Salmow 1
1
Myttin 1
SALM 1
Beatus vir, qui non abiit.
1Gwynnvys an gour na gerdh yn kusul an debeles, ha na sev yn fordh peghadoryon : ha na esedh yn esedhva an re a wra ges.
2Mes yma y dhelit yn lagha an Arloedh : hag yn y lagha y preder ev dydh ha nos.
3Ev a vydh avel gwydhenn plynsys ryb goverow dowr, ow ri hy frut yn hy seson : ha ny wedher hy del; hag yn pup-tra a wra, ev a sewen.
4Nyns yw yndellma an debeles : mes yth yns i avel kulyn a wra an gwyns y hwytha dhe-ves.
5Rakhenna, ny sev an debeles y'n vreus : na peghadoryon yn kuntelles an re wiryon.
6Rag an Arloedh a aswonn fordh an re wiryon : mes fordh an debeles a dhe goll.
S'ha seleccionat:
Salmow 1: ASK
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Kesva an Taves Kernewek 1997, 2019
© Cornish Language Board 1997, 2019