Amaköri gha Bhatomu 2
2
Akörö Ahörëëru ˆekaacha orosiko ro Bhentekositi
1Hano orosiko ro Bhentekositi#2:1 Bhentekositi neere anyangi e Bhayahuuti ino ere eraköru hano cheekubha chehetiri chaasiko miröngö etaano korwera orosiko ro Bhaasaka. Bhentekositi gho Keyunaani egheteemoro keeche, n‑chaasiko miröngö etaano. rohikiri, abhaghëndi bhoose bha Yesu mbaare bhiikomiine mo‑nyumba imu iyo Yerusareemu. 2Hayo hayo, bhakooghu koru Mwishaaro ekerumo kinya ke mukama muhaari, gheghiichori anyumba yoose. 3Niho bhakarighi ebheghiro bhenga kinya chaamemi che mororo, cheghasancha, cheghiikara ighoro e mooto woose. 4Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.
5Mbe, hayo Yerusareemu mbaare‑ho Abhayahuuti bhano ꞉bhaare bhararisëngëra Eryobha. Abhayahuuti bhayo mbaare bharuure chaase choose che se.#2:5 Kwo eriibhagha riyo, Abhayahuuti bhaaru mbaare bhasanchiri mo‑chaase echende. 6Hano bhooghwire amaraka ghayo, abhaato bhaaru bhaghiikomana hayo. Omooto woose akahagha, gho kubha ꞉nooghwire eghighambo keeche kerasiikëru na abhaghëndi bhayo bha Yesu. 7Ghayo ghakabharoghoori na kuhagha chwee, bhakabhugha, “Mutëghëërërë! Bhano bhaghosiikëra hangʼu, bhoose m‑Bhaghariraaya! 8Mbe! Nibhu ekabha mooto woose akooghu bharasiikëra gho ghighambo keeche ghe simoka? 9Wiiki ghate yiito, mbaanyi‑ho abhaato abhande koru mo‑chaase che Abhariti, na Abhameeti, na Abhaeraamu. Wiiki abhande koru mo‑chaase che Mesobhotamiya, na Yuteya, na Kabhatokiya, na Bhonto, na Asiya, 10na Bhirighiya, na Bhambiriya, na Miisiri. Mbaanyi‑ho abhande koru chambaara che se e Riibhiya, ino enyi haghuhe no omoghya o Kireene. Mbaanyi‑ho wiiki bhano ꞉bhaaköriri orughëndö koru mo‑moghya o Ruumi, abhande n‑Abhayahuuti bha simoka, abhande n‑abhaato bha matöngö bhano bhakumiri atiini e Kiyahuuti. 11Mbaanyi‑ho abhande bhano ꞉bhaaruure Kireete, na abhande n‑Abhaarabhu ꞉bhaare. Ntooghwire itu bhoose, abhaato bhano bharareghongi Eryobha kwo maköri ghaache amakoro, mo‑bhighambo bhiito!”
12Abhaato bhoose bhakaroghoora na kuhagha chwee, bhakabhoorani bharabhugha, “Naho ino n‑ngʼana ke?” 13Amare abhamu ghate yaabho bhakabhachebhora abhaghëndi bha Yesu, bharabhugha, “Mbanywire amaro gha musabhiibhu, bhakarëëwu!”
Bheetero ˆakabheeghi abhaato ighoro e Körö Ahörëëru
14Ibheere Bheetero akiimeerera, haghirohamu na abhatomu abhaghëndi bhaache bhaare ikomi na umwa, akabhabhoorera abhaato bhayo kwo riiraka ikoro arabhugha, “Inyu Abhayahuuti bha Yerusareemu, na abhande bhano moruure mo‑chaase echende, muntëghëërërë bhoheene, nebhabhoorere angʼana ino! 15Moghwituuri abhaato bhano mbarëëwuru, amare tiyaanyi, bhatarëëwuru. Ibheere nchimariri koheta chaasa ishato hangʼu korwera hano bhukëëriire! 16Amare amangʼana ghano nigho ghaare Eryobha ꞉reebhughiri gho kohetera omurööti waache Yoweri kubha,
17‘Mo‑chaasiko che ntenero,
neghwiki Akörö yaane ighoro e bhaato bhoose.
