1
Jěnisis 1:26-27
Biblia Benga 1895, 1926
BNG1895
Ka Anyambě a vâ, na, Ho velake moto wa egâlan‘ ’ahu, a kwanakě hwě: na bâ‐ba ka pangakiya bejaka bea manga, na lonâni la oba, na bembe, na he yěhěpi, na elombo yěhěpi e landakě o he. Nonaně nd‘ o Anyambě a velaki moto na egâlan‘ ’aju, egâlani ya Anyambě nd‘ eaju e velanaki mâ; a velaki bâ momo na mwajo.
Compara
Explorar Jěnisis 1:26-27
2
Jěnisis 1:28
Ka Anyambě a vambiya bâ ibâtâ, ka Anyambě a vâ na bâ, na, Janakani, n‘ inyěni o ka vuhakani, wa londani o he, na inyěni wa bali yâni: o ka pangakiyani bejaka bea manga, na lonâni la oba, na elombo yěhěpi e di mihâ e landakě o he.
Explorar Jěnisis 1:28
3
Jěnisis 1:1
O jali ka Anyambě a vela oba na he.
Explorar Jěnisis 1:1
4
Jěnisis 1:2
He yu diyaka n‘ uvela, e diyaki naně; ivitit‘ i diyakind‘ o boho bwa ndiba. Ka Ilina ja Anyambě ja muwa o boho bwa miba.
Explorar Jěnisis 1:2
5
Jěnisis 1:3
¶ Ka Anyambě a vâ, na, Bwe e diyake: na bwe na diyaka.
Explorar Jěnisis 1:3
6
Jěnisis 1:31
Ka Anyambě a yěně elombo ’aju e velakidi yěhěpi, na umbwakiya, e diyakindi bwamu mětě. Ka yâ‐ya diya kolo na ubwa, — buhwa bw‘ utoba.
Explorar Jěnisis 1:31
7
Jěnisis 1:4
Ka Anyambě a yěně bwe, na e ndi bwamu; na Anyambě na palwakidě bwe o ivititi.
Explorar Jěnisis 1:4
8
Jěnisis 1:29
¶ Ka Anyambě a vâ, na, Umbwakiya, mbi věndi ’nyěni ehavu yěhěpi e jakě ibângâ, e jadi o boho bwa he yěhěpi, na ele yěhěpi e jadi na ebuma ya ele e lângâkě ibângâ: e ka diyi beja o ’nyěni‐o jadi.
Explorar Jěnisis 1:29
9
Jěnisis 1:5
Ka Anyambě a tuba bwe na Mwehe, ka Mâ‐a tuba ivititi na Bulu. Ka yâ‐ya diya kolo na ubwa, — buhwa bwâkâ.
Explorar Jěnisis 1:5
10
Jěnisis 1:6
¶ Ka Anyambě a vâ, na, Njanjo e diyake o hanganě ya miba, na yâ e ka palwakidě miba oviya miba.
Explorar Jěnisis 1:6
11
Jěnisis 1:30
Na tito ya he yěhěpi, na lonâni la oba lěhěpi, na elombo yěhěpi e landakě o he e jadi na eměnâ, nd‘ ibiamě be vědi ehavu ya etongo yěhěpi ya beja: ka yâ‐ya diya nonaně.
Explorar Jěnisis 1:30
12
Jěnisis 1:14
¶ Ka Anyambě a vâ, na, Bwe i diyake o njanjo ya oba i ka paludě mwehe oviya bulu; na jâ i ka diyaka ja ndembo, na ja begombe, na ja hwi na mepuma
Explorar Jěnisis 1:14
13
Jěnisis 1:11
Ka Anyambě a vâ, na, He e pumakě mbusanga, na behavu be lângâkě ibângâ, na ele ya bebuma e lângâkě bebuma bea jângâ jaju, ibângâ i na yâ mětě, o he: ka yâ‐ya diya nonaně.
Explorar Jěnisis 1:11
14
Jěnisis 1:7
Ka Anyambě a vela njanjo, ka Mâ‐a paludě miba ma diyakidi ibomako ja njanjo oviya ma diyakidi oba ya njanjo: ka yâ‐ya diya nonaně.
Explorar Jěnisis 1:7
15
Jěnisis 1:12
Ka he ya běkidě mbusanga, na behavu be lângâkě ibângâ ja jângâ jaju, na ele e lângâkě bebuma, ibângâ jaju i diyakite na yâ mětě, ya jângâ jaju: ka Anyambě a yěně, na, e bwamu.
Explorar Jěnisis 1:12
16
Jěnisis 1:16
Ka Anyambě a vela bwe iněně ibale; bwe eněně e pangakiyě mwehe, na bwe ehâlě e pangakiyě bulu: ka Mâ‐a vela tepě nyětěti.
Explorar Jěnisis 1:16
17
Jěnisis 1:9-10
¶ Ka Anyambě a vâ, na, Miba ma jadi ibomako ja oba ma yolanakě iboko vyâkâ, na ya yaheyahe ya puma: ka yâ‐ya diya nonaně. Ka Anyambě a vangidě ya yaheyahe, na, He; ka Mâ‐a vangidě iyolaně ja miba, na, Manga: ka Anyambě a yěně, na, e bwamu.
Explorar Jěnisis 1:9-10
18
Jěnisis 1:22
Ka Anyambě a vambiya beâ ibâtâ, na, Janakani, n‘ inyěni o ka vuhakani, n‘ inyěni o ka londaki miba ma manga, na lonâni lo ka vuhaka o he.
Explorar Jěnisis 1:22
19
Jěnisis 1:24
¶ Ka Anyambě a vâ, na, He e běkěkidě ekeha ya mihâ ya jângâ jaju, bembe, na elombo e landakě, na tito ya he ya jângâ jaju: ka yâ‐ya diya nonaně.
Explorar Jěnisis 1:24
20
Jěnisis 1:20
¶ Ka Anyambě a vâ, na, Miba ma běkěkidě na bwinge bekeha be ninganakě be di na eměnâ, na lonâni lo věvěkě oba ya he o bwe ya njanjo ya oba.
Explorar Jěnisis 1:20
21
Jěnisis 1:25
Ka Anyambě a vela tito ya he ya jângâ jaju, na bembe bea jângâ jabu, na elombo yěhěpi e landakě o he ya jângâ jaju: ka Anyambě a yěně na e bwamu.
Explorar Jěnisis 1:25
Inici
La Bíblia
Plans
Vídeos