Versets bíblics populars de Hechos 4

Comparteix

Taj va̱j a̱ ꞌó síí gu̱un nucua̱j ti̱nanii man níꞌ rihaan sayuun, cheꞌé se rihaan chumii̱ nihánj roꞌ, o̱rúnꞌ se‑chuvi̱i soꞌ me se rqué Yaꞌanj man níꞌ cheꞌé yan nani̱i̱ níꞌ rihaan sayuun ne̱ cavi̱i̱ sa̱ꞌ níꞌ na̱nj ado̱nj ―taj Pedró rihaan nij síí uun chij yoꞌ a.

Dan me se quisíj cachíín niꞌya̱j nij soꞌ rihaan Yaꞌanj, ga̱a ne̱ quinaa̱n nu̱ꞌ rej ma̱n nij soꞌ, ne̱ caraa ndoꞌo Nimán Yaꞌanj nimán cunuda̱nj nij soꞌ, ga̱a ne̱ ne cuchuꞌvi̱ꞌ nij soꞌ caꞌmi̱i̱ nij soꞌ snana̱ Yaꞌanj maꞌ.

’Señor, nihánj me se xca̱j so̱ꞌ cuentá se vaa caꞌmii yuva̱a̱ ndoꞌo nij soꞌ rihaan núj, ne̱ ra̱cuíj so̱ꞌ man núj si̱j ꞌyaj se‑su̱u̱n so̱ꞌ se vaa se̱ cuchuꞌviꞌ núj caꞌmi̱i̱ núj snana̱ so̱ꞌ rihaan yuvii̱ maꞌ.

Ne̱ xa̱ꞌ Jesús, tza̱j ne̱ soꞌ me yuvej quiriꞌíj nij soj si̱j cune̱ꞌ veꞌ, ne̱ ya̱j me se guun soꞌ yuvej vaa se uun doj rihaan ta̱ranꞌ nij yuvej ma̱n tacóó veꞌ na̱nj ado̱nj.

Dan me se queneꞌen nij soꞌ se vaa ne cuchuꞌvi̱ꞌ Pedró ga̱ Juan ne̱ sca̱ꞌ uxrá caꞌmii ro̱j soꞌ, ne̱ xcaj nij soꞌ cuentá se vaa né si̱j tucuꞌyón yanj me ro̱j soꞌ, tza̱j ne̱ sa̱ꞌ uxrá nariꞌ ro̱j soꞌ a. Cheꞌé dan caráyaꞌa̱nj nij soꞌ a. Ne̱ queneꞌen nij soꞌ se vaa ro̱j soꞌ me síí cachéé ga̱ Jesús a.

Dan me se ꞌo̱ cuya̱a̱n vaa rá nimán ri̱i̱ nij síí cuchumán rá niꞌya̱j man Jesús, ne̱ a̱ ꞌó nij soꞌ ne taj se vaa se‑siꞌya̱j o̱rúnꞌ me rasu̱u̱n maꞌ. Tana̱nj nu̱ꞌ rasu̱u̱n ma̱n rihaan ꞌo̱ ꞌo̱ nij soꞌ roꞌ, me siꞌyaj ta̱ranꞌ nij tuvi̱ꞌ nij soꞌ a.