Abhaana bhaanyu bha kebhureni
na bha ghiike mbakurööta,
na abhabhureni bhaanyu mbakorighi amarighi,
na abhagharuka mbakurööta amaröötö.
18Mo‑chaasiko chiyo, neghwiki Akörö yaane
ighoro e bhatamishi bhaane,
bha ghesubhe na bha ghiike,
bhoose mbakurööta.
19Neghuköra ebhiraghe ighoro mwishaaro,
ne ebhyërëkërëri hano mo‑se.
Abhaato mbakorighi ebhyërëkërëri bhe masaahë,
no omororo, no omooki o ryoki mokoro.
20Omu noghwigharura kubha ekengʼuuri,
no omwëri nookubha mubhararatu piri ke masaahë.
Ghayo ghoose ngaghuköru rokeere korwera,
orosiko orokoro ro bhokumi obhokoro bho Mutëmi Waryobha.
21Eriibhagha riyo, wowoose uno aghusabha abheru
koru kwo Mutëmi Waryobha naghotooribhu.’#2:17–21 Mööhi Yoweri 2:28–32.”
22Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene. 23Akamara Yesu uno akaruusibhu ghokoonyu, kinya Eryobha eryene reere ryeche na kurëngʼaana na amënda ghaache koru simoka. Wiiki inyu mokamwita mo‑musarabha, gho kohetera abhaato bha matöngö.#2:23 Abhaato bha matöngö. Egheteemoro ekende ngeghotora kubha, abhaato abhabhe. 24Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu! 25Koru Tawuti ꞉naabhughiri ighoro e Yesu kubha,
‘Nemorooche Omutëmi Waryobha
anyi haghirohamu na neeni chaasiko choose.
Wiiki gho kubha naanyi haghuhe na neeni, nteeghosingisu.
26Gho ghayo, omotema waane nuchömiiru,
wiiki ororeme roone ndokoriryata.
Koru omobhere waane, woose noonyi na amiitëngʼërö ighoro yaache,
27gho kubha iye Omutëmi Waryobha tooghontigha nyaari,
tooghwishereri kubha omobhere waane obhushere iyo,
eni Omutööbhiyu waacho.
28Nönyëërëkiri chanchëra che bhuhöru,
noghunköra nichaghane chwee,
gho kubha noonyi haghuhe na neeni.’#2:25–28 Mööhi Sabhuri 16:8–11.”
29Wiiki Bheetero akëëndërëra kobhugha, “Bhahiiri bhaane, neghotora kobhabhoorera kwo bhuhëënë kubha, sookoro wiito Tawuti tiisiikëriire omwene gho kubha, ꞉naakuure, akaryeku, na ambeehera yaache, hano enyi koru reero. 30Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.#2:30 Mööhi 2 Samweri 7:12–13. 31Tawuti ꞉naarooche amangʼana ghano ghakuucha korwera, aghasiikëra ighoro e koryoka kwo Kirisito uyo kubha, taatighuru nyaari no omobhere waache toobhushiri.#2:31 Mööhi Sabhuri 16:10. 32Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi. 33Eryobha riyo rekamoghongi na komuha omweya, niikeere eribhaara reeche re kwiro.#2:33 Niikeere eribhaara reeche re kwiro n‑kuhaabhu obhukangati. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu. 34Tawuti omwene tatiiriri na ghusöha Mwishaaro, amare akabhugha,
‘Omutëmi Waryobha ꞉naamobhooriire Omutëmi waane,
Wiikare eribhaara re kubhökö koone gho kwiro,
35mbagha neghukörë okinde abhabhisa bhaacho
na kobhakangata.’#2:34–35 Ekeyunaani ngekobhugha, mbagha nebhatoore abhabhisa bhaacho haase e maghoro ghaacho. Mööhi Sabhuri 110:1.”
36Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”
37Abhaato bhayo, hano bhooghwire amangʼana ghayo, ghakabhangʼuuta chwee mo‑metema gheebho. Bhakamobhoori Bheetero na abhatomu abhaghëndi bhaache bhakabhugha, “Abhahiiri bhiito, ibheere tukörë bhu?” 38Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru. 39Eryobha ꞉ndiiraghiri eriiraghano rino gho ghiri yaanyu, na kwo bhaana bhaanyu, na kwo bhano bhoose bhaanyi kurë. Omutëmi Waryobha ꞉naaraghiri kwo bhaato bhoose bhano akobhabherekera.”
