Genesis Nallunairun
Nallunairun
Ukut kalikat aprutiit Genesis-aaq uumek kangingqertuq “ayagneq.” Kalikat qanemcikaat piliaqumaqerraallra ellarpiim, yuum-llu ayagnillra, assiilnguum nangteqnam-llu ayagnillra ellami, cali-llu qaillun Agayutem caliara yugnun. Genesis-aaq avgumayugngauq malruurrlukek:
1) Chapters 1—11 Ellarpiim piliaqumallra yuum-llu ayuqucia ayagniqarraami. Wani qanemciuluteng Adam-aankuk Eve-aq-llu, Cain-ankuk Abel-aaq-llu, Noah ulerpallra-llu, Babylon-aami-llu quyilriamek yuut napartellratnek.
2) Chapters 12—50 Israelite-at ciuliarita ciuqliit ayuqucillrat. Ciuqliqluku Abraham-aaq, tauna nallunairumalalleq ukvertuluni niisngalriaruluni-llu Agayutmun. Taum-llu kinguakun qanemciuluni qetunraa Isaac-aaq, tutgarii-llu Jacob-aaq (Israel-aamek cali aptukiit), cali-wa Jacob-aam qula malrugnek cipluku qetunrai; taukut ciulirneqluki qula malrugnek cipluku ilakelriartain Israel-aam. Qanemcikumanrulartuq wani Jacob-aam qetunrain iliit Joseph-aaq, tamatum-llu ilakluku Jacob-aam ayallra qetunrani ilani-llu malikluki Egypt-aarmiungurcarturluteng.
Ukut kalikat qanemciuyaaqut yuut callritnek, tau͡gaam arcaqalriaruluku qanemcikluku Agayutem caliallra. Ayagmek ukut qanemcit nallunairiut Agayutmun piliaqellrucianek ellarpak. Mat'um-llu nallunairutem iqukluku Agayutem akqutii cakaaringaunani yum'inek. Kalikat ayagnemeggnek yaavet iquatnun Agayutmek ayuqucianek-llu qalarpallurtut, ellii cuqcilriaruluni anucimirqecetaarilriaruluni-llu iqlumek atulrianek, ciuliqaggluki ikayurluki-llu yun'i, cali-llu elucilirturluku ayagniqarraallrat. Ak'allauqapiaralriit ukut kalikat igausngallruut nallunairumasqelluku yuut ukverat cali-llu ukverat tamana tamaasqumavkenaku, aturturluku tau͡gaam unguvaurcecesqelluku.
Kalikam Imaa
Ellarpiim yuut-llu piliaqumallrat 1.1—2.25
Assiilnguum nangteqnam-llu ayagnillra 3.1-24
Qanemci Adam-aamek tekilluku qanemci Noah-mek 4.1—5.32
Noah ulerpak-llu 6.1—10.32
Qertulria caliaqellrat Babylon-aami 11.1-9
Qanemci Shem-amek tekilluku Abram-aaq 11.10-32
Ciulirneret: Abraham, Isaac, Jacob-aaq-llu 12.1—35.29
Kinguvri Esau-m 36.1-43
Joseph-aaq anelgutai-llu 37.1—45.28
Israelite-at Egypt-aami 46.1—50.26
S'ha seleccionat:
Genesis Nallunairun: YPK
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Yupik Bible © 2012 American Bible Society. All rights reserved.