Versets bíblics populars de ᑎᒧᑎᒧᑦ ᓯᕗᓪᓖᑦ 1

Comparteix

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᑍᒤᒻᒪᓪᓕ ᒎᑎᐅᑉ ᓂᑲᒋᓚᐅᕐᐹᖓ, ᓇᓗᓇᕈᓐᓃᖁᓪᓗᒍ ᔩᓱᓯ ᙭ᔅᑑᓯᐅᑉ ᕿᓄᐃᓵᕈᓐᓇᕐᓂᖓ ᐅᕙᓐᓂᑦ ᐱᒋᐊᕐᕕᖃᕐᓗᓂ ᐱᐅᖏᓐᓂᕐᐹᖑᔪᒥᒃ, ᑐᑭᓯᑦᔪᑎᒃᓴᐅᓕᖁᓪᓗᖓ ᑭᖑᓂᒃᑯᑦ ᙭ᔅᑑᓯᒧᑦ ᐅᒃᐱᕈᒫᕐᑐᓄᑦ ᐃᓅᓯᕐᑖᕐᓂᐊᕐᓗᑎᒡᓗ ᓄᖑᓱᐃᑦᑐᒥᒃ.

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᖃᐅᔨᒪᒋᕗᒍᑦ, ᐱᖁᔭᑦ ᐋᖅᑭᒃᑕᐅᓯᒪᖏᒻᒪᑕ ᓈᒪᑦᓯᐊᕐᑐᒥᒃ ᐃᓅᔪᓄᑦ ᐱᖁᔭᖃᖏᑦᑐᓄᓪᓕ ᓈᓚᖏᑦᑐᓄᓪᓗ, ᒎᑎᖃᖏᑦᑐᓄᑦ ᐊᔪᕐᑐᓕᔪᓄᓪᓗ, ᐅᒃᐱᕋᓱᐊᓐᖏᑦᑐᓄᑦ ᒎᑎᒥᒡᓗ ᓇᕐᕈᓇᕐᑎᑦᓯᔪᓄᑦ, ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᑐᖁᑦᓯᔪᓄᑦ, ᐃᓄᐊᕐᑎᐅᔪᓄᓪᓗ, ᓄᓕᐊᕐᓂᒃᑯᑦ ᐊᔪᕐᑐᓕᔪᑦ, ᐊᑦᔨᒥᖕᓅᕐᑐᑦ, ᑎᒡᓕᒃᐸᒃᑐᑦ, ᓴᒡᓗᕙᒃᑐᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᒃᑐᑦ, ᖃᓄᑐᐃᓐᓇᕐᓗ ᓱᓕᔪᒥᒃ ᐊᔪᕆᕐᑑᓯᕐᒥᒃ ᐊᑭᕋᕐᑐᕐᐸᒃᑐᑦ.