40Bheetero akëëndërëra kobhabhoorera abhaato bhayo amangʼana aghande maaru gha kobhashaangʼi. Akabhakumereri arabhugha, “Musabhe Eryobha rebhatoori, retaacha kobhatenera ekiina haghirohamu na abhaato bha rwibhoro runo orobhe!” 41Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.
Obhughöötani bho bhaghëndi bha Yesu
42Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate#2:42 Ghosuura omughaate. Nkoore koraköru eriibhagha re nyangi e Meecha e Mutëmi. Mbaare bharahööha na kurë bhoose gho kohiita oroko ro Mutëmi Yesu. haghirohamu, na korisabha Eryobha. 43Abhatomu bhayo mbaare bharaköra ebhyërëkërëri ne ebhiraghe bhyaru, mbagha abhaato bhoose bhaakabha bhararesooka Eryobha. 44Abhakumi bhoose mbaare no obhumu, mbaghöötiine kwo bheghiro bhyose na kuhööha obhwame bhoobho. 45Mbaare bharaghori ebheghiro bheebho na chambiiri chino ꞉bhaare bharabhöna, bhaghachihööha, kurëngʼaana na amënda gha mooto woose. 46Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka. 47Mbaare bharareghongi Eryobha na ghosiighu na abhaato bhoose. Chaasiko choose Omutëmi Yesu akabha arabhatoori abhaato abhande bha masari, bhaghaghöötana na abhakumi abhande, no omubharo waabho ökëëndërëra kwiyëngëra chwee.
S'ha seleccionat:
Amaköri gha Bhatomu 2: ntk
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2022 Wycliffe Bible Translators, Inc. All rights reserved
Amaköri gha Bhatomu 2
2
Akörö Ahörëëru ˆekaacha orosiko ro Bhentekositi
1Hano orosiko ro Bhentekositi#2:1 Bhentekositi neere anyangi e Bhayahuuti ino ere eraköru hano cheekubha chehetiri chaasiko miröngö etaano korwera orosiko ro Bhaasaka. Bhentekositi gho Keyunaani egheteemoro keeche, n‑chaasiko miröngö etaano. rohikiri, abhaghëndi bhoose bha Yesu mbaare bhiikomiine mo‑nyumba imu iyo Yerusareemu. 2Hayo hayo, bhakooghu koru Mwishaaro ekerumo kinya ke mukama muhaari, gheghiichori anyumba yoose. 3Niho bhakarighi ebheghiro bhenga kinya chaamemi che mororo, cheghasancha, cheghiikara ighoro e mooto woose. 4Abhaato bhayo bhoose bhaghiichoribhu Akörö Ahörëëru, bhaghasëëma ghosiikëra mo‑bhighambo haghare haghare, kinya bhuure Akörö Ahörëëru ꞉ëbhëërëkëriiri.
5Mbe, hayo Yerusareemu mbaare‑ho Abhayahuuti bhano ꞉bhaare bhararisëngëra Eryobha. Abhayahuuti bhayo mbaare bharuure chaase choose che se.#2:5 Kwo eriibhagha riyo, Abhayahuuti bhaaru mbaare bhasanchiri mo‑chaase echende. 6Hano bhooghwire amaraka ghayo, abhaato bhaaru bhaghiikomana hayo. Omooto woose akahagha, gho kubha ꞉nooghwire eghighambo keeche kerasiikëru na abhaghëndi bhayo bha Yesu. 7Ghayo ghakabharoghoori na kuhagha chwee, bhakabhugha, “Mutëghëërërë! Bhano bhaghosiikëra hangʼu, bhoose m‑Bhaghariraaya! 8Mbe! Nibhu ekabha mooto woose akooghu bharasiikëra gho ghighambo keeche ghe simoka? 9Wiiki ghate yiito, mbaanyi‑ho abhaato abhande koru mo‑chaase che Abhariti, na Abhameeti, na Abhaeraamu. Wiiki abhande koru mo‑chaase che Mesobhotamiya, na Yuteya, na Kabhatokiya, na Bhonto, na Asiya, 10na Bhirighiya, na Bhambiriya, na Miisiri. Mbaanyi‑ho abhande koru chambaara che se e Riibhiya, ino enyi haghuhe no omoghya o Kireene. Mbaanyi‑ho wiiki bhano ꞉bhaaköriri orughëndö koru mo‑moghya o Ruumi, abhande n‑Abhayahuuti bha simoka, abhande n‑abhaato bha matöngö bhano bhakumiri atiini e Kiyahuuti. 11Mbaanyi‑ho abhande bhano ꞉bhaaruure Kireete, na abhande n‑Abhaarabhu ꞉bhaare. Ntooghwire itu bhoose, abhaato bhano bharareghongi Eryobha kwo maköri ghaache amakoro, mo‑bhighambo bhiito!”
