Versets bíblics populars de Salmos 144

Comparteix

¡Heˉ baˊ cheˉ llu̱u̱ꜗ DSAˉJØ̱Ø̱Hˈ jnänˋ, hi̱ˉ la̱a̱ꜗ kinꜙ läꜙko̱o̱ˉ ku̱u̱ˊ hlooˉ! Hñiiꜘ bihꜗ miˉtë̱ë̱yꜙ jnäꜘ haˉ läꜙ jmeenˋ gaˊ maˉchehnꜗ jeeˊ hniiˉ.

¡Heˉ baˊ cheˉ lluꜗ kihꜗ jeeˊ jwɨɨˉ heˉ laꜗ läꜙja̱ˉ kihꜗ! ¡Heˉ baˊ cheˉ lluꜗ kihꜗ dsaꜙ cherˊmahꜗ DSAˉJØ̱Ø̱Hˈ jnänˋ la̱a̱yꜗ Dio kya̱a̱yꜗ!

Hi̱ˉ heꜘ la̱a̱ꜗ omeꜚ kya̱a̱nꜙ hi̱ˉ chehꜗ nëˊ kinꜙ. Hi̱ˉ heꜘ kwaꜙ jeeˊ hmäähnˊ hiꜙ lä̱ä̱y˜ jnäꜘ. La̱a̱yꜗ läꜙko̱o̱ˉ ñeˈ heˉ hɨɨˉ hløøꜘ jeeˊ lä̱ä̱y˜ hñiiyꜘ. Hñiiyꜘ jmeeyꜙ nʉʉhˊ dsaˉ kya̱a̱hˊ jnäꜘ.

DSAˉJØ̱Ø̱Hˈ kya̱a̱nꜙ, ¿heeˉ baˊ la̱a̱ˈ dsaˉ heˉ kye̱hˊ hʉʉˊdsëˉ kiyhꜗ? ¿Heeˉ baˊ la̱a̱ˈ dsaˉ jmɨˉgyʉʉꜙ heˉ jmeehˉ heˈ kiyhꜗ?