'Ba Filipia 'Diyi 4
4
Ovuzu ayikosi Opi ma aliari
1 #
2 Kor 1:14; 1 Tes 2:19, 20 ’Dini adripi mani, mani lele, emi ma avani ma vale tu ovupi ayiko mani pi diza mani be ’diyi, emi ma so pa okporu Opi ma alia, ’ba mani lele ’diyi. 2Ma azi Ewodia tia, ma azi vini Sunituke tia, yi ma ovu egata alu be Opi ma alia. 3#Zab 69:28; Luk 10:20Ndi ma matu ’ba mi vu indi, mi ’ba azi ngapi ma be tualu asi adarusiri la, mi ma ko oku ’diyi ma aza indi; te yi ’ba ndra e’yo bari ma azi ngapi okporu ma be tualu, Kilementi pie, ’ba azini azi ngapi ma be tualu yi ma runi ovuzu sizaru buku idriniri ma alia ’diyi pie dria ’diyi.
4 #
Fil 3:1; 2 Kor 13:11 Emi ma ovu ayikosi etuzu ’dani Opi ma alia; ma ’yo dika, Emi ma ovu ayikosi. 5#Ebra 10:37; Yak 5:8, 9’Ba dria ma ni asi e’yere eminiri. Opini ogogo. 6#Mat 6:25-34; Kol 4:2; 1 Pet 5:7; Zab 145:18; Yoh 14:27Emi asi ma oti e’yo alunisi ku, te e’yo dria; alu alu ma alia emi ma fe Mungu ma ni e’yo emini a’ile ’diyi, Mungu zizu matu ’bazu awa’difo fezu indi., 7#Kol 3:15Azini asi anzuru Munguni e’yo vaza ’bani agapi driari nga emi asi ma agei te asisile emini be Kristo Yesu ma alia.
E’yo onyiru egazu
8 #
Rum 12:17
Te e’yo azini acepiri ’di, ma adripi, emi ma dro asisile emini e’yo dria ovupi adaru ’diyi pi ma dria, e’yo dria ovupi inzizaru ’diyi pie, e’yo dria ovupi kililiru ’diyi pie, e’yo dria ovupi alaru ’diyi pie, e’yo dria ovupi ndrizaru ’diyi pie, e’yo dria ekupi onyiru ’diyi pie, e’yo azini ovupi onyiru kani inzita be ’diyi pie dria. 9#1 Tes 5:23; Rum 16:20; 1 Kor 14:33Emi ma ’ye e’yo emini onile ma vu, emini a’ile, emini erile, emini ndrele ma vu ’diyi; te Mungu asi anzuruniri nga ovu tualu emi be.
Awa’dio afa feza ’ba Filipia, diyinisiri
10Te ma ovu ayikosi tu Opi ma alia, a’disiku curu’do ewu ’dopi ma vutia emi fe egata emini e’yo mani egazuri ma enga dika; emi ega ndra e’yo ’diri ra ’bo, te emi isuni parini ’ku. 11#1 Tim 6:6Ma ’yoni e’yo ’diri mani, iwule afaakosirisi ku; a’disiku e’yo mani ka ovu ngoni yari ti, ma oni asi ’azu afa ma dria kuri ’bo. 12#2 Kor 6:10Ma, ni ovuzu piriniri ra, ma ni vini ovuzu afa be treri indi; e’yo alu alu ma alia azini e’yo dria ma alia, ma ni e’yo zizaru ’diri ma efi vazu ’bo, imba ma ovuzu trazaru kani ovuzu abirisi ovuzu afa be tre kani ovuzu afa kokoru. 13#2 Kor 12:10; 2 Tim 4:17Ma eco e’yo dria,yezaru ’ba okpo fepi ma dririsi.
14Te e’yo yo, emi ’ye onyiru emini ti ecile ma be ocoko mani ma aliarisi. 15#2 Kor 11:9Te emi ’ba Filipia ’diyi, emi ma ngulupi ni ra, mani ndra e’doria e’yo bari oluzuria, mani efuria Makedoniaasi, kanisa aluni ti i ecipi ma be afa feza fezu a’izuri yo pe emi’i a’dule; 16#’Yeta 17:1a’disiku mani ndra ovuria Tesalonikia ’dale ti, emi pe afa ma aza kozu alio mani ma aliari ma ti ma vu kiri pale alu a’dule ’dini ku. 17#1 Kor 9:11Ovuni kini ma afa feza ndru, ’dini ku; te ma efi ’yaza ndru, fezu kalafe eminirini i erezu. 18#Efu 29:18; Eze 20:41; Fil 2:25Te emi ofe afa dria ma dri ’bo, afa mani aga ra; afa ga ma dri tre, mani afa engapi emi vu Epafroditoni ejile ’diyi a’ile ’borisi, eri afa aji be arikariru, afa fele edetaru ovupi a’izaru, ayiko fepi Mungu driri’i. 19Te Mungu maniri nga emi aza ko afaako emini ma alia fudri ra, lonyi erini ovupi diza ma alia Kristo Yesu ma aliarini ovulerile. 20Diza ma ovu Mungu Ata amaniri vu ’dani ’dani, Amena.
E zi di emi ci ci ’yozuri
21Emi zi ’ba alatararu Kristo Yesu ma alia ’diyi dria alu alu ci ci, Adripi ovupi ma be ’diyi zi emi ci ci. 22#Fil 1:13’Ba alatararu dria yi zi emi ci ci, toni ’ba ovupi Kaisari vile akua ’diyi. 23’Yeta anzutiri Opi Yesu Kristoni ma ovu orindi emini be.
S'ha seleccionat:
'Ba Filipia 'Diyi 4: LB66
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bible in Lugbara © United Bible Societies, 1966.