12Abhaato bhoose bhakaroghoora na kuhagha chwee, bhakabhoorani bharabhugha, “Naho ino n‑ngʼana ke?” 13Amare abhamu ghate yaabho bhakabhachebhora abhaghëndi bha Yesu, bharabhugha, “Mbanywire amaro gha musabhiibhu, bhakarëëwu!”
Bheetero ˆakabheeghi abhaato ighoro e Körö Ahörëëru
14Ibheere Bheetero akiimeerera, haghirohamu na abhatomu abhaghëndi bhaache bhaare ikomi na umwa, akabhabhoorera abhaato bhayo kwo riiraka ikoro arabhugha, “Inyu Abhayahuuti bha Yerusareemu, na abhande bhano moruure mo‑chaase echende, muntëghëërërë bhoheene, nebhabhoorere angʼana ino! 15Moghwituuri abhaato bhano mbarëëwuru, amare tiyaanyi, bhatarëëwuru. Ibheere nchimariri koheta chaasa ishato hangʼu korwera hano bhukëëriire! 16Amare amangʼana ghano nigho ghaare Eryobha ꞉reebhughiri gho kohetera omurööti waache Yoweri kubha,
17‘Mo‑chaasiko che ntenero,
neghwiki Akörö yaane ighoro e bhaato bhoose.
Abhaana bhaanyu bha kebhureni
na bha ghiike mbakurööta,
na abhabhureni bhaanyu mbakorighi amarighi,
na abhagharuka mbakurööta amaröötö.
18Mo‑chaasiko chiyo, neghwiki Akörö yaane
ighoro e bhatamishi bhaane,
bha ghesubhe na bha ghiike,
bhoose mbakurööta.
19Neghuköra ebhiraghe ighoro mwishaaro,
ne ebhyërëkërëri hano mo‑se.
Abhaato mbakorighi ebhyërëkërëri bhe masaahë,
no omororo, no omooki o ryoki mokoro.
20Omu noghwigharura kubha ekengʼuuri,
no omwëri nookubha mubhararatu piri ke masaahë.
Ghayo ghoose ngaghuköru rokeere korwera,
orosiko orokoro ro bhokumi obhokoro bho Mutëmi Waryobha.
21Eriibhagha riyo, wowoose uno aghusabha abheru
koru kwo Mutëmi Waryobha naghotooribhu.’#2:17–21 Mööhi Yoweri 2:28–32.”
22Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene. 23Akamara Yesu uno akaruusibhu ghokoonyu, kinya Eryobha eryene reere ryeche na kurëngʼaana na amënda ghaache koru simoka. Wiiki inyu mokamwita mo‑musarabha, gho kohetera abhaato bha matöngö.#2:23 Abhaato bha matöngö. Egheteemoro ekende ngeghotora kubha, abhaato abhabhe. 24Amare Eryobha rekamotoori koru mo‑mabhe ghayo gho komoryoki koru mo‑bhaku, gho kubha oroko rotangatoriri komwangera Yesu! 25Koru Tawuti ꞉naabhughiri ighoro e Yesu kubha,
‘Nemorooche Omutëmi Waryobha
anyi haghirohamu na neeni chaasiko choose.
Wiiki gho kubha naanyi haghuhe na neeni, nteeghosingisu.
26Gho ghayo, omotema waane nuchömiiru,
wiiki ororeme roone ndokoriryata.
Koru omobhere waane, woose noonyi na amiitëngʼërö ighoro yaache,
27gho kubha iye Omutëmi Waryobha tooghontigha nyaari,
tooghwishereri kubha omobhere waane obhushere iyo,
eni Omutööbhiyu waacho.
