Versets bíblics populars de Doma 12

Comparteix

Esus tantiesabon nacpadombuen naic tabadenda. Adembidi aidon tantiacpadombuen nainquiocquin bëdambuen tantiabenash mibitedi bëdambuec tabadquid yanendac. Adash Nuquin Papa bunacpadec tabadquin bëdambocquid yec abi bunaidquio yec icsambocquidpenquio yante yec quequin mibitedishun tantiendac.

Tantia, cun utsibo, Nuquin Papan cuidte bunenquio icquin bëdambuen isaido icsho mibitedi chuinu. Abi bunaidquio obeca bëdambocquid pichicaquin ismiacbimbuen: Umbi nate bunaid nainquiocquin mimbi nate bunaid bunebi, Icbo, quequin Nuquin Papa chianneta. Aden chiannec Esus tantiec iccuededtequid nendac.

Uënësacsho abi yacno Esusën ubi tabadmendac, quequin cainec cuishonqueta. Utsibon chieshënquin natiamiaqui chieshtoenquio icquin tantiata. Ënenquio icquin badedbadedquien Nuquin Papa chianneta.

Icsambocquidën dëniacquin chieshtomiadenda. Adenquio icquin bëdambuen naquin icsambocquid dëniacta.

Esus tantiaquid yec utsibobëd tantiananquiota. Ubëtan Esus tantiaquido nec, quiash aidobëd tantiananec bëdambuec isnanta.

Muainquio yec utsibobëd tantiananquiota. Icsambuec tabadte bunenquio yec bëdambuec tabadta.

Chieshëmënec icsambuec tabadte bunsho issun aid chuiquin: Bëdambuequien tabadtiad, quequin chuita.

Cun utsibo, umbi tantiaido mibitedi neque. Tantia, chuinu. Chieshëmënquidobëd cuidnanenquio icta. Adenquio icquin: Nuquin Papanuidtsëquien aid cuidec, quequin tantiata. Naden Nuquin Papan chuiquin Ambi Chiaid dada uamiampid iquec: Ubentsëcquiobi icsaquido cuidquid nec, quec Icbo, quequin chuipampic.

Nuquin Papan chiacpadombuen naic chieshtoenquio icquin nata. Chieshquid iquenda. Nuquin Icbo tantiaquin aid nashunec chieshtoenquio yec bëdambuec tabadta.

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Utsin chieshënac aidbëd cuidnanec chieshënnanenda. Ma utsibo: Bëdambuec tabadquid nec, quenu, quiash bëdambuec tabadta.

Utsibobëd tsidadash chieshënnanenquio yec bëdambuec tabadta. Ubiuidtsëqui bëdambocquid nebi, quenquio yec utsibobëd bëdambuec tabadta. Utsibon tantienquio icnuc ubentsëqui bëdambuen tantiaquidquio nebi, quenda.

Adembidi naden chuiuapampic: Mibi chieshënquidobi pete bundoacsho pemeta. Acte bundoacsho acmeta. Adoac mibi chieshënquido: Bëdambo icquidi chieshënec icsambo icchitobi, quiash dacuëdendac, quequin chuipampic.

Utsibon chieshënaqui aidobëd chieshënnanenquio icta. Adenquio icquin: Chieshënmënquido bëdambuen isquin tantiameta, papa, quequin Nuquin Papa chuita. Utsi bëdambo yec cuishonquesho isash aidbëdi cuishonqueta. Utsi uënësquio icnuc shubisho isash aidbëdi shubita.

Esus tantiaquido atona nibëdsho issun meneta. Isedanquido chosho bëdambuen isquin iuedta.

Nuquin dada abentsëqui icnuc aidëna utsi utsiec iquec. Adquid icnuc ¿Abitedimboda nuquin dadan abibidi nate icpec? Adecbidi nuquitedi dadpenquio icquid iquequi Esuquidistun dada yacbimbuec abi tantiaquidtedi iquec. Adash abentsëc yacbimbuec utsibobëd tsidadash tabadec dada abentsëcbimbuec iquec.