Versets bíblics populars de Efesia 1

Comparteix

Wɛ wó pa á yia poore se á wane á lɔre o na kuri abam se á ta‑á jege teena o tei ne tei to, se á daare á lɔre o wo-laaro tem na tiini te beiŋi tei ye o tiŋi o ni se o kwei-te o pa balo na ye o nyem to. Wɛ wó pa se á lɔre o dam dem na daga de gaale tei, ye o ma-de o zeini debam balo maama na sɛ‑o to. O dam-fɔrɔ kom konto bere o na wae o toŋe totoŋ-kamunnu tei to. O déem mɛ-de o bi Yezu Krista toone wone mo, ye o daare o ma-de o zeiŋi‑o o pa o jeini o jazem seeni telaao ne. Konto mo Yezu Krista laam tei wonnu telo maama na jege dam nabiina baŋa ne to. Ko ná ye dedɛɛra maama, de paare maama, o dam dem dwoi te maama. Ko ná ye zem wonnu tem dam mo, naa jwa wonnu telo na lage te ba to, Yezu dwoi woŋo kolo maama na jege yere ko pa nabiina to.

Boboa ne ye logo baŋa daa ta tera to, Wɛ tɔge Yezu ŋwaane mo o kuri debam se dé taa jege wo-pwoŋo o yiga ne ye tusim tera. O na jege debam swono to mo o wuuri o ke o boboŋa ne se o pa dé tɔge Yezu Krista ŋwaane dé ji o bia. Mo o boboŋa na lage se o ke kolo to.

Dé na me ded‑o konto to, o mɛ o toone jana bam mo o ŋwe dé wɛleera jene, se ko pa Wɛ saare dé wɛleera yam. Mo Wɛ zaane dem na tiini de beiŋi tei

Baŋa Wɛ wolo na ye dé Teiru Yezu Krista Kwo to maŋe de teem. O yɔɔre o swɛ debam swolim, ye o fɔge dé bochara de wo-laaro telo maama na ye o Sin-laao kom nyem ye te nwoŋi Wɛ telaao ne to, dé na me de Yezu Krista to ŋwaane.