Hechos 27
27
Pablo Romadee pëida
1Pedeeteedapꞌeda, tai pëijida Italiadee. Pablo awaraa presoorã ome bɨjida soldaorã poro juade, Julio apatapꞌedaa. Mãgɨ́ baji soldaorã batallonde tꞌɨ̃jarapatapꞌedaa Reyrã Poro Waibɨadeerã. 2Bataujida Adramitio pꞌuurudepema barcode, mãgɨ́ wãitꞌee pada perã Ásia eujãdee, pꞌusa ide pꞌuuru bee chaa. Tai ome ichiaba nipaji Aristarco, Tesalónica pꞌuurudepema. Mãgɨ́ pꞌuuru Macedonia eujãde bɨ. 3Tai uchiadapꞌedaa norema Sidón pꞌuurude wiibainajida. Mama soldaorã poro Juliopa Pablo chupɨria kꞌawaapꞌeda, ichiakꞌau chi kꞌõpꞌãyoorãmaa pꞌasiapiji, ãrapa iru akꞌɨdamerã mãikꞌaapa kꞌaripadamerã. 4Waya bataudakꞌãri, uchiajida Sidón pꞌuurudeepa. Mata Chipre isla ãpɨte wãyaajida, taimaa nãu pꞌua nɨ̃bada perã. 5Pꞌusa jãde wãyaajida Cilicia mãikꞌaapa Panfilia eujã kꞌĩrapite. Mata panajida Mira pꞌuurude. Mãgɨ́ pꞌuuru Licia eujãde bɨ.
6Mama soldaorã poropa unuji barco Alejandría pꞌuurudepema wãru Italiadee. Mapa tai jõma ma barcode bataupiji. Mãgá wãjida tai wãdapꞌedaa ode. 7Mamĩda nãu golpe pꞌua nɨ̃bada perã, taarãjida piakꞌãa wãdapa. Mata panajida Cnido pꞌuuru kꞌĩrapite. Atꞌãri nãu taimaa pꞌua nɨ̃bada perã, Creta isla ãpɨte wãdade wãyaajida punto Salmona kꞌĩrapite. 8Mãgá isla kꞌaitꞌa piakꞌãa wãdapa, tꞌĩujida Buenos Puertos bahiade. Mãgɨ́ Lasea pꞌuuru kꞌaitꞌa baji.
9Maapai judiorã fiesta nekꞌodakꞌaa ewari wãyaa baji. Ewari chokꞌara atuadai baji nãu kꞌaurepa. Maperã kꞌachia baji pꞌusa jãde wãyaadaitꞌee, pꞌusa tꞌojara paitꞌee nɨ̃bada perã. Mapa Pablopa ũraaji:
10—Kꞌõpꞌãyoorã, ɨ̃raweda uchiaruta pɨrã namãikꞌaapa, kꞌachia wãdaitꞌeeda aji. Netꞌaa, barco mãikꞌaapa eperãarã paara atuadariita unu bɨda aji.
11Mamĩda ma soldaorã poropa Pablo pedee ũri kꞌinia–e paji. Ma kꞌãyaara barco chipari pedee mãikꞌaapa barco pꞌerapari pedeeta ũriji. 12Ãchi panadapꞌedaamãi pia–e bada perã pꞌusa tꞌojara wãyaaitꞌee, perá jõmaarãpa kꞌĩsiajida wãyaanadaitꞌee Fenice pꞌuurude. Mãgɨ́ puerto baji Creta islade. Mãgɨdeepa unupachi noroeste mãikꞌaapa suroeste.
