Versets bíblics populars de Efesia 2

Comparteix

Wɛ ye debam Keiru mo. Dé na me de Yezu Krista to, o ma fɔge debam de o ŋwe-doŋa kam, se dé taa tɔge keim-laaro chwoŋa kalo o na maŋe o tiŋi o pa debam se dé da to.

Wɛ zaane dem mo o mɛ o jwoŋi abam o yage, á na jege wo-dedoa de Yezu to ŋwaane. O nam tɔge de ŋwaane o chɛ abam zɛɛra mo, ye ko dae abam kikia ŋwaane, se nɔɔn-nɔɔno yé wane o ke teera Wɛ yiga ne.

Ko daare Wɛ nam tiini o jege nɔɔna ŋwaŋa se ko gaale. O maa tiini o swoi debam dedɛ. Konto ŋwaane mo o pɛ debam o ŋwe-doŋa kam, dé na me de Yezu Krista to ŋwaane. Wɛ na zeini debam konto to, ko ye maŋa kalo dé déem na tɔge tusim chwoŋa ye dé ba jege ŋwea o tei ne to mo. Wɛ nam mɛ o zaane dem mo o jwoŋi abam o yage.

Dé na me de Yezu Krista to, Wɛ ma pa dé tɔge ded‑o dé bi dé na o ŋwe-doŋa kam, ye o daare o zeiŋi debam se dé tɔge de Yezu dé na jeiŋa jei telaao ne.

Abam balo na ye dwi-gɛ tiina to daa dae veira, nenɛɛne balo yiga na tera Wɛ nɔɔna bam wone to. Abam laam ye tembia mo Wɛ nɔɔna bam wone, ye á tɔge á ye Wɛ sɔŋɔ kom bia. Á tɔge á ye Wɛ kɔgɔ kom nɔɔna mo, ye kɔgɔ kom konto nye de o tete sɔŋɔ kom. Yezu Krista totoŋa nakwa bam de Wɛ sampwori sem mo chwi sɔŋɔ kom kuri, ye ko maama zege Yezu ŋwaane. Wonto mo ye kandwɛ-zane delo na pae diga kam zega dana to.