Versets bíblics populars de Taneng 28

Comparteix

O misimeday a mitahpo to raraw no tireng i, caay ko mamalmed ko 'orip ningra, o patalahkalay to raraw a mifalic to faloco' i, o kakaadayayen no Kawas.

O matamaay ko no mako a harateng sanay a tamdaw i, o maapaay a tamdaw, o mitngilay to citangalay a tamdaw i, o rarihaday cingra.

O tatiihay a tamdaw i, talacowa awaay ko milpelay i cingraan milaliw cingra, nikawrira, o mo^celay a tamdaw i, matiya o layon a macodah.

O marariday a mita'ong to TAPANG i, caay ka citolas a malmed, nikawrira, o 'atkakay ko faloco' i, o mamatkop cingra.

O palada'ay to pakosiya a tamdaw i, caay ko cacango'ot cingra, nikawrira, o nengneng sanay to pakosiya a tamdaw i, o mama'kak cingra.

O pa'icelay to tamdaw a misalof i, ikaka noya samalaymay sanay ko sowal a tamdaw ko nika o kaolahan no tamdaw cingra.