Nãumiapa pꞌusa jãde atuapitꞌaada
13Ewari aba baarekꞌaapa nãu pꞌua nɨ̃beeji. Mapa ancla jira atajida mãikꞌaapa uchiajida, ãchia kꞌĩsia pꞌanadapꞌedaakꞌa. Isla kꞌaitꞌa wãjida tokꞌesaa wãdaamaapa. 14Mamĩda taarã–e nɨde nãumia golpe pꞌuaji barcomaa, nokꞌooreepa mãikꞌaapa akꞌõrejĩru uchiapari eereepa. 15Mapa barco tꞌɨmɨ́ atadachi. Chi pꞌerapataarãpa pꞌoyaa kꞌĩrapa nãumaa bɨda–e paji. Maperã ichiakꞌau nãumaa ateepijida. 16Mãgá wãdapa Cauda isla ãpɨte wãyaajida. Mãpai waa nãu golpe pꞌua–e pakꞌãri, barco ãtauwaare japa jɨ̃ ateedapꞌedaa, ɨtꞌɨ́ barcode jidiu atajida ãripiamaapa. 17Mãgɨ́ japa ɨtꞌɨ́ jira atadapꞌeda, barcode mimiapataarãpa barco ekꞌari pꞌɨrrabai jɨ̃ nɨ̃bɨjida jɨ̃kꞌarapa, barco tꞌoopꞌepiamaapa. Ma awara waawee pꞌanajida, pꞌoonɨ pꞌananadai jĩakꞌaapa pꞌusa jãde ipu tꞌɨ̃jarapatapꞌedaa Sirte ɨ̃rɨ. Maperã chi vela pɨratꞌaajida. Maapꞌeda, ichiakꞌau nãumaa ateepijida. 18Aɨ norema atꞌãri pꞌusa waapɨara tꞌo nɨ̃bada perã nãumiapa, barcode mimiapataarãpa netꞌaa nɨ̃bada batꞌamaa pꞌaneejida. 19Aɨ norema kꞌãima õpeemaa ma nãumia pꞌua nɨ̃bɨde, vela, jɨ̃kꞌara, pakꞌuru paara toidaa ãchi juadoopa batꞌamaadachida. 20Kꞌãima chokꞌara akꞌõrejĩru mãikꞌaapa lucero unuda–e paji, eu kꞌachia nɨ̃bada perã. Mapa kꞌĩsia pꞌanajida tai kꞌiniidaitꞌee.
21Barco pidaarã jua araadakꞌaa paji nekꞌodaitꞌee pida, audú mimia pꞌanadapꞌedaa perã. Mapa Pablo bainɨ̃ beepꞌeda ãchi esajĩakꞌa, jõmaarãmaa mãgaji:
—Kꞌõpꞌãyoorã, mɨa jarajida aji, uchiada–e paitꞌee Creta isladeepa. Mɨ pedee ũridapꞌedaa paara, nãga pꞌasada–e pakꞌaji. Netꞌaa chokꞌara ãridai wã mãikꞌaapa atuadai wã. 22Mamĩda kꞌĩsia pꞌuanáatɨ. Tachi nama pꞌanɨɨrãdepema apida piuda–e. Mamĩda tachi barco atuadaitꞌee. 23Mɨa mãga kꞌawa bɨ Tachi Akꞌõrepa mɨmaa jarada perã ichi ángel itꞌaideepa. Mãga ooji mɨ ichide ijãapari perã mãikꞌaapa ichia oopi kꞌinia bɨkꞌa oopari perã. Pꞌãrikꞌua mɨmaa ichi ángel pëiji. 24Mãgɨpa mɨmaa mãgaji: “Pablo, pꞌeranaapáde aji, ichita pɨ César kꞌĩrapite wãitꞌee perã. Tachi Akꞌõre tꞌãri pia bairã, ũriji pɨa chupɨria iidida na barcode pꞌanɨɨrã pari. Mapa maarepida piuda–eda” aji. 25Maperã kꞌõpꞌãyoorã, kꞌĩsia pꞌuanáatɨ mɨa ijãa bairã Tachi Akꞌõrepa jaradakꞌa uchiaitꞌee. 26Pꞌusapa isla bɨmaa tachi jira batꞌakꞌooitꞌeeda aji.