28Nönyëërëkiri chanchëra che bhuhöru,
noghunköra nichaghane chwee,
gho kubha noonyi haghuhe na neeni.’#2:25–28 Mööhi Sabhuri 16:8–11.”
29Wiiki Bheetero akëëndërëra kobhugha, “Bhahiiri bhaane, neghotora kobhabhoorera kwo bhuhëënë kubha, sookoro wiito Tawuti tiisiikëriire omwene gho kubha, ꞉naakuure, akaryeku, na ambeehera yaache, hano enyi koru reero. 30Amare gho kubha Tawuti m‑murööti are, ꞉naamënyiri kubha Eryobha ꞉ndeemuraghiri gho kuraheri kubha, ndekomuköra omooto umu o mo‑rwibhoro rooche ghukangata obhutëmi bhooche.#2:30 Mööhi 2 Samweri 7:12–13. 31Tawuti ꞉naarooche amangʼana ghano ghakuucha korwera, aghasiikëra ighoro e koryoka kwo Kirisito uyo kubha, taatighuru nyaari no omobhere waache toobhushiri.#2:31 Mööhi Sabhuri 16:10. 32Yesu uyo, Eryobha ꞉ndeemoryokiri koru mo‑bhaku, itu bhoose n‑abhiibhatereri bha ngʼana iyo toonyi. 33Eryobha riyo rekamoghongi na komuha omweya, niikeere eribhaara reeche re kwiro.#2:33 Niikeere eribhaara reeche re kwiro n‑kuhaabhu obhukangati. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu. 34Tawuti omwene tatiiriri na ghusöha Mwishaaro, amare akabhugha,
‘Omutëmi Waryobha ꞉naamobhooriire Omutëmi waane,
Wiikare eribhaara re kubhökö koone gho kwiro,
35mbagha neghukörë okinde abhabhisa bhaacho
na kobhakangata.’#2:34–35 Ekeyunaani ngekobhugha, mbagha nebhatoore abhabhisa bhaacho haase e maghoro ghaacho. Mööhi Sabhuri 110:1.”
36Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”
37Abhaato bhayo, hano bhooghwire amangʼana ghayo, ghakabhangʼuuta chwee mo‑metema gheebho. Bhakamobhoori Bheetero na abhatomu abhaghëndi bhaache bhakabhugha, “Abhahiiri bhiito, ibheere tukörë bhu?” 38Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru. 39Eryobha ꞉ndiiraghiri eriiraghano rino gho ghiri yaanyu, na kwo bhaana bhaanyu, na kwo bhano bhoose bhaanyi kurë. Omutëmi Waryobha ꞉naaraghiri kwo bhaato bhoose bhano akobhabherekera.”
40Bheetero akëëndërëra kobhabhoorera abhaato bhayo amangʼana aghande maaru gha kobhashaangʼi. Akabhakumereri arabhugha, “Musabhe Eryobha rebhatoori, retaacha kobhatenera ekiina haghirohamu na abhaato bha rwibhoro runo orobhe!” 41Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.
Obhughöötani bho bhaghëndi bha Yesu
42Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate#2:42 Ghosuura omughaate. Nkoore koraköru eriibhagha re nyangi e Meecha e Mutëmi. Mbaare bharahööha na kurë bhoose gho kohiita oroko ro Mutëmi Yesu. haghirohamu, na korisabha Eryobha. 43Abhatomu bhayo mbaare bharaköra ebhyërëkërëri ne ebhiraghe bhyaru, mbagha abhaato bhoose bhaakabha bhararesooka Eryobha. 44Abhakumi bhoose mbaare no obhumu, mbaghöötiine kwo bheghiro bhyose na kuhööha obhwame bhoobho. 45Mbaare bharaghori ebheghiro bheebho na chambiiri chino ꞉bhaare bharabhöna, bhaghachihööha, kurëngʼaana na amënda gha mooto woose. 46Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka. 47Mbaare bharareghongi Eryobha na ghosiighu na abhaato bhoose. Chaasiko choose Omutëmi Yesu akabha arabhatoori abhaato abhande bha masari, bhaghaghöötana na abhakumi abhande, no omubharo waabho ökëëndërëra kwiyëngëra chwee.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2022 Wycliffe Bible Translators, Inc. All rights reserved