यशायाह 11
11
यिशै के वंश का शासनकाल
1फेर यिशै#11:1 यिशै दाऊद का पिता यानिके जिसका जिक्र करया जा रहया सै वो यिशै के कुण्बा या दाऊद के वंश का सै जो यरुशलेम के राजा होया करदे। के ठूँठ म्ह तै एक डाळी फूट लिकड़ैगी अर उसकी जड़ म्ह तै एक डाळी लिकड़कै फलवन्त होवैगी। 2अर#11:2 अर इफि. 1:17; यशा. 42:1; यूह. 14:17 यहोवा की आत्मा, बुद्धि अर समझ की आत्मा, युक्ति अर पराक्रम की आत्मा, अर ज्ञान अर यहोवा के भय का आत्मा नए राजा पै ठैहरा रहवैगा। 3अर#11:3 अर यूह. 8:15-16; 7:24 उसनै यहोवा का भय सुगन्ध जिसा भावैगा।
वो मुँह देख्या न्याय न्ही करैगा अर ना अपणे कान्नां के सुणण कै मुताबिक फैसला करैगा; 4पर#11:4 पर 2 थिस्स. 2:8; प्रका. 19:15 वो कंगालां का न्याय धार्मिकता तै, अर धरती के नम्र माणसां का फैसला खराई तै करैगा; अर वो धरती नै अपणी आदेश के सोंटे तै मारैगा, अर अपणी फूँक के झोंके तै दुष्टां नै मिटा देगा। 5उसकी#11:5 उसकी यशा. 59:17; इफि. 6:14 कमर का फेंटा धार्मिकता अर उसकी कमर का फेंटा सच्चाई होवैगी।
6उस दिन भेड़िया भेड़ के बच्चे कै गैल रहवैगा, अर चीता बकरी के बच्चे कै गैल बैठ्या रहवैगा, अर बाछड़ा अर जवान शेर अर पाळ्या पोस्या होया बळध तीन्नु कठ्ठे रहवैंगे, अर एक छोट्टा छोरा उनकी अगुवाई करैगा। 7गां अर रीछणी मिलकै चरैंगी#11:7 गां अर रीछणी मिलकै चरैंगी यानिके एक गैल ये पशु स्वभाव तै ही संगति न्ही करदे क्यूँके एक दुसरे का शिकार होवै सै, वे एक साथ रहवैंगे।, अर उनके बच्चे कठ्ठे बेठैगें; अर शेर बळध की तरियां घास खाया करैगा। 8दूध पीन्दा बाळक करैत कै बिल पै खेलैगा, अर दूध छुड़ाया होया बाळक नाग कै बिल म्ह हाथ डालैगा। 9मेरे#11:9 मेरे सिय्योन की पहाड़ी, जो आराधनालय की जगहां सारे पवित्र पर्वत पै ना तो कोए दुःख देवैगा अर ना नुकसान करैगा; क्यूँके धरती यहोवा कै ज्ञान तै इस तरियां भर ज्यागी जिसा पाणी समुन्दर म्ह भरया रहवै सै।
इस्राएलियाँ का दोबारा कठ्ठा होणा
10उस बखत यिशै की जड़ देश-देश कै माणसां कै खात्तर एक झण्डा होवैगी;#11:10 दाऊद के घरान्ने का नया राजा सारे राज्य के माणस उसनै ढूँढैंगे, अर उसका विश्रामस्थान तेजोमय होवैगा।
11उस बखत प्रभु अपणा हाथ दुसरी बार बढ़ाकै बचे होया ताहीं, जो उसकी प्रजा के रहगे सैं, अश्शूर तै, मिस्र तै, पत्रोस तै, कूश तै, एलाम तै, शिनार तै, हमात तै, अर समुन्दर के द्वीपां तै मोल लेकै छुड़ावैगा। 12वो गैरजात्तां कै खात्तर झण्डा खड्या करकै इस्राएल के सारे लिकाड़े होया ताहीं, अर यहूदा के सारे बिखरे होया ताहीं धरती की च्यांरु दिशा तै कठ्ठा करैगा। 13एप्रैम फेर जळण न्ही करैगा अर यहूदा के तंग करण आळे काट दिये जावैंगे; ना तो एप्रैम यहूदा तै जळण करैगा अर ना यहूदा एप्रैम ताहीं तंग करैगा। 14पर वे पश्चिम की ओड़ पलिश्तियाँ के कंधे पै झपट्टा मारैंगे, अर मिलकै पूर्वियाँ ताहीं लूटैंगे। वे एदोम अर मोआब पै हाथ बढ़ावैंगे, अर अम्मोनी उनके अधीन हो जावैंगे। 15यहोवा मिस्र के समुन्दर की खाड़ी ताहीं सूखा देवैगा, अर फरात पै अपणा हाथ बढ़ाकै प्रचण्ड लू तै इसा सुखावैगा के वो सात धार हो जावैगी, अर माणस जूत्ते पैहरे होए भी पार हो जावैंगे। 16उसकी प्रजा के बचे होया कै खात्तर अश्शूर तै एक इसा राजमार्ग होवैगा जिसा मिस्र देश तै चाल्ले आण कै बखत इस्राएल कै खात्तर होया था।
S'ha seleccionat:
यशायाह 11: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.