Versets bíblics populars de ᤖᤥᤔᤡ 14

Comparteix

ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢ ᤜᤠᤱᤈᤢᤶᤔᤡᤴ ᤆᤠᤔᤠ ᤏᤢ ᤌᤢᤱᤔᤠᤖᤧ ᤁᤢᤕᤠ᤺ᤶᤒᤣᤀᤥ ᤔᤣ᤺ᤴ. ᤁᤖ ᤛᤠᤶᤕᤥᤏᤡᤔᤠ. ᤛᤏᤠᤖᤢᤱ ᤏᤢ ᤛᤣᤛᤣᤔᤠᤱᤅᤡᤸᤗᤧ ᤀᤠᤒᤡᤒᤠ ᤛ᤺ᤵᤔᤠᤸᤗᤧ ᤁᤢᤕᤠ᤺ᤶᤒᤣᤀᤥᤏᤧᤖᤥ॥ ᤀᤰᤂᤣᤗ᤹ᤖᤡᤰ ᤂᤪᤡᤛ᤻ᤋᤧᤴ ᤛᤧᤘᤠ ᤁᤧᤈᤥ᤺ᤰᤐᤠᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠ᤺ᤛᤢ᤹. ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧᤀᤠᤱ ᤂᤧᤴ ᤔᤏᤠᤴ ᤁᤢᤏᤠᤖᤠ ᤔᤧᤓᤥᤛᤢᤖ ᤋᤧᤴᤍᤡᤱ ᤔᤧᤈᤥᤃᤢ᤹ᤖᤥ॥

ᤂᤧᤸᤗᤧᤆᤥᤃᤢᤸᤗᤧ ᤀᤠᤏᤡ᤹ ᤀᤠᤜᤡᤱᤛᤠᤱ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤀᤠᤜᤡᤱ. ᤀᤠᤛ᤻ᤛᤡᤛᤠᤱ ᤍᤠᤱᤒᤠᤸᤗᤧ ᤁᤢᤗᤠᤃᤡ ᤀᤠᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤀᤠᤜᤡᤱᤛᤠᤱ ᤀᤠᤛ᤻ᤛᤡᤛᤠᤱ ᤀᤠᤏᤡ᤹ᤃ ᤍᤠᤱᤒᤠᤸᤗᤧᤴᤏᤣᤖᤥ॥

ᤂᤧᤸᤗᤧᤆᤥᤃᤢᤸᤗᤧ ᤀᤠᤳᤋᤡᤴ ᤐᤠ᤺ᤴᤏᤡᤸᤗᤧ ᤛᤏᤠᤖᤢᤱ ᤋᤠᤖᤢ᤹. ᤜᤧᤰᤁᤩᤠᤱ ᤏᤛᤠᤏᤡᤒᤠ ᤗᤢᤶᤔᤥ ᤜᤠᤱᤜᤠᤱ ᤔᤧᤳᤇᤡᤱᤔᤠ ᤐᤠᤴ ᤆᤥᤃᤢ᤹. ᤒᤠ ᤂᤧᤴᤏᤣ ᤆᤥ᤺ᤰᤔᤠ ᤛᤠ᤹ᤖᤡᤰ ᤋᤶᤛᤡᤱ ᤆᤥᤃᤢᤶᤗᤥ॥

ᤂᤧᤸᤗᤧᤆᤥᤃᤢᤸᤗᤧ ᤘᤣ᤹ᤜᤠ᤹ ᤂᤠᤛᤧᤴ ᤆᤥ᤺ᤰᤔᤠᤛᤡ ᤗᤧᤖᤢᤶᤗᤥ॥ ᤂᤧᤸᤗᤧ ᤁᤢᤗᤧᤰᤘᤠ ᤘᤣ᤹ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤶᤔᤥ ᤀᤠᤄᤄᤒᤠ ᤐᤠᤴ ᤀᤡᤃᤪ ᤗᤠᤕᤥᤀᤥ ᤁᤧᤎᤠᤒᤠ ᤐᤠᤴ ᤏᤧᤛ᤻ᤛᤢᤶ ᤔᤣ᤺ᤴ ᤁᤧᤗ᤹ᤒᤠ ᤏᤡᤛ᤻ᤛᤣ ᤆᤥᤃᤢᤶᤗᤥ॥

ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. “ᤛᤧᤰᤂᤠᤀᤣ ᤔᤠᤱᤜᤧᤰᤛᤡᤱᤅᤠ. ᤁᤠᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤀᤡᤱᤃᤠ᤹ ᤀᤠᤍᤃᤡ ᤌᤢᤱᤒᤥᤜᤈ᤹ ᤔᤧᤗᤣ᤺ᤳᤋᤢᤀᤠᤱ ᤛᤠᤶᤒᤥᤴ ᤔᤧᤓᤴᤇᤡᤱ. ᤜᤧᤰᤁᤩᤠᤱ ᤁᤧᤖᤧᤰᤗᤧ ᤏᤡᤱᤘᤠ᤹ᤑᤢᤔᤠᤱᤀᤠ ᤑᤠ᤹ᤀᤠᤱ ᤋᤧᤴᤍᤡᤱ ᤔᤧᤈᤥ᤺ᤰᤁᤠ ᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ᤹ᤖᤥ॥” ᤜᤧᤰᤁᤣ᤺ᤸᤗᤧ ᤀᤠᤏᤡ᤹ ᤁᤧᤖᤧᤰᤗᤧ ᤀᤠᤈᤥᤃᤢᤶᤒᤠ ᤕᤠ᤺ᤶᤒᤰᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ ᤀᤠᤒᤠᤅᤣ ᤆᤧᤰᤔᤠ ᤐᤥᤱᤗᤥ॥

ᤏᤛᤠ᤺ᤴᤏᤥ ᤏᤡᤱᤘᤠ᤹ ᤁᤧᤒᤠ᤺ᤰᤐᤠ ᤏᤛᤠᤏᤡᤒᤠᤜᤠ᤹ᤖᤧ ᤔᤧᤀᤡ᤺ᤳᤋᤢᤒᤠ ᤏᤡᤱᤘᤠ᤹ ᤐᤠ᤺ᤴᤏᤡᤴ ᤀᤡᤱᤍᤥ ᤔᤧᤶᤔᤧᤳᤋᤣ ᤂᤡᤏᤡ᤹ ᤛᤣᤛᤣ ᤋᤱᤈᤢᤶᤔᤥ ᤂᤧᤱᤜᤠ᤹ ᤋᤠ᤺ᤰᤋᤧᤶᤛᤡᤶᤔᤧ᤹ᤀᤥ॥

ᤘᤣ᤹ᤀᤡᤸᤗᤧ ᤁᤧᤛᤧᤘᤠᤖᤥᤒᤠᤴ ᤂᤠᤛᤧᤴ ᤁᤧᤗᤥ᤺ᤶᤒᤠ ᤂᤧᤏᤧ᤹ ᤜᤠ᤺ᤳᤏᤧᤒᤣ᥅ ᤁᤢᤴᤍᤠᤱᤒᤠᤸᤗᤧᤀᤣ ᤁᤢᤛᤧᤘᤠᤖᤥᤒᤧᤸᤗᤧ ᤏᤢᤒᤠ ᤐᤠᤴ ᤆᤥᤃᤢᤖ ᤘᤠ᤹ᤒᤡ ᤔᤣ᤺ᤶᤒᤡ ᤑᤠ᤹ᤀᤠᤱ ᤂᤠᤛᤧᤴ ᤆᤥᤃᤢ᤹ᤖᤥ॥ ᤍᤠᤱᤒᤠᤸᤗᤧᤀᤣ ᤁᤧᤛᤧᤘᤠᤖᤥᤒᤠᤴ ᤏᤢᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤁᤢᤓᤠ᤹ ᤐᤡᤖᤢᤖᤥ. ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤂᤧᤴ ᤁᤢᤓᤠ᤹ ᤐᤡᤔᤠ ᤔᤢᤰᤛᤠᤶ ᤁᤳᤋᤢ᤹ᤖᤥ॥