Rom‑dãmbã 1
1
Pʋʋsem
1Maam a Polle, a Zeezi Kiris tʋmtʋmd b sẽn yãk t'a yɩ tẽn-tʋmdã, n welg-a toor Wẽnnaam koe-noogã yĩnga, 2koe-noog ning Wẽnnaam sẽn dag n tũnug b no-rɛɛsdbã n kãab bãmb gʋls-sõamyã pʋgẽ, 3la sẽn gomd bãmb Bi-ribl sẽn yaa a Davɩɩd yageng ne yĩng yelle, 4la ne sɩɩgã yelle, b welga toore, la Wẽnnaam wilga ne pãng n yeel t'a Zeezi yaa Bãmb Bi-ribla, bãmb sẽn vʋʋg-b n yiis kũum sʋkã yĩngã. 5Yaa tõnd Zu-soab a Zeezi Kirisi. Yaa bãmb maasem yĩng la tõnd deeg barka, la tẽn-tʋmdo, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba. 6A Zeezi Kiris sẽn bool yãmbã, yãmb me yaa soolem kãens rãmba. 7Maam n tʋmd seb-kãngã neb nins fãa sẽn be Rom n yaa Wẽnnaam nin-nongdse, tɩ Wẽnnaam bool-b tɩ b yɩ sõama n welg toorã nengẽ: Bɩ tõnd ba a Wẽnnaam la tõnd Zu-soab a Zeezi Kiris ning yãmb zut barka la b kõ-y bãane.
A Poll dat n kẽnga Rom
8Pipi, mam deng n pʋʋsda m Wẽnnaamã bark a Zeezi maasem yĩnga, yãmb fãa yĩnga. Bala, yãmb tẽebã yell saaga dũni gill fãa. 9Wẽnnaam mam sẽn sakd ne m sũur fãa, n moond bãmb bi-riblã koe-noogã yaa mam kaset soab tɩ mam pʋtã yãmb yell daar fãa, 10la wakat fãa m pʋʋsg pʋgẽ. Mam kota Wẽnnaam tɩ b sã n data, bɩ b kõ-m weer sẽn zems tɩ wa yãmb nengẽ. 11Bala, mam data ne m sũur fãa n yãnd yãmba, tɩ m tõe n taas yãmb Sɩɩgã kũuni, tɩ yãmb tẽebã na paam pãnga, 12wall tɩ tõnd pʋs n naag taab n paam raood paoosg ne tẽeb a yembr tãa ning yãmb la maam sẽn tarã.
13 #
Tʋʋm 19.21
M ba-biisi, mam ka rat tɩ yãmb zɩ tɩ mam saaga naoor wʋsg n dat n wa n ges yãmba, tɩ m tõe n wom biis yãmb sʋk wa soolem a taabã pʋsẽ wã. La hal tɩ ta moasã, gɩdgr n gɩdg maam. 14Mam tog n tʋma ne neb yam sẽn weke, la ne neb yam sẽn ka weke, la ne bãngdba la ne zɩtbã me. 15Dẽnda n kɩt tɩ mam dat ne n sũur fãa n moon yãmb me sẽn be Rommã koe-noogã.
Koe-noogã pãnga
16 #
Mark 8.38
Bala, koe-noogã mooneg yãnd ka tar maam ye. Sɩdã, a yaa Wẽnnaam pãng sẽn fãagd ned ning fãa sẽn tẽeda: Pipi yaa Zʋɩf-rãmba, tɩ sẽn ka-b Zʋɩf-rãmbã pʋgda. 17#Hab 2.4Bala, Wẽnnaam tɩrlmã pukda be ne tẽebo, la tẽeb yĩnga, wa b sẽn gʋlsã:
Nin-tɩrg na n vɩɩ ne tẽebo.
Ninsaalbã bʋʋm kongre
18Sɩdã, Wẽnnaam sũ-puugrã yita yĩngr n sigd ninsaalbã zutu, bãmb wẽn-kɩɩsgã la b tʋʋm-wẽnsã sẽn gɩdgd sɩdã t'a ka tõe n maan a tʋʋmdã yĩnga. 19Bala, bũmb ning fãa ned sẽn tõe n bãng sẽn kẽed ne Wẽnnaam yellã yaa vẽeneg ne bãmba, bala, Wẽnnaam puk-a la bãmba. 20Sɩd me, sẽn sɩng ne dũni naanego, nebã nee Wẽnnaam pãng kãsengã sẽn ka sɛtã nin sẽn ka tõe n yã wã, la b Wẽnnaamlemã sõama, b sã n tags n ges bũmb nins bãmb sẽn maanã. 21#Efɛ 4.17,18Dẽ, bãmb ka tõe n yãnd bũmb n dõd n yi ye, bala, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La bãmb tagsgã sẽn ka yõodã kẽesa bãmb moogo, la bãmb sũyã sẽn be zɩɩlem pʋgẽ wã kẽe lik bida pʋgẽ. 22Bãmb wukda b mens n yet tɩ b yaa yam dãmbã, la b lebga yalemba. 23#Tõ 4.16-18Bãmb teka Wẽnnaam sẽn ka kiidã ziir ne bõn-naands sẽn mamsd ninsaal sẽn kiidã, la liuuli, la nao a naase, la bõn-vuudsi.
24Yaa woto yĩng n kɩt tɩ Wẽnnaam bas-b tɩ b kẽ rẽgd pʋgẽ, wa b sũyã sẽn data, tɩ b paoog b yĩnsã b toore. 25Bãmb teka Wẽnnaam yellã sẽn yaa sɩdã ne zĩrẽ. Bãmb sẽn pʋʋsd bõn-naands n sakd-bã, n yaool n bas Naandã sẽn tog n paam waoogr wakat sẽn kõn sa wã, Ãmina.
26Dẽ n kɩt tɩ Wẽnnaam bas-b tɩ b maan yĩng ratem sẽn paoogd neda. Bala, bãmb pagbã basa gãag ning sẽn zems Wẽnnaam sẽn seglã n maand sẽn ka segd ye. 27Raopã me basa pagbã gãag sẽn zems Wẽnnaam sẽn seglã, tɩ ratem taab yĩngã rɩt bãmb wa bugum. B maanda yãnde, rao ne raoa, la b yĩnsã paamda sɩbgr sẽn zemsd ne b menengã sẽn wat ne bũmb ningã.
28Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye. 29Ka-tɩrlem buud fãa, la pʋ-toogo, la yão-beedo, la wẽnga, la ratem-wẽnga, la nin-kʋʋbo, la zaba, la zãmbo, la sɩlem n pid bãmba. 30B yaa tẽn-kãn-nebã, nin-sãbsdba, wẽn-kɩɩsdbã, sũ-tʋʋls rãmba, wilg-m-mens rãmba, wuk-m-mens rãmba, n mi soay sẽn na tũ n maan wẽnga, ba-rãmb la ma-rãmb kɩɩsdba, b yam ka weke. 31B yaa neb sẽn ka be teegre, sẽn ka tar nonglem, n ka mi sugri, n ka tar nimbãan-zoeere ye. 32La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.
S'ha seleccionat:
Rom‑dãmbã 1: MPBU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.