Nombres 14
14
Isirayeel yab yíì kaa kɔ́ Kanaan tiŋkin
1Isirayeel yab kɔkɔ nìn gbáń ibiil ki súń míǹ kunyamɔŋu gbanti. 2Samaayee kɔkɔ nìn bí ki wòoǹ Mooyiisi nì Aarɔn ní ki lì-bi yii: «Ti yaa bàà nìn kpíìń Eejipiti tiŋkin àá ti yaa tí kpíì kuteeun doo, an bàà sɔ́! 3Ba pu ní ti-Dindaan cáǹ-ti kitiŋ nee poon bí tin kpɔ̀-ti ní? Bi làá tin kpɔ̀-ti ní kí cúú ti-nimpoobi nì ti-biyaamu kuyuŋu. Ti yaa fātìi nín gítí Eejipiti, an kaa sɔ́ɔɔ?» 4Ní bi bí ki lì tɔb yii: «Tí kàam̄maan ukpil ubɔ kí nīn gítí Eejipiti!»
5Ní Mooyiisi nì Aarɔn tātìi dōoǹ dicincibil Isirayeel yab samaau kɔkɔ nimbiin. 6Ní Nuuni jipɔɔn Joosuwa nì Yeefunee jipɔɔn Kaaleeb bin nìn ŋmàl̄ bin cūtìi cɔ́ŋkì kitiŋee kansikinee, cúú bi-bɔkutiŋ ki cátì, 7ní ki bí Isirayeel yab samaau kɔkɔ yii: «Kitiŋ kin ti cūtìi yìin̄ ki kpēēyee sá kitimmɔmmɔntii ní! 8An sá kitiŋ kin poon nnaabiim nì tisiil còol̀ee ní. Ti-Dindaan yaa yú ti-boon, u làá kɔ́ǹ-ti ki-poon kí dū-kì kí tīī-ti. 9Tin páb́ee di sá ní taa jáǹ ti-Dindaan, kí taa fàŋkì kitiŋ gbanti nib. Ti làá já kí pɔ̄ɔkiǹ-bi sɔ́kɔ sɔkɔ. Di sá bi-waaŋi ŋin cí-bee dū-bi ki fá, ama ní timbi Dindaan bí ti-cee. An puee taa fàŋkìmaan-bi.»
10Ŋyunti ŋun samaa kɔkɔ bíi màkafī kí yāŋkì-bi ataŋkpee kí kpɔ̀ee ní ti-Dindaan nyooti dɔ́miń circir kɔŋkooŋŋun Isirayeel yab kɔkɔ nimbiin.
Mooyiisi gbāam̀ samaa pu
11Ti-Dindaan bí Mooyiisi yii: «Kí tin sāā ŋyunti ŋulɔŋu ní dinibul nee làá gbèen̄ kí taa ti kpèè-mi fám ní? Kí tin sāā ŋyunti ŋulɔŋu ní bi làá yíí kí taa nín̄ cáá m-pu dimákal, nì min kɔkɔ m ŋá maamaacikpaambi bin bí nee bi-kansikinee? 12M làá yàntī bìlbil kúm ń dāá kpɔ̀ kí céetí bi-kɔkɔ, ní bí lóó bi-fakal ní m dī sii pu kí náań ditimbuŋkpaandi din cáá mpɔn ki jítiǹ-bee.» 13Ní Mooyiisi kíí ti-Dindaan yii: «Eejipiti yab nyí yii a dū a-pɔŋŋu ní ki nyántìń-bi bi-cee. 14Ní bi tùkū binib bin di kóò kitiŋ nee puee, ní bi mun bi-ba gbìl̄ yii sii ti-Dindaan bí dinibul nee cee, ki nyāntí a-ba ki dàkà-bi, ki sá ditagbandi ki dàn̄ bi-pu ki còom̄ ki līī bi-nyɔkɔpu ŋwiimpu, ki sá-bi ŋŋmi tagbandi kunyeeu. 