HABAKUK 3
3
Doá Habakuk
1Nyoe kheueh doá Habakuk:#Basa Ibrani na tutoe haba tambahan nyang hana trang makna jih.
2Ya Tuhan, ulôn deungoe keuhai buet-buet Droeneueh,
teuma rasa khitmat sampoe peunoh lam até lôn.
Kira jih buet nyang rayeuk nyan Droeneueh ulang lom
dan Droeneueh peuleumah bak jamén kamoe nyoe.
Bah kheueh kamoe nyoe Droeneueh gaséh
bahpi Droeneueh seu uem até.
3Droeneueh Allah Nyang Mahasuci teuka di Téman,#Téman saban deungon Edom.
Droeneueh teuka di gunong-gunong Paran.
Langét peunoh ngon keuagongan Droeneueh;
bumoe peunoh ngon puja dan pujoe ubak Droeneueh.
4Droeneueh teuka ngon cahya muble-ble,
lam jaroe Droeneueh jiteubiet cahya geumilang,
disinan kheueh neusöm kuasa Droeneueh.
5Neuyue peunyakét jijak dikeue Droeneueh
dan mawöt jiseutôt dilikot Droeneueh.
6Meunyoe Droeneueh neupiôh, bumoe meugeunta;
meunyoe Droeneueh neupandang, bansa-bansa teukeujot raya.
Gunong-gunong nyang abadi habéh teuprah-prah;
bukét-bukét nyang keukai pih jipeumiyueb droe,
bak bukét-bukét nyan kheueh
Droeneueh neujak yoh phon jamén purba.
7Ulôn ngieng rakyat Kusyan ka teuka teumakot,
dan ureuëng Midian yo ngon teuôt.
8Ya Tuhan, sabab laôt kheueh Droeneueh jiék darah?
Atawa sabab krueng-krueng kheueh Droeneueh reujang beungéh?
Neuék lam awan sibagoe guda dan geuritan prang,
watée umat Droeneueh neupeumeunang.
9Aneuk beude Droeneueh ka neukeubah,
dan panah Droeneueh ka siab keu neutimbak.#Keumungkenan that makna jih: panah Droeneueh ka siab keu neutimbak.
Laju bumoe Droeneueh prah sampoe jeuet na padub boh krueng.
10Teungieng ubak Droeneueh, gunong-gunong meuguncang
nibak langét jitron ujeuen lagée teuro.
Ié nyang na dimiyueb tanoh meugrum-grum jimeusu,
geulumbang meugulong-gulong dan meubura-bura.
11Cahya aneuk-aneuk panah Droeneueh jiplueng ngon bagaih,
kapak Droeneueh muble-ble meukilat-kilat,
dan jipiôh kheueh mata uroe dan buleuen di teumpat droe.
12Deungon beungéh that Droeneueh laju neurawoh bansaboh bumoe;
bansa-bansa neugilo-gilo deungon seu uem até.
13Droeneueh neulangkah maju keu neupeubeubaih umat Droeneueh
dan keu neupeuseulamat raja nyang Droeneueh piléh.
Neuheuntam sampoe reubah peumimpén ureuëng durjana,
Droeneueh sampôh habéh bubena murit jih#Keumungkenan that makna jih: Droeneueh sampôh … murit jih awaknyan.
14Panah-panah Droeneueh teutimbak sampoe beusot peumimpén pasokan lawan
watée sipa-i awaknyan teuka nyang teuga lagée angén badée,
mangat kamoe jipeu crebre.
Awaknyan jikém-kém deungon galak
lagée ureuëng nyang deungon seungab-seungab
jiteugom ureuëng nyang hana sapeuena.#Lam naseukah Ibrani ayat l4 hana trang.
15Deungon guda Droeneueh neubloh-bloh lam samudra raya
dan laôt yang putéh meukuboh busa.
16Ban teudeungoe nyan, até ulôn meudok-dok
dan bibi ulôn yo meumet-met.
Ulôn ka jeuet keuleumoh hana teunaga,
gaki ulôn meugantoh,#Keumungkenan that makna jih: gaki ulôn meugantoh; Ibrani: ulôn bingong, sabab. dipat mantong ulôn jak.
Ulôn lôn preh deungon teunang
huköman Po teu Allah ateueh ureuëng nyang seurang.
17Bahpi bak ara hana jimeuboh
dan bak anggô hana anggô jih,
bahpi musém pot boh zaiton hana meuhase
dan hase gandom di ladang lumpah keucewa,
bahpi bubiri-bubiri maté banmandum
dan uempueng-uempueng beulatang peulara hana meuasoe,
18ulôn geumbira sabe,
sabab Droeneueh Tuhan Po teu Allah nyang peuseulamat lôn.
19 #
2Sam. 22:34; Zab. 18:33 Droeneueh neubri keu lôn teunaga
lagée gaki rusa, gaki ulôn neupeuteuga.
Droeneueh neubimbéng ulôn jeuet aman
watée ulôn jak bak gunong-gunong.
S'ha seleccionat:
HABAKUK 3: LAIACE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Old and New Testament in Today's Aceh Language @ LAI, 1997.
