Nombres 11
11
Ti-Dindaan ŋmiŋu bɔti
1Dalbee ní Isirayeel yab tí bíi tíminsí ki sūǹ ki kɔ́kɔĺ ti-Dindaan. Ti-Dindaan gbìl̄ee ní ki fōō diŋuul, ní ki yāntì u-ŋmiŋu dɔ́miń ki wùn̄ bi-naapaal kpaanceetii. 2Ní samaa kɔkɔ gbáń ibiil ki yíiń Mooyiisi ní Mooyiisi gbāam̀ ti-Dindaan ní ŋŋmee kpíì. 3Bi nìn pú niin diyindi yii Tabeera, taapu di sá yii <ŋŋmi wùn̄>, di sá yii niin ní ti-Dindaan nìn wùn̄ bi-naapaal kpaanceetii.
Isirayeel yab bíi bàlifī tinan pu
4Nneel nìn cúú biniyaŋyambi bin nìn ŋmālim̀ Isirayeel yab kansikinee, ní Isirayeel yab bi-ba mun nìn kíĺ ki bíi sūǹ ki lì yii: «La ní ti làá nín ká tinan kí ŋmɔ́ dee? 5Áà! Ti yaa téetì ti nín nìn bí Eejipiti ki ŋmóò ijɔm faalaa pu nì aputaajul nì akambil nì gaabub nì ayoob puee! 6Doo nee tiba nì tiba kpá, ní ti bí ki dúntí, kun puee taa ti pée kāntí tiba kí jī ki kútì maana pu.» 7Maana nìn bí mbilimu mbilimu, ki pīiǹ fàaa ní ki dàfì#11.7 Maana : kpèè Disa 16.31.. 8Isirayeel yab nìn yìiǹ ní ki tòó-u. Bi nìn nà-u kunaau pu, àá ki sáǹ-u kukuntuun. Bi nìn tɔ̄kɔntí-u ní kí dūú ŋá kalaa. Maana nìn mɔ̄ kii kalaa tɔ̄kaayee ní#11.8 Kpèè Disa 16.13-15.. 9Kunyeeu ŋyunti ŋun dimalindi nìn tòó dinaapaal puee ní maana mun nìn nyēeń yilpu ki lítí.
10Dalbee ní Mooyiisi gbìl̄ Isirayeel yab bíi sūǹ. Bi nìn kpáfì adican adican ki yú bi-tantib nyɔkɔpu. Ti-Dindaan nìn fōō bi-pu diŋuul ŋkpitim pu, ní an kaa mɔ́ɔkiǹ Mooyiisi. 11Niinee ní Mooyiisi bí ti-Dindaan yii: «Ba pu ní a yòontí m-pɔbil míǹ? Ba pu ní a yíì kaa súń m-saai? Ba pu ní a dū samaa nee gìńdi ki nyīkiǹ m-pu yii ḿ kpòotī-bi ní? 12Man di kaa cáá dinibul nee pool ki màl̄-bi, nì míǹ kɔkɔee, a bí yii ḿ fōō-bi kí ŋmàb̄ kii ubilool nín ŋmàb̀ kibipɔŋ puee, kí cáá-bi kí cùnnì kitiŋ kin poon a nìn pūtì ki pōoǹ yii a làá tīī bi-naanjabee. 13La ní m làá ká tinan kí tīī samaa nee kɔkɔ? Di sá bi yú ki kɔ́ĺ-mi ki sūǹ ki bàlifī yii ḿ tīī-bi tinan. 14Maa ŋūǹ kí túń samaa nee kɔkɔ gìńdi m-baba, dì nyìm̀ ki jítiǹ-mi. 15A yaa là kí dàkā-mi yii a ŋá-mi tiŋanee, á kpɔ̀-mi sɔ́ǹ min ní a bíi ŋáań-mi nee. M yaa kpíìyee, maa làá ti ká m-falaau nee.»
