Maqthaiq 1
1
1Niil neq, Aqbhaqlaqhaq khi mail Daq bhil nee mail ge khal leevq-a nail, Yeiqsul Khali nail aq ceevq ngaol. 2Aqbhaqlaqhaq nail yaq neq, Ilcav ngaol.
Ilcav nail yaq neq,
Yaqkov ngaol.
Yaqkov nail yaq neq,
Yuldav khi mail
aivq nail mailnail juq ngaol.
3Yuldav nail yaq neq,
aivq nail ildaoq
Daq maq ovq nee
doevq lee-a nail Phaq lail
khi mail Seiq lal ngaol.
Phaq lail nail yaq neq,
Heiq yaq loq ngaol.
Heiq yaq loq nail yaq neq,
Lanq ngaol.
4Lanq nail yaq neq,
Aqmilnaqdal ngaol.
Aqmilnaqdal nail yaq neq,
Naqsonq ngaol.
Naqsonq nail yaq neq,
Saqlaqmonq ngaol.
5Saqlaqmonq nail yaq neq,
aivq nail ildaoq Laqhal
ovq nee doevq lee-a nail
Bhaolyav ngaol.
Bhaolyav nail yaq neq,
aivq nail ildaoq Lultha
ovq nee doevq lee-a nail
Aolbhail ngaol.
Aolbhail nail yaq neq,
Yeiqsail ngaol.
6Yeiqsail nail yaq neq,
heeqphaq Daqbhil ngaol.
Daqbhil nail yaq neq,
Saollavmoq ngaol.
Saollavmoq nail aqma neq,
Ullilya bhai teevq aol
hal ail-a nail ngaol.
7Saollavmoq nail yaq neq,
Leiqhaolbhanq ngaol.
Leiqhaolbhanq nail yaq neq,
Aqbhilyav ngaol.
Aqbhilyav nail yaq neq,
Aqsaq ngaol.
8Aqsaq nail yaq neq,
Yeiqhaolsaqphal ngaol.
Yeiqhaolsaqphal nail
yaq neq, Yaollanq ngaol.
Yaollanq nail yaq neq, Ulsilya.
9Ulsilya nail yaq neq,
Yaoltanq ngaol.
Yaoltanq nail yaq neq,
Aqhaqsav ngaol.
Aqhaqsav nail yaq neq,
Heiqseiqgil ngaol.
10Heiqseiqgil nail yaq neq,
Maqnaqseiq ngaol.
Maqnaqseiq nail yaq neq,
Aqmonq ngaol.
Aqmonq nail yaq neq,
Yaolsiv ngaol.
11Yaolsiv nail yaq neq,
Yeiqkhaolnil khi mail,
aivq nail mailnail juq ngaol.
Niil neq, Ilsaqleiqlav nail tsaol-aq juq Bhaq bhul loq milkhaoq bhai bhi nieil aivq-a nail yanq bhai kev dai, ge khal leevq-a nail aq ceevq ngaol.
12Bhaq bhul loq milkhaoq bhai bhi nieil-aivq khi pultavq ge khal leevq-a nail aq ceevq neq, niail hai ngaol;
Yeiq khaol nil nail yaq neq,
Saq laq deiq lal ngaol.
Saq laq deiq lal nail yaq neq,
Seiq lul bheiq lal ngaol.
13Seiq lul bheiq lal nail
yaq neq, Aqbhil ov ngaol.
Aqbhil ov nail yaq neq,
Eillil-akhinq ngaol.
Eillil-akhinq nail yaq neq,
Aq jaoq ngaol.
14Aq jaoq nail yaq neq,
Saq dol ngaol.
Saq dol nail yaq neq,
Aq khin ngaol.
Aq khin nail yaq neq,
Eil lil ov ngaol.
15Il liq ov nail yaq neq,
Eilleiqaqsaq ngaol.
Eilleiqaqsaq nail yaq neq,
Maq thaq ngaol.
Maq thaq nail yaq neq,
Yaqkov ngaol.
