Versets bíblics populars de Doma 10

Comparteix

Nuquin Papan uincuenmenëdaid Esus nec, quequin tantiaquin: Esus Cun Icbo nec, quequin abimbo chuisho Nuquin Papan mibi bëdambuen isquin abi yacno tabadmendac.

Nuquin Papa tantiembi, quequin bëdambuen tantiasho icsaisabimbuecnuc bëdambuen isendac. Adembidi: Esus Cun Icbo nec, quequin tantiaquin chuisho abi yacno tabadmendac.

Aden Esuquidistun naid chuibansho tantiashun: Abimbo caic, quequin Esuquidistu tantiabenec.

Nuquin Papan chuiquin dada uamiampid nad iquec: Abi tantiaquid icsho mua uainquiocquin Nuquin Papan ambi chiampicpadombuen naindac, quequin chuipampic. Nuquin Papan: Isadaidbo nec. Matses utsibo nec, quenquio icquin abitedishun Icbombo icsho matsesën: Ubi nashun, Papa, quequin abi chuisho tantiashun: Nashuntiapibi, quenquio icquin nashunendac. Nuquin Papan chuiquin dada uamiampid nad iquec: Abitedishun Nuquin Papa chuiquin: Ubi bëdambuen isquin nashunta, Icbo, quequin chiannequidquio icsho abi yacno tabadmendac, quequin chuipampic.

¿Mitsipaden: Chuibenneta, cacmaidëmbi Esusën naid chuibennepec? Naden chuiquin Nuquin Papan dada uamepampid iquec: Nuquin Papan matses bëdambuen iste iquec, quequin Chiaid Bëda chuibennequid chosho isash cuishonquendac, quequin chuipampic.

¿Mitsipaden tantiesa icquin Nuquin Papa chiannepatsiash? ¿Mitsipaden Nuquin Papabëta Esus chuisho tantiabi icquin matsesën Esusbëta Nuquin Papa tantiabempatsiash? ¿Mitsi paden Nuquin Papan naidbëta Esusën naid chuibanabi yac matsesën tantiabempec?

Ënden Nuquin Papan: Naden nata, quequin chiacpadombuen matsesën nasho bëdambuen isembi, quedennedëmbi nëbi Esuquidistu tantiasho Nuquin Papan ambi chiampicpadombuen matses icsaisabimbuecnuc bëdambuen isendac.