15A yaa kúntì dinibul nee kɔkɔ míǹ kii unibaantee, atimbun ŋin gbìl̄ bi sòoǹ a-puee làá lì yii: 16<Ti-Dindaan nín nìn pūtì ki pōoǹ yii u làá cáá u-nibul kí cùnnì kitiŋ kin poonee, waa ŋúń ki cáá-bi ki bàn̄, an pu ní u kūū ki céetì-bi kuteeun.> 17Míǹ puee m gbàam̄-si, m-Dindaan, nyāntí a-pɔŋkpaaŋŋu kí dàkà, kii sii a-ba nín lī puee yii: 18<M sá ni-Dindaan un kaa gífí diŋuul malaayee, ní m-ŋanti wīikí tikpil. M pūǹ ikpiti kɔkɔ nì i-bulifi. Ama maa tàantí unikpiti kaa dáaĺ u-tafal. M dátí unikpiti tafal kí tin kpáaǹ u-naantitɔntɔkɔŋ ata àá anaa#14.18 Kpèè Disa 20.5-6, 36.6-7, Ditee 5.9-10, 7.9-10, dūú ŋmàntī nì Eesee 18..> 19M-Dindaan, kii a-ŋanti nín wīikí puee, dū a-nibul nee kpitii kí pɔ̄-bi, kii doooo a nín nyántìń-bi Eejipiti tiŋkin bi pée ŋáań-si ikpiti a cáa pūǹ-bi puee#14.19 B. 13-19: kpèè Disa 32.11-14..»
20Ní ti-Dindaan bí yii: «Kii a nín gbāam̀ yii ḿ dū bi-kpitii kí pɔ̄-bee, m dūu pú-bi. 21Ama tiŋman, m nín bí dimaŋfalin ní m-nyooti gbí kitiŋ kɔkɔ pu nee, 22bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee, 23bi-kansikin ubɔ kpá kí kɔ́ kitiŋ kin m pōoǹ bi-baabi yii m làá tīī-bee. Bin kɔkɔ pée kpēē-mi fámee kpá kí kɔ́ ki-poon#14.23 B. 21-23: kpèè Eebru 3.18.. 24Ama kii ŋfam min kpòotī m-tɔntɔnliu Kaaleebee nín nyáń mi-ba u nóó-mi deedee puee, m làá yàntī ú kɔ́ kitiŋ kin u cūtìi kpēēyee poon, ní u-naantiibi ń dāá jī-kì#14.24 Kpèè Joos 14.9-12.. 25Amaleeki yab nì Kanaan yab di dá láá kóò kitiŋ gbantin. Foolee ní fu fàtī ni-boon kí dūú dī kuteeun, Tikati mɔɔl watil.»
Ti-Dindaan dáaĺ u-nibul tafal
26Ní ti-Dindaan bí Mooyiisi nì Aarɔn yii: 27«M gbìl̄ Isirayeel yab nín bí ki kɔ́kɔĺ-mee. Kí tin sāā ŋyunti ŋulɔŋu ní m làá yàntī samaa un kaa bí diŋubil nee ḿ nīn gbùkum̄ m-pu ní? 28Ní tùkù-bi yii: <Man ni-Dindaan bí dimaŋfalin. M pūtì ki lī yii, ni nín pée sòon̄-mi puee, míǹ ní m làá téeǹ-ni. 29Kuteeun doo ní ni làá gbíntí kí kpú. Nimbi bin kɔkɔ bi nìn kàan̄ ni cáá abin mmuŋku kí nīn cée làá kpú ní, kun puee ni kɔ́kɔl̀-mi#14.29 Kpèè Eebru 3.17.. 30M pūtì yii naa làá kɔ́ kitiŋ kin m nìn pōoǹ yii m làá kàan̄-nee poon. See Yeefunee jipɔɔn Kaaleeb nì Nuuni jipɔɔn Joosuwa baba di làá kɔ́. 