Versets bíblics populars de Ya-Sfadoci Jrne 16

Comparteix

Yolumv wiahi gi mahci kvlolalapwv, wvhsi neyrgi manvwvhi gelvwv bonvmaqa grmrnelafewa. Hini yala-kuqvh-kvmigigi gelvwv ki bonrnrwv gesanrci-nvmowa : pvyaqv gilvgi-tahawafiku; ni mahci vliskv ini yalakuqvh-kvmigigi.

Pvyaqv ina inv uwa birta, inv dabwawa si Ucvjrlvhqv, inv gah si mvyrwi-walakuwv jrivhki ini dabwawa : xvga inv mvtv pasiqi welv wa huci kvlvwi; wakv goqa-nahi-grci si wia’ hinv wah nodrga, nileni inv wah kvlvwi : macimi gah muhgrtutv-mrkuwv inv nili wiahi wrsv biayrki.

Yone lrqvsi mvtv wiahi ki mah’ nvtudrnrwv ni wefowa-nagi : nvtutvmuku, macimi ga hutafipwv, wvhsi k’ usvsilabwrwa-nwv manvw’ huqrwi sdodagi.

Pvyaqv ini dabwawa gi talapwv : Uwasfanwi ini gel-vwv si wvhsi nelv wapfaiv; xvga qahqi bur wapfaiv nelv, mvtv inv Manwitahadewanv gah bialudrkuwv; wakv qahqi nelv nhriv, gelvwv nah laskvwv inv. Chena inv, ina birta, mvjesilvwewa-nagi wa huci vliskvitv ini yalakuqvh-kvmigigi, chena tapvsvwela-fewa-nagi uci, macimi mahtvhkuwawa-nagi uci

Chena gelvwv waciganv’ hinugi ki bonrnrwv mvcilabwrwa : pvyaqv gah nvulap-wv nuhgi, macimi wa husvsilabwriv ki tahiwv, chena k’ usvsilab-wrwa-nwv mvtv wiyafv gi tvh mvmrkuwv. Chena ina grsagigi gah nvtuhtvwipwv mvtv-wiahi. Tapilo, tapilo, gi talapwv nelv, Qahqi gelvwv gah nvtutvmvwrwv wiahsi wiahi inv Ufimv, inv gah melakuwv ini ni wefowa-nagi.

Tapilo, tapilo, gi talapwv nelv, gah wihfvqapwv, macimi gah mvwapwv, wakv inv yalakuwvh-kvmigi-gi wa husvsilapwv : gelvwv gah mvcilabwrwafipwv, pvyaqv ki mvcilabwrwa-nwv usvsilabwrwa-nagi wah si kutakunota.