1~Corintios 8
8
Idolokunaman ofrecesqa mikuykunamanta
1Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik. 2Sichum pipas yachaysapapaqña hapikun, hinaspaqa manaraqmi imatapas yachanchu imaynam yachananta hinaqa. 3Dios kuyaq runaqa Diospa reqsisqanmi.
4Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam. 5Hanaq pachapipas, kay pachapipas “dios” nisqankuqa kachkanmi, achkallaña dioskuna hinaspa señorkuna kachkaptinpas 6ñoqanchikpa Diosninchikqa chullallam, payqa Dios Taytam. Paymi tukuy imata ruwar-qa, ñoqanchikpas paypaqmi kanchik. Señorqa chullallam, payqa Jesucristom, paywanmi tukuy imapas unanchasqa karqa, paywantaqmi ñoqanchikpas unanchasqa karqanchik.
7Ichaqa manam lliwchu cheqap kaqta yachanku. Chaymi ñawpaqta idolokuna yupaychaqkunaqa hinallaraq mikunku chaykunata yupaychachkaq hina, chayna-pim pisi iñiyniyuq kasqankurayku conciencianku acusan. 8Manam mikus-qanchikraykuchu Diosqa chaskiwanchik, manam mikusqanchikwanchu allin-qa kasunchik, nitaqmi mana mikusqanchikwanchu mana allinqa kasunchik. 9Ichaqa waqaychakuychik, yanqataq libre kaynikichik huchallichinman pisi iñiyniyuq kaqkunata. 10Sichum chaykunata yachachkaspa idolokunaman ofrecesqa mikuyta mikuwaq, hinaptinñataq chay ruwasqaykita qawaspan pisi iñiyniyuq wawqeki chay ruwasqaykiwan kallpanchakuspa mikurunman, 11chaynapim manaraq ancha iñiyniyuq wawqekiqa urmarunman yachachkaspa ruwasqaykirayku. Cristoqa paypaqmi wañurqa. 12Chaynaqa, pisi iñiy-niyuq wawqekunapa conciencianpa contranpi huchallikuspaqa, kikin Cristopa qayllanpim huchallikuchkankichik. 13Sichum mikusqaywan wawqeyta huchallichinay kaptinqa, manachá haykapipas aychata mikusaqchu, chaynapi wawqeyta mana huchallichinaypaq.
S'ha seleccionat:
1~Corintios 8: RCQ12
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012