sopye a por-njiya ka ləngɨn, hwuna shea kangə ta nggorkonye. Ɓə kana hwuna dɨmdə wule ma ɗa shee gə wakasəwnə! 3Nagi ka sate atɨ hɨn tam a hakəwnə a sɨtə, kat ka angɨn hɨne ɓwaa kəwnə a vor pitə. Hɨn liya ɓashiyə ma ɗa wule shee lɨbadən mbəə ɓətɨ hɨne a hangɨn. 4Ji-kottə kana peyə kat a vor kwakɨ Həmɨmiye Yesu, hɨne ɓwaa kəwnə a vor pitə. Sə mgban gəta Həmɨmiye Yesu nee ɓwaa kəwnə də. 5Dɨməmdə wule ma ɓətɨ a vəmə Shetan, gə mya ɗan sɨgbəɗye nda tənə baa kwa-we gə mya ɗɨma mbədə myensən gə fərə ɓashitə, a fəra Həmɨmiye ɓa mɨnakan.
6Wule nggorkonye dəwnə a nə səhase aa wula. Hwunaa leyə atɨ səhase nə ɓətɨ maɗə ma, a ɓa pɨrə wake humbotə kat a ɗɨkdə ngga hɨtɨka? 7Dɨməmdə maɗə iire gə hwuna gə hwel-hwel ɓətɨ burodite taa maɗə də. Giɓə sə hwuna gə ɓəgəng, gəkɨlə Ma Həmɨnpwa a Yaɓwarən nə nzə-mbagaa mya həmə kan gə le dam a kwalə Lawuttə. 8Gə ləngɨn mya ɗam sɨlangsətɨ kwalə Lawuttə aa ka burodite ka maɗə iire ɓətɨ yə nggwonshe ka kwakaɗɨkatə, shezə mya ɗam sɨlangsətɨngɨn ka buroditɨ hwelte taa maɗə də ɓətɨ yə tikɨstə ka diyale.
9Hɨn dorownə itɨ malɨmti səwnə atɨ hwuna təkəsə ka myee dɨ ɗa sharawne. 10Hɨn taa sa atɨ ɓe hwuna təkəsə ka mi vɨratə, ɓətɨ 'ye a vor sharawne ka nzumwe ka dəməha ka koɗə pɨle. Aa wule mingɨn nə na dɨ kənə, anda tənə, hwun ɓa nda dɨmgə vor vɨratə. 11Shezə ɓəgəng hɨnə dɨ dorownə səwnə atɨ, hwuna təkəsə ka wule nzə-nuwote dɨ nggur nəngɨn nzə-kotti a pɨrə vor sharawne ka nzumwe ka koɗə pɨle ka ɗaahe ka sop vwe kpashi kan, ka dəməha. Wule myee ɓe hwunaa liya zɨmshe kaarən.
12Ɓə mɨnə sɨpɨrshi na ɓə ɓashiyə myee aa ji-kotti? Myee ji-kottɨnə hwun ɓa ɓashiyərən. 13Mbiɗitɨ myee aawa koɗə Həmɨnpwa, Həmɨnpwa nə ɓa ɓashiyərən. “Dɨməmdə ma hase gə wakasəwnə.”#5.13 Naasə: Gɨraha 17.7; 19.19; 21.21; 22.21,24; 24.7.
S'ha seleccionat:
1 Korintiye 5: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.