16Yaqkov nail yaq neq,
Maq lil nail yovjil
Yaolsai ngaol.
Maq lil neq, Khali dai khul nail Yeiqsul bhai tsiq-a nail ngaol.
17Al heel ngel-i mail, Aqbhaqlaqhaq nee mail Daq bhil bhai kev dai, tsel liq yeel ngaol. Daq bhil nail yeel nee mail Bhaq bhul loq milkhaoq bhai bhi nieil aivq-u kev dai, tsel liq yeel ngaol. Bhaq bhul loq milkhaoq bhai bhi nieil aivq-u nee mail Yeiqsul nail yeel bhai kev dai, tsel liq yeel ngaol.
Yeiqsul Khali doevq lee-a nail ganl
18Yeiqsul Khali doevq lee-a nail neq, niail hai ngaol; Aivq nail aqma Maq lil neq, Yaolsai bhai maol ail nail dai, ge ceiv-ai thaq nail ngaol. Thail hai ngaol-aoq, aqyu nvq gaq maq hevq maq maol pheel jaq-u nee mail Meeq nail Haolnail Aqhaqlal bhaq da nee, Maq lil yaq ceiv lai-a nail ngaol. 19Maq lil-i mail ge ceiv-ai thaq nail Yaolsai neq, tsaq nail daol nail tsaol-aq ngaol. Aivq Maq lil nail maivphaoq maq bhi cov ail movq nail ngel-i mail, yu bhai maq bhi heeq nia dai, khaonq ha naol dai, noeq-ai thaq nail ngaol.
20Yaolsai al hai noeq thail thaiq-u phao, aivq nv mav mav nail lavqkhoel Heeqphaq Miqyail nail nqtavq gaqkhoel teevq gaq dov lee khi ge nail: “Daq bhil nail yaq Yaol sai-ol, naoq-i mail hevq naol dai, ge ceiv-ai thaq nail Maq lil bhai hevq nail haqbhoil thaq gee sil. Khul khi mail dai ngal-aq neq, Meeq nail Haol nail Aqhaqlal bhaq da nee, aivq yaq ceiv lai-a nail ngaol. 21Aivq yaqyov teevq gaq tsiq nail ngaol. Naol yaqyov al gaq bhai Yeiqsul#1.21 Yeiqsul dai ge nail neq, Heeqphaq Miqyail ngadao bhai hevq kovq nail ngaol dai, ge movq nail ngaol. dai, ya mil bhiq nail ngaol. Khul khi mail dai ngal-aq neq, aivq nail tsaol-aq juq bhai aivq oeqbal lavqkhoel nee hevq kovq bhiq nail ngaol” dai, ge bhiq-a nail ngaol.
22Al juq iqsanl mail pevq lal-a nail neq, Heeqphaq Miqyail aivq nail haqbhoil ge dan nail gaq bhai juq khi, ge-ai thaq nail daoq bhi bhee lal-a nail ngaol. 23Aivq ge nail: “Hel daiq dei-eiq. Yaqmai-aq yaqnoil teevq gaq yaq ceiv lai khi, yaqyov teevq gaq ya tsiq nail ngaol. Yaqyov al gaq bhai Eilmaq noeqlal dai, mil naol” dai, ge-ai thaq nail ngaol. Eilmaq noeqlal dai ge nail neq, Miqyail ngadao nee mail jaol nail ngaol dai, ge movq nail ngaol.
24A bhai nee ngal-aq, Yaolsai iq noeq noeq lal khi, Heeqphaq Miqyail nail nqtavq gaqkhoel-i mail ge bhiq-a nail khe-ai, Maq lil bhai hevq-a nail ngaol. 25Thail hai ngaol-aoq, yaqyov al gaq maq doevq lee-u kev dai, aivq Maq lil nee maq iq thaiq tavq-al. Yaqyov al gaq doevq lee khi, aivq bhai Yeiqsul dai, mil bhiq-a nail ngaol.
S'ha seleccionat:
Maqthaiq 1: aeu
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2016, Wycliffe Bible Translators, Inc. All rights reserved.