HABAKUK 3
3
Doá Habakuk
1Nyoe kheueh doá Habakuk:#Basa Ibrani na tutoe haba tambahan nyang hana trang makna jih.
2Ya Tuhan, ulôn deungoe keuhai buet-buet Droeneueh,
teuma rasa khitmat sampoe peunoh lam até lôn.
Kira jih buet nyang rayeuk nyan Droeneueh ulang lom
dan Droeneueh peuleumah bak jamén kamoe nyoe.
Bah kheueh kamoe nyoe Droeneueh gaséh
bahpi Droeneueh seu uem até.
3Droeneueh Allah Nyang Mahasuci teuka di Téman,#Téman saban deungon Edom.
Droeneueh teuka di gunong-gunong Paran.
Langét peunoh ngon keuagongan Droeneueh;
bumoe peunoh ngon puja dan pujoe ubak Droeneueh.
4Droeneueh teuka ngon cahya muble-ble,
lam jaroe Droeneueh jiteubiet cahya geumilang,
disinan kheueh neusöm kuasa Droeneueh.
5Neuyue peunyakét jijak dikeue Droeneueh
dan mawöt jiseutôt dilikot Droeneueh.
6Meunyoe Droeneueh neupiôh, bumoe meugeunta;
meunyoe Droeneueh neupandang, bansa-bansa teukeujot raya.
Gunong-gunong nyang abadi habéh teuprah-prah;
bukét-bukét nyang keukai pih jipeumiyueb droe,
bak bukét-bukét nyan kheueh
Droeneueh neujak yoh phon jamén purba.
7Ulôn ngieng rakyat Kusyan ka teuka teumakot,
dan ureuëng Midian yo ngon teuôt.
8Ya Tuhan, sabab laôt kheueh Droeneueh jiék darah?
Atawa sabab krueng-krueng kheueh Droeneueh reujang beungéh?
Neuék lam awan sibagoe guda dan geuritan prang,
watée umat Droeneueh neupeumeunang.
9Aneuk beude Droeneueh ka neukeubah,
dan panah Droeneueh ka siab keu neutimbak.#Keumungkenan that makna jih: panah Droeneueh ka siab keu neutimbak.
Laju bumoe Droeneueh prah sampoe jeuet na padub boh krueng.
10Teungieng ubak Droeneueh, gunong-gunong meuguncang
nibak langét jitron ujeuen lagée teuro.
Ié nyang na dimiyueb tanoh meugrum-grum jimeusu,
geulumbang meugulong-gulong dan meubura-bura.
11Cahya aneuk-aneuk panah Droeneueh jiplueng ngon bagaih,
kapak Droeneueh muble-ble meukilat-kilat,
dan jipiôh kheueh mata uroe dan buleuen di teumpat droe.
12Deungon beungéh that Droeneueh laju neurawoh bansaboh bumoe;
bansa-bansa neugilo-gilo deungon seu uem até.
13Droeneueh neulangkah maju keu neupeubeubaih umat Droeneueh
dan keu neupeuseulamat raja nyang Droeneueh piléh.
Neuheuntam sampoe reubah peumimpén ureuëng durjana,
Droeneueh sampôh habéh bubena murit jih#Keumungkenan that makna jih: Droeneueh sampôh … murit jih awaknyan.
14Panah-panah Droeneueh teutimbak sampoe beusot peumimpén pasokan lawan
watée sipa-i awaknyan teuka nyang teuga lagée angén badée,
mangat kamoe jipeu crebre.
Awaknyan jikém-kém deungon galak
lagée ureuëng nyang deungon seungab-seungab
jiteugom ureuëng nyang hana sapeuena.#Lam naseukah Ibrani ayat l4 hana trang.
15Deungon guda Droeneueh neubloh-bloh lam samudra raya
dan laôt yang putéh meukuboh busa.
16Ban teudeungoe nyan, até ulôn meudok-dok
dan bibi ulôn yo meumet-met.
Ulôn ka jeuet keuleumoh hana teunaga,
gaki ulôn meugantoh,#Keumungkenan that makna jih: gaki ulôn meugantoh; Ibrani: ulôn bingong, sabab. dipat mantong ulôn jak.
Ulôn lôn preh deungon teunang
huköman Po teu Allah ateueh ureuëng nyang seurang.
17Bahpi bak ara hana jimeuboh
dan bak anggô hana anggô jih,
bahpi musém pot boh zaiton hana meuhase
dan hase gandom di ladang lumpah keucewa,
bahpi bubiri-bubiri maté banmandum
dan uempueng-uempueng beulatang peulara hana meuasoe,
18ulôn geumbira sabe,
sabab Droeneueh Tuhan Po teu Allah nyang peuseulamat lôn.
19 #
2Sam. 22:34; Zab. 18:33 Droeneueh neubri keu lôn teunaga
lagée gaki rusa, gaki ulôn neupeuteuga.
Droeneueh neubimbéng ulôn jeuet aman
watée ulôn jak bak gunong-gunong.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Old and New Testament in Today's Aceh Language @ LAI, 1997.