27Mãgá wãdapa kꞌãima catorcemaa tai pꞌanajida Adriático pꞌusa jãde. Ma ewate pꞌãrikꞌua esapɨte barco pꞌerapataarãpa kꞌĩsiajida eujã kꞌaitꞌa pa pꞌanɨ. 28Mapa chaajida chi nãpɨa. Chaadakꞌãri, juachama veinte baji chi nãpɨa. Ma waapai waya chaadakꞌãri, juachama quince baji. 29Barcode mimiapataarãpa mãu ɨ̃rɨ pꞌoonɨ pꞌananadai jĩakꞌaapa, barco ãtauwaare ancla kꞌĩmari tꞌaakꞌoojida. Maapꞌeda ɨtꞌaa tꞌɨ̃jida Tachi Akꞌõrepa isapai ewaripimerã. 30Mamĩda kꞌĩsia atajida barcodeepa jirabododaitꞌee. Mapa japa jira atajida mãikꞌaapa toidaa batꞌatꞌaajida, seewata kꞌɨ̃maapema ancla toidú batꞌarutakꞌa. 31Mamĩda Pablopa mãga kꞌawaakꞌãri, mãgaji soldaorã poromaa mãikꞌaapa chi soldaorãmaa:
—Jã eperãarã barcode pꞌaneeda–e pɨrã, parã nãikꞌaapa chokꞌai uchiada–eda aji.
32Mapa soldaorã japa jɨ̃kꞌara tꞌɨɨtꞌaajida mãikꞌaapa toidú batꞌatꞌaajida, eperã wẽe.
33Tapꞌeda pa wãkꞌãri, Pablopa jaraji nekꞌodamerã.
—Tomia omé paruta pia nekꞌoda–ee, kꞌĩsia jõnɨpa. 34Mapa nekꞌótɨ ma–ãri pida, juatau paraadamerã. Mamĩda kꞌĩsia pꞌuanáatɨ, apida piuda–e paitꞌee perã.
35Mãga jarapꞌeda, Pablopa pan ichi juade atapꞌeda, jõmaarã taide Tachi Akꞌõremaa ɨtꞌaa tꞌɨ̃ji mãikꞌaapa ma pan tꞌookꞌoopꞌeda, kꞌoji. 36Mãpai ma jõma barcode nipadapꞌedaarãpa mãga unudakꞌãri, aukꞌa kꞌojida. 37Tai ma barcode wãdapꞌedaarã doscientos setenta y seis paji. 38Jõmaweda nekꞌodapꞌeda, bi jãwaadaidakꞌãri, barcode atee wãdapꞌedaa trigo toidú batꞌakꞌoojida barco wẽsaatɨmerã.
Barco tꞌoopꞌedarida
39Ewarikꞌãri, barco pidaarãpa ma eujã kꞌawada–e paji mĩda, unujida ipu i joobai nɨ̃bɨ. Mapa kꞌĩsiajida barco ipude pꞌoo atadaitꞌee. 40Mãpai ancla jɨ̃ bada jõmaweda tꞌɨɨkꞌoodapꞌeda, toida atabaibeejida. Ichiaba chi timón jɨ̃ nɨ̃bada ẽratꞌaajida mãikꞌaapa chi vela kꞌɨ̃maapema bainɨ̃ bɨjida. Mãpai barco to idee sɨrrɨa nɨ̃beeji. 41Mamĩda barco pꞌoo nɨ̃banaji ipu atꞌãri pꞌoo–ee badamãi. Barco kꞌɨ̃ pia pꞌoo nɨ̃beeji ipude, pꞌoyaa ãyaa mimikꞌa–ee. Mãpai chi tru tꞌodoochookꞌoodachi pꞌusapa.
42Aramata soldaorãpa kꞌĩsiajida presoorã jõma peekꞌoodaitꞌee, ipudee mirudaridai jĩakꞌaapa kꞌui wãdapa. 43Mamĩda ãchi poropa mãga oopi–e paji, Pablo peepiamaa bada perã. Ma kꞌãyaara jaraji chi kꞌui kꞌawaa beerã toidú jĩchoodamerã, mãgá to idee naapɨara panadamerã. 44Jõdee jaraji chi kꞌui atua beerã tabla ɨ̃rɨ maa–e pɨrã barco pakꞌuru pite ɨ̃rɨ wãdamerã. Mãgá tai jõma pia to ide panajida.
S'ha seleccionat:
Hechos 27: sjaB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.
