Versets bíblics populars de LAKO YANI 20

Comparteix

“Sai au ko Jiova na nomuni Kalou, ka'u a kauti kemuni tani mai na vanua o Ijipita, mai na vanua ni veivakabobulataki. Mo ni kakua ni sokalou vua e dua tale na kalou, ia vei au duadua ga.

Mo ni kakua ni bulia me nomuni kalou na i vakatakarakara eso ni dua na ka mai lomalagi e cake, se dela i vuravura e ra, se mai na loma ni wai e rukui vuravura. Mo ni kakua ni cuva sobu ki na dua na matakau se mo ni qarava, baleta ni'u sa Kalou vuvu oi au ko Jiova na nomuni Kalou. Au sa cudruvi ira era sa cati au, ka'u na sauma na nodra caka ca vei ira na luvedra ka yacova na i katolu kei na i kava ni tabatamata.

Mo dokai rau na tamamu kei na tinamu me balavu kina na nomu veisiga sa solia vei iko ko Jiova na nomu Kalou.

Mo ni nanuma na Siga ni Vakacecegu ka vakatabuya.

Mo ni kakua ni vakayagataka na yacaqu ena i naki cala, ni na cudruva ko Jiova na nomuni Kalou na tamata yadua sa vakayagataka vakatawadodonu na yacana.

E ono na siga mo ni cakacaka kina, ka cakava kina na veicakacaka kecega o ni vinakata, ia na i kavitu ni siga sa siga ni vakacegu i Jiova na nomuni Kalou. Mo ni kakua ni cakava kina e dua na cakacaka, o iko, se na luvemu tagane, se luvemu yalewa, na nomu tamata cakacaka tagane se yalewa, na nomu manumanu, se nomu vulagi sa tiko ena nomu i tikotiko.

“Mo kakua ni kocova na vale nei wekamu, se na watina, se na nona tamata cakacaka, se manumanu, se dua na ka e taukena na wekamu.”

“Mo kakua ni beitaki ira vakailasu na kai nomu.

“Mo kakua ni veibutakoci.

“Mo kakua ni laba.

“Mo kakua ni butako.