31Ni-biyaamu mun pu ni lī yii bi làá kpɔ̀-ni kí yòon̄ee, múǹ ní m làá yàntī mú kɔ́ kí béé kitiŋ kin nimbi kpēē ki sīŋkiǹee. 32Nimbee, ni làá gbíntí kuteeun doo ní kí kpú. 33Ni-biyaamu làá nīn bí kuteeun ní ki kàal̀ ki póotí ikakaa ki kpàá bi-waŋkuti, kí túń ni nín nyáń m-boon puee gìŋ́ŋi áli abin imuŋku ili, kí nīn cí nimbi kɔkɔ ń dāá kpú kí céetí#14.33 abin imuŋku ili: kpèè Atuun 7.36.. 34Ni dū iwiin imuŋku ili ní ki kpēē Kanaan tiŋki. Míǹ ní ni làá dū abin imuŋku ili kí túń ni-kpitii gìŋ́ŋi, ŋwiin ŋubɔee dibindi diba, ní ní béé yii baa kpèé man fám.> 35Man ni-Dindaan nín pūtì ki sòon̄ puee dee. Míǹ ní m làá náatí m-samaau un kaa bí diŋubil ki kpáfì kí jáǹ-mee. Bi-kɔkɔ làá gbíntí kuteeun doo ní kí kpú kí céetí.»
36Mooyiisi nìn tú binib bi cūtìi kpēē Kanaan tiŋki. Bi nìn gítìńee ní ki sòon̄ ki bíil̀-kì ki yāntì samaa bíi wòoǹ Mooyiisi. 37An nibee nìn kpíì dicilpu dicilpu. An nìn fáá-bi ki kūū ti-Dindaan nimbiin, kun puee bi nìn sòon̄ ki bíil̀ kitiŋee. 38Nuuni jipɔɔn Joosuwa nì Yeefunee jipɔɔn Kaaleeb baba di nìn kíǹ bin bi nìn tú bi cūtìi kpēē kitiŋee kansikin kaa kpíì.
Samaa tí yīntiǹ ti-Dindaan
39Mooyiisi cáań tibɔti tin ti-Dindaan sòon̄ nì uee ki tùkū Isirayeel yab, ní kunimbaakpaaŋŋu kɔ́-bi. 40Ku wúntì kutaafaau pɔ̀lpɔlee ní bi yíkì ki cūtìi jɔ́m̀ ajoon pu tiŋki, ní ki bí yii: «Ti lafun ŋá ikpiti, ama kɔŋkɔnnee ti làá cù kí jáǹ binib gbanti kii ti-Dindaan nín lī puee.» 41Ní Mooyiisi bí-bi yii: «Ba pu ní ni bíi yìntī ti-Dindaan marau míǹ? Ni yaa cūtì naa làá ŋmā. 42Taa cùmaan kun puee ti-Dindaan kaa bí ni-cee. Ní taa cáá ni-ba kí tīī ni-nannanliibi ń kpɔ̀. 43Di sá Amaleeki yab nì Kanaan yab bí ni-nyɔkɔpu. Ni yaa cūtì bi làá kpɔ̀-ni. Ni nín fātì ni-boon ki tīī ti-Dindaanee, waa ti bí ni-cee.»
44Nì míǹ kɔkɔee bi ŋá ŋyipɔn ki nín jɔ́ḿ ajoon pu tiŋkin, ama ti-Dindaan dakaau nì Mooyiisi nìn gbíntì dinaapaal pu kaa cūtì. 45Ní Amaleeki yab nì Kanaan yab kpákatìń ajoon tiŋki pu, ki jáń ki pɔ́ɔkiǹ Isirayeel yab sɔ́kɔ sɔkɔ, ní ki jìn̄ bin kíǹee ki tin bàn̄ Ɔrima tiŋki.