Hechos 27
27
Pablo Romadee pëida
1Pedeeteedapꞌeda, tai pëijida Italiadee. Pablo awaraa presoorã ome bɨjida soldaorã poro juade, Julio apatapꞌedaa. Mãgɨ́ baji soldaorã batallonde tꞌɨ̃jarapatapꞌedaa Reyrã Poro Waibɨadeerã. 2Bataujida Adramitio pꞌuurudepema barcode, mãgɨ́ wãitꞌee pada perã Ásia eujãdee, pꞌusa ide pꞌuuru bee chaa. Tai ome ichiaba nipaji Aristarco, Tesalónica pꞌuurudepema. Mãgɨ́ pꞌuuru Macedonia eujãde bɨ. 3Tai uchiadapꞌedaa norema Sidón pꞌuurude wiibainajida. Mama soldaorã poro Juliopa Pablo chupɨria kꞌawaapꞌeda, ichiakꞌau chi kꞌõpꞌãyoorãmaa pꞌasiapiji, ãrapa iru akꞌɨdamerã mãikꞌaapa kꞌaripadamerã. 4Waya bataudakꞌãri, uchiajida Sidón pꞌuurudeepa. Mata Chipre isla ãpɨte wãyaajida, taimaa nãu pꞌua nɨ̃bada perã. 5Pꞌusa jãde wãyaajida Cilicia mãikꞌaapa Panfilia eujã kꞌĩrapite. Mata panajida Mira pꞌuurude. Mãgɨ́ pꞌuuru Licia eujãde bɨ.
6Mama soldaorã poropa unuji barco Alejandría pꞌuurudepema wãru Italiadee. Mapa tai jõma ma barcode bataupiji. Mãgá wãjida tai wãdapꞌedaa ode. 7Mamĩda nãu golpe pꞌua nɨ̃bada perã, taarãjida piakꞌãa wãdapa. Mata panajida Cnido pꞌuuru kꞌĩrapite. Atꞌãri nãu taimaa pꞌua nɨ̃bada perã, Creta isla ãpɨte wãdade wãyaajida punto Salmona kꞌĩrapite. 8Mãgá isla kꞌaitꞌa piakꞌãa wãdapa, tꞌĩujida Buenos Puertos bahiade. Mãgɨ́ Lasea pꞌuuru kꞌaitꞌa baji.
9Maapai judiorã fiesta nekꞌodakꞌaa ewari wãyaa baji. Ewari chokꞌara atuadai baji nãu kꞌaurepa. Maperã kꞌachia baji pꞌusa jãde wãyaadaitꞌee, pꞌusa tꞌojara paitꞌee nɨ̃bada perã. Mapa Pablopa ũraaji:
10—Kꞌõpꞌãyoorã, ɨ̃raweda uchiaruta pɨrã namãikꞌaapa, kꞌachia wãdaitꞌeeda aji. Netꞌaa, barco mãikꞌaapa eperãarã paara atuadariita unu bɨda aji.
11Mamĩda ma soldaorã poropa Pablo pedee ũri kꞌinia–e paji. Ma kꞌãyaara barco chipari pedee mãikꞌaapa barco pꞌerapari pedeeta ũriji. 12Ãchi panadapꞌedaamãi pia–e bada perã pꞌusa tꞌojara wãyaaitꞌee, perá jõmaarãpa kꞌĩsiajida wãyaanadaitꞌee Fenice pꞌuurude. Mãgɨ́ puerto baji Creta islade. Mãgɨdeepa unupachi noroeste mãikꞌaapa suroeste.
