Versets bíblics populars de 2~KORINTHU 5

Comparteix

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

Khasu" wim gari ngoonu" da" kangso' dei da" khyoo: gi-myo, jid" yo" myang jang" moo anghoid loo: za: loem" jeung" khyoo: moo kangso' dei nyid boem zi nghoid.

Hau: khyoo: dangain" ri koem gi Mangsoo zei: bye: zi nghoid. Mangsoo gi ngoonu" ri nya: gyivoo bue" nyid jang" mo nya: bidnoem yi bue" loo wa shid re" Khristu Yesu da" khoug: khyo" thed, shai" loo" nhang: bye: ziyo' byu gootu: bang: ri we' nya: bidnoem yi bue" loo wa shid mo ngoonu" ri moo" zo" yoo voin, ab byid: too" bye. Ngoonu" kho" kyo" da" mungdang: gi Mangsoo gi Khristu mo byu nyid moo nyid bang: ri nya: bidnoem bue" loo nhang: da" mungdang:" nghoid nyid. Mangso da" byu yi yooboo joem ri axoem" too" byid: tho' moo agoo"- nyangnu" ri nya: bidnoem yi bue" loo sho' kha" yhi' koid bye: khyoo: ri tid sho kyo" da" mungdang: ngoonu" ri byid: too" bye.

Houg: su" nghoid yoomo ngoonu" gi Khristu da" khyoo: tid led: loo bye: da:- Lagyoo: yi nghoid wigi Mangsoo nyang ngoonu" da" nhoid khoin" thui: khyo"-nanu" ri khe: lhoung nyid zi nghoid lho: Mangsoo gi nanu" nya: gyivoo yi bue" nyid jang" mo nya: da" bidnoem yi bue" loo nhang: baja" ga: Khristu da" gungxung ngoonu" mho' sang: nyid boem.

Kangso' dei nyid mo, we' nyangnu" da" akyu" shid' re" kangso' adei loo za: nyangnu" shid re" shid: kham: lho: doem dei to'' loo su: shid re" za" dei nyid goo" baja" nyang gi dangain' bang : da" shid mo shid: kham: bye. Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.