S'ha seleccionat:
Nombres 14: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Nombres 14
14
Isirayeel yab yíì kaa kɔ́ Kanaan tiŋkin
1Isirayeel yab kɔkɔ nìn gbáń ibiil ki súń míǹ kunyamɔŋu gbanti. 2Samaayee kɔkɔ nìn bí ki wòoǹ Mooyiisi nì Aarɔn ní ki lì-bi yii: «Ti yaa bàà nìn kpíìń Eejipiti tiŋkin àá ti yaa tí kpíì kuteeun doo, an bàà sɔ́! 3Ba pu ní ti-Dindaan cáǹ-ti kitiŋ nee poon bí tin kpɔ̀-ti ní? Bi làá tin kpɔ̀-ti ní kí cúú ti-nimpoobi nì ti-biyaamu kuyuŋu. Ti yaa fātìi nín gítí Eejipiti, an kaa sɔ́ɔɔ?» 4Ní bi bí ki lì tɔb yii: «Tí kàam̄maan ukpil ubɔ kí nīn gítí Eejipiti!»
5Ní Mooyiisi nì Aarɔn tātìi dōoǹ dicincibil Isirayeel yab samaau kɔkɔ nimbiin. 6Ní Nuuni jipɔɔn Joosuwa nì Yeefunee jipɔɔn Kaaleeb bin nìn ŋmàl̄ bin cūtìi cɔ́ŋkì kitiŋee kansikinee, cúú bi-bɔkutiŋ ki cátì, 7ní ki bí Isirayeel yab samaau kɔkɔ yii: «Kitiŋ kin ti cūtìi yìin̄ ki kpēēyee sá kitimmɔmmɔntii ní! 8An sá kitiŋ kin poon nnaabiim nì tisiil còol̀ee ní. Ti-Dindaan yaa yú ti-boon, u làá kɔ́ǹ-ti ki-poon kí dū-kì kí tīī-ti. 9Tin páb́ee di sá ní taa jáǹ ti-Dindaan, kí taa fàŋkì kitiŋ gbanti nib. Ti làá já kí pɔ̄ɔkiǹ-bi sɔ́kɔ sɔkɔ. Di sá bi-waaŋi ŋin cí-bee dū-bi ki fá, ama ní timbi Dindaan bí ti-cee. An puee taa fàŋkìmaan-bi.»
10Ŋyunti ŋun samaa kɔkɔ bíi màkafī kí yāŋkì-bi ataŋkpee kí kpɔ̀ee ní ti-Dindaan nyooti dɔ́miń circir kɔŋkooŋŋun Isirayeel yab kɔkɔ nimbiin.
Mooyiisi gbāam̀ samaa pu
11Ti-Dindaan bí Mooyiisi yii: «Kí tin sāā ŋyunti ŋulɔŋu ní dinibul nee làá gbèen̄ kí taa ti kpèè-mi fám ní? Kí tin sāā ŋyunti ŋulɔŋu ní bi làá yíí kí taa nín̄ cáá m-pu dimákal, nì min kɔkɔ m ŋá maamaacikpaambi bin bí nee bi-kansikinee? 