Nãumiapa pꞌusa jãde atuapitꞌaada
13Ewari aba baarekꞌaapa nãu pꞌua nɨ̃beeji. Mapa ancla jira atajida mãikꞌaapa uchiajida, ãchia kꞌĩsia pꞌanadapꞌedaakꞌa. Isla kꞌaitꞌa wãjida tokꞌesaa wãdaamaapa. 14Mamĩda taarã–e nɨde nãumia golpe pꞌuaji barcomaa, nokꞌooreepa mãikꞌaapa akꞌõrejĩru uchiapari eereepa. 15Mapa barco tꞌɨmɨ́ atadachi. Chi pꞌerapataarãpa pꞌoyaa kꞌĩrapa nãumaa bɨda–e paji. Maperã ichiakꞌau nãumaa ateepijida. 16Mãgá wãdapa Cauda isla ãpɨte wãyaajida. Mãpai waa nãu golpe pꞌua–e pakꞌãri, barco ãtauwaare japa jɨ̃ ateedapꞌedaa, ɨtꞌɨ́ barcode jidiu atajida ãripiamaapa. 17Mãgɨ́ japa ɨtꞌɨ́ jira atadapꞌeda, barcode mimiapataarãpa barco ekꞌari pꞌɨrrabai jɨ̃ nɨ̃bɨjida jɨ̃kꞌarapa, barco tꞌoopꞌepiamaapa. Ma awara waawee pꞌanajida, pꞌoonɨ pꞌananadai jĩakꞌaapa pꞌusa jãde ipu tꞌɨ̃jarapatapꞌedaa Sirte ɨ̃rɨ. Maperã chi vela pɨratꞌaajida. Maapꞌeda, ichiakꞌau nãumaa ateepijida. 18Aɨ norema atꞌãri pꞌusa waapɨara tꞌo nɨ̃bada perã nãumiapa, barcode mimiapataarãpa netꞌaa nɨ̃bada batꞌamaa pꞌaneejida. 19Aɨ norema kꞌãima õpeemaa ma nãumia pꞌua nɨ̃bɨde, vela, jɨ̃kꞌara, pakꞌuru paara toidaa ãchi juadoopa batꞌamaadachida. 20Kꞌãima chokꞌara akꞌõrejĩru mãikꞌaapa lucero unuda–e paji, eu kꞌachia nɨ̃bada perã. Mapa kꞌĩsia pꞌanajida tai kꞌiniidaitꞌee.
21Barco pidaarã jua araadakꞌaa paji nekꞌodaitꞌee pida, audú mimia pꞌanadapꞌedaa perã. Mapa Pablo bainɨ̃ beepꞌeda ãchi esajĩakꞌa, jõmaarãmaa mãgaji:
—Kꞌõpꞌãyoorã, mɨa jarajida aji, uchiada–e paitꞌee Creta isladeepa. Mɨ pedee ũridapꞌedaa paara, nãga pꞌasada–e pakꞌaji. Netꞌaa chokꞌara ãridai wã mãikꞌaapa atuadai wã. 22Mamĩda kꞌĩsia pꞌuanáatɨ. Tachi nama pꞌanɨɨrãdepema apida piuda–e. Mamĩda tachi barco atuadaitꞌee. 23Mɨa mãga kꞌawa bɨ Tachi Akꞌõrepa mɨmaa jarada perã ichi ángel itꞌaideepa. Mãga ooji mɨ ichide ijãapari perã mãikꞌaapa ichia oopi kꞌinia bɨkꞌa oopari perã. Pꞌãrikꞌua mɨmaa ichi ángel pëiji. 24Mãgɨpa mɨmaa mãgaji: “Pablo, pꞌeranaapáde aji, ichita pɨ César kꞌĩrapite wãitꞌee perã. Tachi Akꞌõre tꞌãri pia bairã, ũriji pɨa chupɨria iidida na barcode pꞌanɨɨrã pari. Mapa maarepida piuda–eda” aji. 25Maperã kꞌõpꞌãyoorã, kꞌĩsia pꞌuanáatɨ mɨa ijãa bairã Tachi Akꞌõrepa jaradakꞌa uchiaitꞌee. 26Pꞌusapa isla bɨmaa tachi jira batꞌakꞌooitꞌeeda aji.
