Versets bíblics populars de Jo Epeco 2

Comparteix

Wan wabedo ginaketa pa Lubaŋa; en oketowa i Kricito Yecu ni wek wabed jo ma tiyo tic mabeco ma yam en oyubo ni myero wati.

Pien pi kicane omiyo en olarowu pi niye. Man pe otimme pi tic mo ma wun wutiyo; meno obedo mot pa Lubaŋa gire. Pe otimme pi ticwu mo, mumiyo ŋat mo owek wakke pire.

Ento Lubaŋa lalonyo i kicane, mar ma en omarowa kwede dit twatwal; en mumiyo kadi bed onoŋo wadoko jo muto pi turo cikke, en omiyo wadoko kwo kacel ki Kricito. Lubaŋa olarowu pi kicane.

Pi ribbewa ki Kricito Yecu en ocerowa woko kacel kwede, ka doŋ oketowa wabedo kacel kwede i polo.

Kombeddi doŋ wun pe wubedo lurok nyo lubedo; wun kacel ki jo pa Lubaŋa doŋ wutye ki paco acel, wun doŋ wu jo me ot pa Lubaŋa. Wun doŋ kombeddi wudoko ot ma gigero, ma gutine obedo lukwena ki lutit lok pa Lubaŋa. Yecu Kricito kikome obedo got madit me twoke.