12M làá yàntī bìlbil kúm ń dāá kpɔ̀ kí céetí bi-kɔkɔ, ní bí lóó bi-fakal ní m dī sii pu kí náań ditimbuŋkpaandi din cáá mpɔn ki jítiǹ-bee.» 13Ní Mooyiisi kíí ti-Dindaan yii: «Eejipiti yab nyí yii a dū a-pɔŋŋu ní ki nyántìń-bi bi-cee. 14Ní bi tùkū binib bin di kóò kitiŋ nee puee, ní bi mun bi-ba gbìl̄ yii sii ti-Dindaan bí dinibul nee cee, ki nyāntí a-ba ki dàkà-bi, ki sá ditagbandi ki dàn̄ bi-pu ki còom̄ ki līī bi-nyɔkɔpu ŋwiimpu, ki sá-bi ŋŋmi tagbandi kunyeeu. 15A yaa kúntì dinibul nee kɔkɔ míǹ kii unibaantee, atimbun ŋin gbìl̄ bi sòoǹ a-puee làá lì yii: 16<Ti-Dindaan nín nìn pūtì ki pōoǹ yii u làá cáá u-nibul kí cùnnì kitiŋ kin poonee, waa ŋúń ki cáá-bi ki bàn̄, an pu ní u kūū ki céetì-bi kuteeun.> 17Míǹ puee m gbàam̄-si, m-Dindaan, nyāntí a-pɔŋkpaaŋŋu kí dàkà, kii sii a-ba nín lī puee yii: 18<M sá ni-Dindaan un kaa gífí diŋuul malaayee, ní m-ŋanti wīikí tikpil. M pūǹ ikpiti kɔkɔ nì i-bulifi. Ama maa tàantí unikpiti kaa dáaĺ u-tafal. M dátí unikpiti tafal kí tin kpáaǹ u-naantitɔntɔkɔŋ ata àá anaa#14.18 Kpèè Disa 20.5-6, 36.6-7, Ditee 5.9-10, 7.9-10, dūú ŋmàntī nì Eesee 18..> 19M-Dindaan, kii a-ŋanti nín wīikí puee, dū a-nibul nee kpitii kí pɔ̄-bi, kii doooo a nín nyántìń-bi Eejipiti tiŋkin bi pée ŋáań-si ikpiti a cáa pūǹ-bi puee#14.19 B. 13-19: kpèè Disa 32.11-14..»
20Ní ti-Dindaan bí yii: «Kii a nín gbāam̀ yii ḿ dū bi-kpitii kí pɔ̄-bee, m dūu pú-bi. 21Ama tiŋman, m nín bí dimaŋfalin ní m-nyooti gbí kitiŋ kɔkɔ pu nee, 22bin kɔkɔ ká m-nyooti nì tidaandi tin m ŋá Eejipiti tiŋkin nì kuteeun, ama ní ki cɔ́ŋkì-mi ŋfunyɔm saalaa pu kaa pílifì m-nyɔkɔee, 23bi-kansikin ubɔ kpá kí kɔ́ kitiŋ kin m pōoǹ bi-baabi yii m làá tīī-bee. Bin kɔkɔ pée kpēē-mi fámee kpá kí kɔ́ ki-poon#14.23 B. 21-23: kpèè Eebru 3.18.. 24Ama kii ŋfam min kpòotī m-tɔntɔnliu Kaaleebee nín nyáń mi-ba u nóó-mi deedee puee, m làá yàntī ú kɔ́ kitiŋ kin u cūtìi kpēēyee poon, ní u-naantiibi ń dāá jī-kì#14.24 Kpèè Joos 14.9-12.. 25Amaleeki yab nì Kanaan yab di dá láá kóò kitiŋ gbantin. Foolee ní fu fàtī ni-boon kí dūú dī kuteeun, Tikati mɔɔl watil.»
