रोमियो 13
13
राज्यान केरता कर्तव्य
1आखान माणहान वरिष्ठ अधिका-यान अधीन असावे, काल्ला ओहला ओहला अधिकार नाह कि तो पर्मेश्वरारीन नाह; एने जें अधिकार हेते, ते बोगवानानेच ठेरायेल हेते. 2ज्याकेरता जो कूण अधिकारा विरोध करने, तो बोगवानान विधीही सामना करने, एने तीवूगी आवणारे दण्ड ओढवीत लेती. 3काहाकाय हाजो कामान केरता अधिकारी बिणेन इही नाहं, पुण वाईट कामान केरता, बिणेन हि तेवी अधिकारी बिणेन काय नाहा, इही मोनाम ओवता हाजो ते केर, एने ताफायरीन वाहवा एय; 4काहाकाय कि तो तारो हाजो कामान केरता बोगवानान दास हि. पुण केध्दीह तू वाईट केरुहू, तेवी बिणेन बाळग, कारण तो तलवार वाया पेरणु केरतीन नाहं एने बोगवानान दास हि कि तान क्रोधाअ नुसार वाईट काम केरणारा शिक्षा आपुह. 5ज्याकेरता केवळ अधीन रेणे नाहं, तर तान क्रोधाअ बिणेन बाळगणे नापून सदा विवेक बुद्धी पुण जिच गवाही आपीह. 6ज्याकेरता केर पुण द्या कि कारण हाकीम केरणारा बोगवानान दास हेते एने कायम ज्योच कामाम लागिन रेथे रेणू. 7ज्यानकेरता आखाज हक्क आपील टाकु ज्याह केर; जुविकाय ताह केर आपो; ज्याह जकात आपील, ताह ते आपो; ज्याह बिनारो हि ताह बिणु ज्यान आदर केरणे जुवी ताह आदर केरू.
एक दिहरान प्रती कर्तव्य
8एका दिहिराही प्रीती केरणेन याशिवाय कुणीन कर्जदार रेहू मा; काहाकाय जो दिहरापुर प्रेम करने, तान व्यवस्था पुरो केर देनूह पाळदेनु हि. 9कारण “व्यभिचार केरहू मां, खुन केरहू मां, लोभ घेरू मां” ज्याह आज्ञा एने कानलीभी ओहली तेभी सारांश जीही, “आपणेपूर तोहली आपणो पडोसी हेरीपूर प्रेम केर ज्यांन वचनामाय हि.” 10प्रेम हाथीता काही वाईट केरतीन नाहं, ज्याकेरता प्रेम केरणेन व्यवस्था पुरो केरणेन हि.
11वेलान ओलखिन ओहलाच केरू, ज्याकेरता कि आखा तुमूह ओवता उठिल ओहलो टाइम आवी हि; कारण कि ज्या वेलान आमु विश्वास किरील एतो, ता वेलान फुसणे आमारो उद्धार आहने हि. 12रात निवारती जाइन दिह निकालवालो हि; ज्यानकेरता आमु अंधकाराम कामान केरता त्यागून प्रकाशन हत्यार बांधीन लेजी. 13जोहलो दिह दिहाह होबा आपीह, तोहोलो आपु शिष्टा चारान चालणे चैनबाजीत, मद्यपानात, विषयविलासात एने कामनशक्ती, लेडानेह एने मत्सरामाय रेणूनाय जुवी. 14तेवी तुमूह प्रभु यीशु मसीहान पेरीन केरू, एने देह्वासनाना तृप्त केरणेन केरता तरतूद केरूह मा.
S'ha seleccionat:
रोमियो 13: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.