Versets bíblics populars de Romanos 12

Comparteix

Wakin runakuna jusalikuyaptinpis qamkunaqa ama jusalikuyaysu. Yarpaynikikunapis nawpata kashqannöqa ama kasunsu, sinöqa Tayta Dios munashqannöna kasun. Sayno kawarmi tantiyayanki pay munashqanno kawayqa maypis kushikuypaq kashqanta.

Wawqi panikuna, qamkunatami ruwä Tayta Diospa makinman kawaynikita churaykuyänaykipaq. Pay kuyapaykäyäshuptikiqa kawaykaq santu sacrificiu kaykuyälay. Sayno karmi Tayta Dios munashqanno rasunpaypa sirviyanki.

Tayta Diosta shuyakur kushi kushila kawakuyay. Imano nakarpis payman yärakuyay. Imaypis payta manakuyay.

Runakuna lutanta rurayaptinpis qamkunaqa alilata rurayay.

Aylluykiwan kuyanakuyashqaykino kuyanakuyay. Saynöpis jukniki jukniki respitanakuyay. Kikilaykikuna ali kawayänaykipaq yarpachakuyänaykipa trukanqa wakinkunapis ali kawayänanpaq yarpachakuyay.

Janan shonqula kuyanakuyänaykipa trukanqa lapan shonquykiwan kuyanakuyay. Lutankunata rurayänaykipaqqa ama yarpaylapis yarpäyaysu. Saypa trukanqa alilata rurar kawayay.

Imaykanöpapis lapan runakunawan ali kawayta tïrayay.

Kuyay wawqi panikuna, chikiyäshuqnikikunapa contran ama venganzata ashiyaysu. Saypa trukanqa Tayta Dios juzgananpaq paypa makinman churaykuyay. Tayta Diospa palabranchöpis kaynömi qelqaraykan: <<Lutanta rurayashqanpita kikïmi juzgashaq>>.

Ama qela kayaysu, saypa trukanqa kushi kushila Tayta Diosta sirviyay.

Kuyapämarmi Tayta Dios wilakuqnin kanäpaq churamash. Saymi lapaykita nï: Ama yarpäyaysu wakin kaqpita mas väliq kayashqaykita. Payman yärakunansipaq Tayta Dios yanapaykämaptinsiqa lapansipis välishqansita tantiyakushun.

Chikiyäshuptikipis ama chikiyaysu. Saypa trukanqa pïmaypis rikakunanpaq alilata rurar kawayay.

Jukniki juknikipis ali kawayay. Runa tukuyänaykipa trukanqa humildi kaqkunawanpis kuyanakur kawayay. Ama yachaq tukuyaysu.

Mastapis kaynömi nikan: <<Chikishuqniki mikanaptinqa mikuyta qaraykuy. Yakunaptinqa yakuta makyaykuy. Sayno ruraptikiqa pasaypa penqakunqa>>.

Chikishuqnikipa washanta ama rimayaysu. Saypa trukanqa Tayta Diosta manakuyay yanapänanpaq. Kushish kaqkunawan kushikuyay. Waqaqkunawan waqayay.

Jesucristuman yärakuq mayiki muchuycho kaqta rikarqa yanapäyay. Wayikiman chäyämuptinpis posädasiyay.

Cuerpunsicho aska partinsikuna karpis juk cuerpulachömi kaykan. Sayno karpis manami say ruraylatasu rurayan. Saynölami Jesucristuta chaskikuqkuna askaq karpis jukninsi jukninsipis juk cuerpunöla kaykansi.