16Ní ti-Dindaan bí Mooyiisi yii: «Á kpāfì Isirayeel yab kpilib imuŋku ita nì saalaa, bin a nyí yii bi sá samaa yidambee, kí cáań-bi m-cee, sii nì bi ń dāá yūĺ circir kɔŋkooŋŋu nyɔkɔpu. 17Man làá kpákatiń mpaan gbanti pu kí sòoǹ nì si, ní kí lēē a-pu ŋfam min m tīī-see fiii kí dūú ŋá bi-pu, án nín làá ŋá pu bí ŋmā kí tūtuǹ-si á túń dinibul nee gìŋ́ŋi án taa nín̄ gíti sá sii baba tundee. 18Á tùkù dinibul nee yii: <Ŋámaan ni-ba circir kí cīití fool. Ni làá fu ŋmɔ́ tinan kun puee ti-Dindaan gbìl̄ ni-siim. Di sá u nyí nneel nín cúú-ni áli ni tin lī yii ni nín nìn bí Eejipiti tiŋkinee, an nìn ŋān̄ nì nee. An puee u làá fu tīī-ni tinan fool. 19An kaa sá ŋwiin ŋubɔ ní u làá tīī-ni tinan, kaa tí sá iwiin ili àá iŋmoo àá saalaa àá iwiin mmuŋku. 20Ama ni làá ŋmɔ́ tinan áli uŋmamɔn. Ni làá ŋmɔ́ míǹ an núutí-ni áli kí dāá nyānní ni-maŋfaliŋin. Kun puee ni kpēē ki sīŋkiǹ ti-Dindaan un bí ni-kansikinee, ki súń u-nimbiin ki bí yii ba pu ní bi nyántìń-ni Eejipiti tiŋkin.>»
21Ní Mooyiisi bí yii: «Dinibul din māntìi tú-mi nee sá bininjab kutukub alaataa aluu ní, ní sii bí yii a làá tīī-bi tinan bí ŋmɔ́ áli uŋmal ubɔɔ! 22Báà ti yaa kūū ti-piii nì ti-ŋoobui nì ti-naai kɔkɔ, an kaa làá bà-bi. Báà tí cùú kà dimɔɔlin jɔmii kɔkɔ, an kaa làá bà-bi!» 23Ní ti-Dindaan kíí-u yii: «A nyí yii man ni-Dindaan ŋal kaa fɔ̀kɔ̀ níii? Án kaa làá yúntí, a làá ká nì a-nimbiliŋ yii tibɔti tin m lī nee làá ŋá míǹ kí tīī-saaa, an kaa làá ŋá?»
Unimbɔti dū u-Fam ki ŋá bikpilib imuŋku ita nì saalaa pu
24Ti-Dindaan sòon̄ nì Mooyiisi míǹ ki dóòyee, ní u nín gítí samaa cee ki bàn̄ ki dū tin ti-Dindaan sòon̄ nì uee ki máafì-bi, ní ki kpáfì Isirayeel yab kpilib imuŋku ita nì saalaa, ní ki dū-bi ki yóoǹ ki māntìi tú tanti. 25Ní ti-Dindaan kpákatìń ki kā ditagbandi poon ki bíi sòoǹ nì Mooyiisi, ní ki lēē u-Fam min u tīī Mooyiisee pu fiii ki dūu ŋá bikpilib imuŋku ita nì saalaayee pu. Ŋfamee nín kɔ́ bi-nee ní bi kíĺ ki bíi sòoǹ kii Unimbɔti bɔnaatiliibee. Ama baa nìkī ditundi gbanti ki cūtì ndan#11.25 Kpèè Disa 13.21..
26Binib bin bi nìn lēēyee kansikin bili, Eeldaadi nì Meedaadi nìn gbíntì dinaapaal pu kaa cūtì tanti cee. Ní Ŋfam dɔ́miń ki kɔ́ bi-ni ní bi kíĺ ki bíi sòoǹ kii Unimbɔti bɔnaatiliibee dinaapaal pu niin. 27Ní unaacimpɔɔn ubɔ sáǹ ki cūtìi tùkū Mooyiisi yii: «Eeldaadi nì Meedaadi bí dinaapaal pu ki nàatī Unimbɔti bɔti!» 28Ní Nuuni jipɔɔn Joosuwa un nìn pée bí ki tútúǹ Mooyiisi doooo u-biyatinee téeń yii: «M-kpiliu Mooyiisi, pìin̄-bi nsanaa!» 29Ní Mooyiisi bí-u yii: «A bíi ŋáań m-pu ipoompoon níii? Ti-Dindaan yaa bàà kíikí kí dū u-Fam kí ŋá Isirayeel yab kɔkɔ pu, bi-kɔkɔ ń bàà kpántí u-bɔnaatiliibi, an bàà ŋān̄!» 30Niinee ní Mooyiisi nì Isirayeel yab kpilibee fātìi nín gítí dinaapaal pu.
