Versets bíblics populars de ruumiya 12

Comparteix

eṯere kwakiḏaḏa ŋeḏre ŋeḏi kla leḏi ṯurmun mac eḏizaɽani, lakin eṯorɔ lizi liaŋ ṯireca ṯi yey lu ta, ezi ma elŋe ŋeḏi ṯugwor ṯeḏi Allah ŋa ŋeni ŋizaw, na ŋeṯəmi ŋunduŋwu-na, na ŋir minmin.

ŋwu ta, nyi kwuturecaŋazi lu tur, lieŋgeri linyi, ŋiɽaŋal ŋi ŋeḏi ŋimɽi ŋeḏi Allah, eḏi ruzi yaŋna yalu karama kimiiḏu, kirlinelu ter, eḏi gi əmi Allah-na. ŋinderṯa ŋu ŋiri ṯikwocalu ṯeḏi rugwor.

eti nyeŋlena ki ṯəkiza-na talu kizen; eṯindinyani ṯurfa nana ṯir nyɔrɔ nyɔrɔ; eṯari ki yiriny dɔk dɔk.

eṯere efrinji ŋikyaŋi eḏillazi ŋaŋwu ki mac, lakin eṯi keni illazi ŋikyaŋi ki ŋizana ŋi.

eṯamɽaḏizina wuɽe-wuɽeny, kaka kla lir ŋiaŋga; eti zi iɽi-na liḏaḏu beten eḏi rɔgwɽɔ la ralu.

eṯizamɽi liira ŋidiny-na; eṯi zi firazi ŋeni ŋiki, eṯi zi miḏa teter ŋeni ŋizaw

mer eni ŋɔŋa, eṯi li eḏi ŋiɽena tatap.

limɽi linyi, eṯere əɽiḏizi ŋwoɽa mac, lakin eṯi zi ketize ŋirŋaza ŋeḏi Allah ki rii-na; kaka luḏinar gwu, ŋaruŋw, Kweleny kwaru ŋwa: eṯi hukm orɔ winyi, nenyji ṯa əɽici kaka ṯa ŋa.

etere efrinji ŋimozaŋi eḏi kiici ŋaŋwuzi ŋiɽaŋali mac; eṯerṯelu fori gi kweḏi Ṯigɽim ṯirlinelu ter; eṯəkizi Kwelenyi ŋɔḏɽor.

ŋiɽaŋal ŋi ŋeḏi ṯimeca ṯeḏi ŋimɽi ṯimer nyi inḏeḏa ta, nyi ŋgwu kworacaŋazi lere nyiḏak daŋgal-na eḏere piŋi rɔgwɽɔ ralu mac eḏellini, lakin eṯi ṯeci rɔgwɽɔ ralu ŋiɽaŋal ŋi ŋeḏi ṯəmna, ṯimɔ ŋazi Allah kannaci lere lere.

eṯi zi ere errici kwere ŋeni ŋiki mac, muŋw zi errici ŋaŋwu ŋeni ŋiki; eṯi zi ireci yey lu eḏizerri ŋizaw ki yey-na yeḏi lizi.

eti kiɽmiḏi-na; etere piŋi rɔgwɽɔ mac, lakin eti li romḏi lir lɔkwɽeny; eṯere piŋi teḏinayeyna talu mac.

epa, ma yaŋwu ye kwere kwir ŋa gi ṯuwən, inḏeḏa eḏneya; ma owḏa ye ta, inḏeḏa ŋaw. mezi ṯa errizi ṯa ŋwu ta, a firṯaḏa igəŋi wir ŋwurɔ kinda la luŋwun.

etizortaḏa kla leṯi ŋazi owɽi yey; eṯizortaḏa, eṯizere ɔllɔ mac. eti li nyeŋlena kla leṯi nyeŋlena; eṯi li araḏizi kla leṯari ŋwunda.

eṯinḏeṯa lizi leni lirlinelu ter liira kwɔmne-na; eṯami enji lirinaŋw.

kaka eṯi gwu kwɔmne kweḏi aŋna oɽmaṯi eḏorɔ aŋna wutuput, na eṯi kwɔmne kwuŋwun eḏi ŋɔḏɽor-na ŋir ter ter, ŋwu ṯa, nyiŋa tɔk leni luru, eṯir oɽmaṯi eḏorɔ aŋna wutuput eḏi Kwruztu-na, na lere lere eṯir li kiɽmiḏi-na liḏaḏu.