27Mãgá wãdapa kꞌãima catorcemaa tai pꞌanajida Adriático pꞌusa jãde. Ma ewate pꞌãrikꞌua esapɨte barco pꞌerapataarãpa kꞌĩsiajida eujã kꞌaitꞌa pa pꞌanɨ. 28Mapa chaajida chi nãpɨa. Chaadakꞌãri, juachama veinte baji chi nãpɨa. Ma waapai waya chaadakꞌãri, juachama quince baji. 29Barcode mimiapataarãpa mãu ɨ̃rɨ pꞌoonɨ pꞌananadai jĩakꞌaapa, barco ãtauwaare ancla kꞌĩmari tꞌaakꞌoojida. Maapꞌeda ɨtꞌaa tꞌɨ̃jida Tachi Akꞌõrepa isapai ewaripimerã. 30Mamĩda kꞌĩsia atajida barcodeepa jirabododaitꞌee. Mapa japa jira atajida mãikꞌaapa toidaa batꞌatꞌaajida, seewata kꞌɨ̃maapema ancla toidú batꞌarutakꞌa. 31Mamĩda Pablopa mãga kꞌawaakꞌãri, mãgaji soldaorã poromaa mãikꞌaapa chi soldaorãmaa:
—Jã eperãarã barcode pꞌaneeda–e pɨrã, parã nãikꞌaapa chokꞌai uchiada–eda aji.
32Mapa soldaorã japa jɨ̃kꞌara tꞌɨɨtꞌaajida mãikꞌaapa toidú batꞌatꞌaajida, eperã wẽe.
33Tapꞌeda pa wãkꞌãri, Pablopa jaraji nekꞌodamerã.
—Tomia omé paruta pia nekꞌoda–ee, kꞌĩsia jõnɨpa. 34Mapa nekꞌótɨ ma–ãri pida, juatau paraadamerã. Mamĩda kꞌĩsia pꞌuanáatɨ, apida piuda–e paitꞌee perã.
35Mãga jarapꞌeda, Pablopa pan ichi juade atapꞌeda, jõmaarã taide Tachi Akꞌõremaa ɨtꞌaa tꞌɨ̃ji mãikꞌaapa ma pan tꞌookꞌoopꞌeda, kꞌoji. 36Mãpai ma jõma barcode nipadapꞌedaarãpa mãga unudakꞌãri, aukꞌa kꞌojida. 37Tai ma barcode wãdapꞌedaarã doscientos setenta y seis paji. 38Jõmaweda nekꞌodapꞌeda, bi jãwaadaidakꞌãri, barcode atee wãdapꞌedaa trigo toidú batꞌakꞌoojida barco wẽsaatɨmerã.
Barco tꞌoopꞌedarida
39Ewarikꞌãri, barco pidaarãpa ma eujã kꞌawada–e paji mĩda, unujida ipu i joobai nɨ̃bɨ. Mapa kꞌĩsiajida barco ipude pꞌoo atadaitꞌee. 40Mãpai ancla jɨ̃ bada jõmaweda tꞌɨɨkꞌoodapꞌeda, toida atabaibeejida. Ichiaba chi timón jɨ̃ nɨ̃bada ẽratꞌaajida mãikꞌaapa chi vela kꞌɨ̃maapema bainɨ̃ bɨjida. Mãpai barco to idee sɨrrɨa nɨ̃beeji. 41Mamĩda barco pꞌoo nɨ̃banaji ipu atꞌãri pꞌoo–ee badamãi. Barco kꞌɨ̃ pia pꞌoo nɨ̃beeji ipude, pꞌoyaa ãyaa mimikꞌa–ee. Mãpai chi tru tꞌodoochookꞌoodachi pꞌusapa.
42Aramata soldaorãpa kꞌĩsiajida presoorã jõma peekꞌoodaitꞌee, ipudee mirudaridai jĩakꞌaapa kꞌui wãdapa. 43Mamĩda ãchi poropa mãga oopi–e paji, Pablo peepiamaa bada perã. Ma kꞌãyaara jaraji chi kꞌui kꞌawaa beerã toidú jĩchoodamerã, mãgá to idee naapɨara panadamerã. 44Jõdee jaraji chi kꞌui atua beerã tabla ɨ̃rɨ maa–e pɨrã barco pakꞌuru pite ɨ̃rɨ wãdamerã. Mãgá tai jõma pia to ide panajida.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©2005, 2010, 2015 Wycliffe Bible Translators, Inc. All rights reserved.