Inoon in bí kii njikpacimamuee bɔti
31Míǹ boonee ní ti-Dindaan yāntì kubuŋu kubɔ nyánní tiŋku watil pú ki kpáaǹní inoon iba, i bí kii njikpacimamuee ki cáań ki bīiǹ dinaapaal pu bɔ̀mmm. Inoonee nín nìn dɔ̄ ki māntìi tú dinaapaal pu ki tin gbēeǹ laakiŋyee nìn sá ŋwiin ŋubɔ saŋkindi ní. Ní mu nín nìn kpúkú kitiŋ puee sá meeta ubɔ nyɔkɔm. 32Bi nìn fāā inoonee yaadal wiiŋŋu nì kunyeeu áli kutaa dūu wúntì. Un kaa nìn fāā tikpilee di sá un nìn ká kiiloobi kutukub bili nì dijandee. Ní bi ŋáŋkì ki díntì ki māntìi tú dinaapaal. 33Tinan nìn dáá kā bi-nyɔmmun baa láá ŋmɔ́ ki náĺ ní ti-Dindaan ŋuul yíkì bi-pu ní u dáaĺ bi-tafal ŋkpitim pu. 34Bi nìn pú niin diyindi yii Kiibirooti-Taafa, an taapu di sá yii: <Nneel kaakuliŋ>, di sá niin ní bi nìn síb́ binib bin nìn gbí nneel tikpilee.
35Isirayeel yab nìn yíkì Kiibirooti-Taafayee ní ki nín cá Aseerooti tiŋkin. Niin ní bi nìn ŋātì dinaapaal ki kāl̀.
S'ha seleccionat:
Nombres 11: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.
Nombres 11
11
Ti-Dindaan ŋmiŋu bɔti
1Dalbee ní Isirayeel yab tí bíi tíminsí ki sūǹ ki kɔ́kɔĺ ti-Dindaan. Ti-Dindaan gbìl̄ee ní ki fōō diŋuul, ní ki yāntì u-ŋmiŋu dɔ́miń ki wùn̄ bi-naapaal kpaanceetii. 2Ní samaa kɔkɔ gbáń ibiil ki yíiń Mooyiisi ní Mooyiisi gbāam̀ ti-Dindaan ní ŋŋmee kpíì. 3Bi nìn pú niin diyindi yii Tabeera, taapu di sá yii <ŋŋmi wùn̄>, di sá yii niin ní ti-Dindaan nìn wùn̄ bi-naapaal kpaanceetii.
Isirayeel yab bíi bàlifī tinan pu
4Nneel nìn cúú biniyaŋyambi bin nìn ŋmālim̀ Isirayeel yab kansikinee, ní Isirayeel yab bi-ba mun nìn kíĺ ki bíi sūǹ ki lì yii: «La ní ti làá nín ká tinan kí ŋmɔ́ dee? 5Áà! Ti yaa téetì ti nín nìn bí Eejipiti ki ŋmóò ijɔm faalaa pu nì aputaajul nì akambil nì gaabub nì ayoob puee! 6Doo nee tiba nì tiba kpá, ní ti bí ki dúntí, kun puee taa ti pée kāntí tiba kí jī ki kútì maana pu.» 7Maana nìn bí mbilimu mbilimu, ki pīiǹ fàaa ní ki dàfì#11.7 Maana : kpèè Disa 16.31.. 8Isirayeel yab nìn yìiǹ ní ki tòó-u. Bi nìn nà-u kunaau pu, àá ki sáǹ-u kukuntuun. Bi nìn tɔ̄kɔntí-u ní kí dūú ŋá kalaa. Maana nìn mɔ̄ kii kalaa tɔ̄kaayee ní#11.8 Kpèè Disa 16.13-15.. 9Kunyeeu ŋyunti ŋun dimalindi nìn tòó dinaapaal puee ní maana mun nìn nyēeń yilpu ki lítí.
