Versets bíblics populars de Nʋnʋlii 2

Comparteix

Piɛlɩ lɛ naa: «A nɩ ligba a 'kä 'a ‑lizokuu kɛ'mö ‑sɛ wa 'kanyɩ bhʋlʋbhlʋ Zezwii Kliisɩ a 'nglɩ 'mö 'wlu wɔlʋ, a 'kä ɔ ‑nʋä 'zʋ. Nzɩɩ Lagɔ 'käa 'a 'nyinylolii a gbʋʋ 'yi 'tatinɩ, ɔ 'kanyɩ 'Wugɔmʋʋ 'Wlɩlɩ ‑gömö 'zʋ.

Wa 'wuë, wa ‑kä ‑lɛ glɩɩ, Lagɔwɛlɩɩ Zezwii 'a tietiewaa nyʋää, wa ‑pʋni sasɛ 'yukwli. Wa ‑wawanɩ 'kwädlɩ ‑daayuë a sɛ 'yize. Sɛɛ Zezwii gbä a‑a, 'n wa ‑dɩdɩnɩɛ ‑sɩbhä 'fɔlɔ 'mö, 'n wa linuä 'gämö, 'n wa bhibhee Lagɔ 'yize.

'N 'Wugɔmʋʋ 'Wlɩlɩ yuëë ‑gömö yi tenyii, 'n wa yiɛ käbögbɩ gbä. Sɛɛ 'Wugɔmʋʋ bhïlanuëë 'möö, 'n wa sɛnɩɛ ‑sɩbhä 'mö.

Wa lɛ zʋa a sɛ'ɛ cuu, ‑gëbë 'bhöönɩ ‑mä zlɩ 'mö. Ɛ ‑bhɩɛ 'vuu 'kɔdʋ lɛ 'kä yi. N ‑gëbë 'la yiɛ ‑buduu wa ‑wʋ a‑a 'mö 'wʋ yie. 'N wa yiɛ ‑li 'ylɩmö. ‑Li 'la, yɩ 'ka ‑bhɩɛ ‑kosubïli, 'n yɩ yuëë bhʋlʋbhlʋ 'wlu sɛ glɩ. 'N 'Wugɔmʋʋ 'Wlɩlɩ yuëë ‑gömö yi tenyii, 'n wa yiɛ käbögbɩ gbä. Sɛɛ 'Wugɔmʋʋ bhïlanuëë 'möö, 'n wa sɛnɩɛ ‑sɩbhä 'mö.

Zilaa 'wuë 'mö, 'wlu wa yɩbhää 'kwädlɩ ‑mä Lagɔbudu 'Kɔdʋʋ 'mö, 'n ‑mä wa 'ligbïï 'mö, sɛɛ Zezwii gbä a‑a, 'n wa ‑dɩdɩnɩɛ ‑sɩbhä 'fɔlɔ 'mö, wa dila zɛmö ‑wʋ ‑pälɛpälɛ, 'n wa linɩɛ 'mänasɛ 'wʋ. Yɩ 'wuë 'mö, Lagɔ a 'nglɩ wa 'ghlimanɩɛ da'a. Nɩkpa 'wuë, wa ‑kä 'wa 'zʋzʋsaa 'ylɩmöö, wa 'mäna wa kää 'mlɩ. Sɛɛ zila zɩɛ 'yize, Lagɔ, nɩkpa ɔ puëë, ‑sɩbhä ɔ ‑lɛmuëë, 'n wa yinɩɛ Zezwii a ‑nʋa ‑muë'la ‑gömö.

Lagɔ lɛ naa: 'Pɩwʋ ‑kä 'yli bhɩɛɛ yi a zila 'mö, ‑amö Lagɔ, n yi nɩkpa 'wuë 'na 'Wugɔmʋʋ ‑gömö 'zʋ, 'a nyɩbhɛlɩyuëa ‑nyɛ 'a nglʋyuëa 'sɔ, n yuë 'mö bhïlanɩ. 'A nyɛgbayuëa ‑nyɛ 'a 'dumöwʋyuëa 'sɔ, 'wa yilaa yi do. 'A nyɛbhlʋgö, n yuë 'yɛla 'mö 'ylimö ghlɛ.

‑Maa ‑wa kää Zezwii dlɩ 'wʋʋ, wa 'wuë, 'wa ‑lii 'wuë, 'wʋ wa ‑gbɩɩɛ. Wa gla'mö a nɩkpɛ ‑bhlʋ, 'n ɔ 'nɩ ‑lu ‑kää, ‑wa kä a‑a 'lagbïle 'n ‑wa kä a‑a ‑li ‑mimii 'nɛnɩɩ, 'wa ‑lii, 'pɛlʋ wa pɩɛ, wa ‑nyɔɔ 'sɔ 'n wa dlinɩɛ yɩ moni 'ylimö.

‑Lɛ a zila 'la 'mö, nɩkpɛ ‑mɔɔ ‑kä ‑Alowli 'mö winɩɩ, ɔ yi 'pʋ.

'ylʋväla yi ylumanɩ, cʋʋ yi zɛlɩ gbɛɛ dlu a sɛ. ‑Li 'la 'wuë, yɩ yi 'yli 'wlʋnɩ 'wë, 'n ‑Alowli 'a yiyizlɩ 'kädɛɛ 'kää ghlɛ.