Ti-Dindaan dáaĺ u-nibul tafal
26Ní ti-Dindaan bí Mooyiisi nì Aarɔn yii: 27«M gbìl̄ Isirayeel yab nín bí ki kɔ́kɔĺ-mee. Kí tin sāā ŋyunti ŋulɔŋu ní m làá yàntī samaa un kaa bí diŋubil nee ḿ nīn gbùkum̄ m-pu ní? 28Ní tùkù-bi yii: <Man ni-Dindaan bí dimaŋfalin. M pūtì ki lī yii, ni nín pée sòon̄-mi puee, míǹ ní m làá téeǹ-ni. 29Kuteeun doo ní ni làá gbíntí kí kpú. Nimbi bin kɔkɔ bi nìn kàan̄ ni cáá abin mmuŋku kí nīn cée làá kpú ní, kun puee ni kɔ́kɔl̀-mi#14.29 Kpèè Eebru 3.17.. 30M pūtì yii naa làá kɔ́ kitiŋ kin m nìn pōoǹ yii m làá kàan̄-nee poon. See Yeefunee jipɔɔn Kaaleeb nì Nuuni jipɔɔn Joosuwa baba di làá kɔ́. 31Ni-biyaamu mun pu ni lī yii bi làá kpɔ̀-ni kí yòon̄ee, múǹ ní m làá yàntī mú kɔ́ kí béé kitiŋ kin nimbi kpēē ki sīŋkiǹee. 32Nimbee, ni làá gbíntí kuteeun doo ní kí kpú. 33Ni-biyaamu làá nīn bí kuteeun ní ki kàal̀ ki póotí ikakaa ki kpàá bi-waŋkuti, kí túń ni nín nyáń m-boon puee gìŋ́ŋi áli abin imuŋku ili, kí nīn cí nimbi kɔkɔ ń dāá kpú kí céetí#14.33 abin imuŋku ili: kpèè Atuun 7.36.. 34Ni dū iwiin imuŋku ili ní ki kpēē Kanaan tiŋki. Míǹ ní ni làá dū abin imuŋku ili kí túń ni-kpitii gìŋ́ŋi, ŋwiin ŋubɔee dibindi diba, ní ní béé yii baa kpèé man fám.> 35Man ni-Dindaan nín pūtì ki sòon̄ puee dee. Míǹ ní m làá náatí m-samaau un kaa bí diŋubil ki kpáfì kí jáǹ-mee. Bi-kɔkɔ làá gbíntí kuteeun doo ní kí kpú kí céetí.»
36Mooyiisi nìn tú binib bi cūtìi kpēē Kanaan tiŋki. Bi nìn gítìńee ní ki sòon̄ ki bíil̀-kì ki yāntì samaa bíi wòoǹ Mooyiisi. 37An nibee nìn kpíì dicilpu dicilpu. An nìn fáá-bi ki kūū ti-Dindaan nimbiin, kun puee bi nìn sòon̄ ki bíil̀ kitiŋee. 38Nuuni jipɔɔn Joosuwa nì Yeefunee jipɔɔn Kaaleeb baba di nìn kíǹ bin bi nìn tú bi cūtìi kpēē kitiŋee kansikin kaa kpíì.
Samaa tí yīntiǹ ti-Dindaan
39Mooyiisi cáań tibɔti tin ti-Dindaan sòon̄ nì uee ki tùkū Isirayeel yab, ní kunimbaakpaaŋŋu kɔ́-bi. 40Ku wúntì kutaafaau pɔ̀lpɔlee ní bi yíkì ki cūtìi jɔ́m̀ ajoon pu tiŋki, ní ki bí yii: «Ti lafun ŋá ikpiti, ama kɔŋkɔnnee ti làá cù kí jáǹ binib gbanti kii ti-Dindaan nín lī puee.» 41Ní Mooyiisi bí-bi yii: «Ba pu ní ni bíi yìntī ti-Dindaan marau míǹ? Ni yaa cūtì naa làá ŋmā. 42Taa cùmaan kun puee ti-Dindaan kaa bí ni-cee. Ní taa cáá ni-ba kí tīī ni-nannanliibi ń kpɔ̀. 43Di sá Amaleeki yab nì Kanaan yab bí ni-nyɔkɔpu. Ni yaa cūtì bi làá kpɔ̀-ni. Ni nín fātì ni-boon ki tīī ti-Dindaanee, waa ti bí ni-cee.»
44Nì míǹ kɔkɔee bi ŋá ŋyipɔn ki nín jɔ́ḿ ajoon pu tiŋkin, ama ti-Dindaan dakaau nì Mooyiisi nìn gbíntì dinaapaal pu kaa cūtì. 45Ní Amaleeki yab nì Kanaan yab kpákatìń ajoon tiŋki pu, ki jáń ki pɔ́ɔkiǹ Isirayeel yab sɔ́kɔ sɔkɔ, ní ki jìn̄ bin kíǹee ki tin bàn̄ Ɔrima tiŋki.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.