10Dalbee ní Mooyiisi gbìl̄ Isirayeel yab bíi sūǹ. Bi nìn kpáfì adican adican ki yú bi-tantib nyɔkɔpu. Ti-Dindaan nìn fōō bi-pu diŋuul ŋkpitim pu, ní an kaa mɔ́ɔkiǹ Mooyiisi. 11Niinee ní Mooyiisi bí ti-Dindaan yii: «Ba pu ní a yòontí m-pɔbil míǹ? Ba pu ní a yíì kaa súń m-saai? Ba pu ní a dū samaa nee gìńdi ki nyīkiǹ m-pu yii ḿ kpòotī-bi ní? 12Man di kaa cáá dinibul nee pool ki màl̄-bi, nì míǹ kɔkɔee, a bí yii ḿ fōō-bi kí ŋmàb̄ kii ubilool nín ŋmàb̀ kibipɔŋ puee, kí cáá-bi kí cùnnì kitiŋ kin poon a nìn pūtì ki pōoǹ yii a làá tīī bi-naanjabee. 13La ní m làá ká tinan kí tīī samaa nee kɔkɔ? Di sá bi yú ki kɔ́ĺ-mi ki sūǹ ki bàlifī yii ḿ tīī-bi tinan. 14Maa ŋūǹ kí túń samaa nee kɔkɔ gìńdi m-baba, dì nyìm̀ ki jítiǹ-mi. 15A yaa là kí dàkā-mi yii a ŋá-mi tiŋanee, á kpɔ̀-mi sɔ́ǹ min ní a bíi ŋáań-mi nee. M yaa kpíìyee, maa làá ti ká m-falaau nee.»
16Ní ti-Dindaan bí Mooyiisi yii: «Á kpāfì Isirayeel yab kpilib imuŋku ita nì saalaa, bin a nyí yii bi sá samaa yidambee, kí cáań-bi m-cee, sii nì bi ń dāá yūĺ circir kɔŋkooŋŋu nyɔkɔpu. 17Man làá kpákatiń mpaan gbanti pu kí sòoǹ nì si, ní kí lēē a-pu ŋfam min m tīī-see fiii kí dūú ŋá bi-pu, án nín làá ŋá pu bí ŋmā kí tūtuǹ-si á túń dinibul nee gìŋ́ŋi án taa nín̄ gíti sá sii baba tundee. 18Á tùkù dinibul nee yii: <Ŋámaan ni-ba circir kí cīití fool. Ni làá fu ŋmɔ́ tinan kun puee ti-Dindaan gbìl̄ ni-siim. Di sá u nyí nneel nín cúú-ni áli ni tin lī yii ni nín nìn bí Eejipiti tiŋkinee, an nìn ŋān̄ nì nee. An puee u làá fu tīī-ni tinan fool. 19An kaa sá ŋwiin ŋubɔ ní u làá tīī-ni tinan, kaa tí sá iwiin ili àá iŋmoo àá saalaa àá iwiin mmuŋku. 20Ama ni làá ŋmɔ́ tinan áli uŋmamɔn. Ni làá ŋmɔ́ míǹ an núutí-ni áli kí dāá nyānní ni-maŋfaliŋin. Kun puee ni kpēē ki sīŋkiǹ ti-Dindaan un bí ni-kansikinee, ki súń u-nimbiin ki bí yii ba pu ní bi nyántìń-ni Eejipiti tiŋkin.>»
21Ní Mooyiisi bí yii: «Dinibul din māntìi tú-mi nee sá bininjab kutukub alaataa aluu ní, ní sii bí yii a làá tīī-bi tinan bí ŋmɔ́ áli uŋmal ubɔɔ! 22Báà ti yaa kūū ti-piii nì ti-ŋoobui nì ti-naai kɔkɔ, an kaa làá bà-bi. Báà tí cùú kà dimɔɔlin jɔmii kɔkɔ, an kaa làá bà-bi!» 23Ní ti-Dindaan kíí-u yii: «A nyí yii man ni-Dindaan ŋal kaa fɔ̀kɔ̀ níii? Án kaa làá yúntí, a làá ká nì a-nimbiliŋ yii tibɔti tin m lī nee làá ŋá míǹ kí tīī-saaa, an kaa làá ŋá?»
Unimbɔti dū u-Fam ki ŋá bikpilib imuŋku ita nì saalaa pu
24Ti-Dindaan sòon̄ nì Mooyiisi míǹ ki dóòyee, ní u nín gítí samaa cee ki bàn̄ ki dū tin ti-Dindaan sòon̄ nì uee ki máafì-bi, ní ki kpáfì Isirayeel yab kpilib imuŋku ita nì saalaa, ní ki dū-bi ki yóoǹ ki māntìi tú tanti. 25Ní ti-Dindaan kpákatìń ki kā ditagbandi poon ki bíi sòoǹ nì Mooyiisi, ní ki lēē u-Fam min u tīī Mooyiisee pu fiii ki dūu ŋá bikpilib imuŋku ita nì saalaayee pu. Ŋfamee nín kɔ́ bi-nee ní bi kíĺ ki bíi sòoǹ kii Unimbɔti bɔnaatiliibee. Ama baa nìkī ditundi gbanti ki cūtì ndan#11.25 Kpèè Disa 13.21..
26Binib bin bi nìn lēēyee kansikin bili, Eeldaadi nì Meedaadi nìn gbíntì dinaapaal pu kaa cūtì tanti cee. Ní Ŋfam dɔ́miń ki kɔ́ bi-ni ní bi kíĺ ki bíi sòoǹ kii Unimbɔti bɔnaatiliibee dinaapaal pu niin. 27Ní unaacimpɔɔn ubɔ sáǹ ki cūtìi tùkū Mooyiisi yii: «Eeldaadi nì Meedaadi bí dinaapaal pu ki nàatī Unimbɔti bɔti!» 28Ní Nuuni jipɔɔn Joosuwa un nìn pée bí ki tútúǹ Mooyiisi doooo u-biyatinee téeń yii: «M-kpiliu Mooyiisi, pìin̄-bi nsanaa!» 29Ní Mooyiisi bí-u yii: «A bíi ŋáań m-pu ipoompoon níii? Ti-Dindaan yaa bàà kíikí kí dū u-Fam kí ŋá Isirayeel yab kɔkɔ pu, bi-kɔkɔ ń bàà kpántí u-bɔnaatiliibi, an bàà ŋān̄!» 30Niinee ní Mooyiisi nì Isirayeel yab kpilibee fātìi nín gítí dinaapaal pu.
Inoon in bí kii njikpacimamuee bɔti
31Míǹ boonee ní ti-Dindaan yāntì kubuŋu kubɔ nyánní tiŋku watil pú ki kpáaǹní inoon iba, i bí kii njikpacimamuee ki cáań ki bīiǹ dinaapaal pu bɔ̀mmm. Inoonee nín nìn dɔ̄ ki māntìi tú dinaapaal pu ki tin gbēeǹ laakiŋyee nìn sá ŋwiin ŋubɔ saŋkindi ní. Ní mu nín nìn kpúkú kitiŋ puee sá meeta ubɔ nyɔkɔm. 32Bi nìn fāā inoonee yaadal wiiŋŋu nì kunyeeu áli kutaa dūu wúntì. Un kaa nìn fāā tikpilee di sá un nìn ká kiiloobi kutukub bili nì dijandee. Ní bi ŋáŋkì ki díntì ki māntìi tú dinaapaal. 33Tinan nìn dáá kā bi-nyɔmmun baa láá ŋmɔ́ ki náĺ ní ti-Dindaan ŋuul yíkì bi-pu ní u dáaĺ bi-tafal ŋkpitim pu. 34Bi nìn pú niin diyindi yii Kiibirooti-Taafa, an taapu di sá yii: <Nneel kaakuliŋ>, di sá niin ní bi nìn síb́ binib bin nìn gbí nneel tikpilee.
35Isirayeel yab nìn yíkì Kiibirooti-Taafayee ní ki nín cá Aseerooti tiŋkin. Niin ní bi nìn ŋātì dinaapaal ki kāl̀.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.