Versets bíblics populars de Nʋnʋlii 1

Comparteix

‑Maa 'Wugɔmʋʋ 'Wlɩlɩ mɔɔ 'kanyɩɛ ‑gömö yi, a 'kä 'mötɛɛnɔɔ ghlɩ. ‑Sɩbhä a dɔ'wʋ a 'kää nɩkpabhë a 'yila 'klʋ na dɛ bhïla, tɛɛnɩ ‑mä Zeluzalɛɛmö ‑këë ‑mä Zwidee‑bhölɩɩ 'wuë 'mö, ‑mä Samalii‑bhölɩɩ 'wuë 'mö, 'n ‑mä dʋdʋ a 'gbë 'wʋ a këtiea 'wuë 'wʋ.»

Ɔ lɛ naa: «Zlɩ ‑lɛ a 'tɛnyɩ 'la 'kää 'yli 'wlʋnɩɩ, a 'kɛ ‑yi a dɔ'wʋ, yɩ'ɩɛ dɛsɛ ‑kä. Ɛ'ɛ ‑bhö nyɩasɛ, ‑maa na dɩba Lagɔ, ɔ'bhë mɔɔ ‑deee zaa, nɩkpɛ 'naa 'kɛ ‑yi.

'Ylɩ ‑bhlʋ 'mö, Zezwii ‑nyɛ 'ɔ tietiewaa 'sɔ wa ‑wʋ 'wʋ linɩ dɔ'wʋ, 'n ɔ yuëë 'dɩ 'nyɛ, ɔ lɛ naa: «Zeluzalɛɛmö a ‑glɔɔ, a nɩ tu gwë 'dionɩ. ‑Maa a nɩ ‑kʋnɩ 'saa na Dɩba gbä a‑a ɔ 'kanyɩ 'nyɛ, ‑wʋnyɩɩ 'dɩ n 'nyanyɩ a‑a. Zaa Batisɩ, 'nyu 'mö ɔ wɔlʋnɩ a‑a nɩkpa 'wlu. ‑Maa abhʋa abhlɩ, 'ylɩya ‑kä 'plɩɩ, 'Wugɔmʋʋ 'Wlɩlɩ, 'mö Lagɔ 'kanyɩɛ 'wlu wɔlʋnɩ.»

Zezwii 'kuä ɔ 'wlʋä glu 'wëë, ɔ tulanɩɛ ɔnyɩ 'ki a ‑bɛ 'mö 'ɔ tietiewaa 'yli 'mö. Wa 'kä sɛ ‑yi nɩɩ, ɔ ‑bhölɩ. 'Ylɩ a gwlɩ 'sɔ 'mö, ɔ tulanuë ɔnyɩ 'ylimö, 'n ɔ yuëë 'pɩwʋ mää Lagɔ 'kämanɩɛ a wɛlɩɩ 'nyɛ.

Zezwii 'zʋä ‑sɩbhä 'ɔ ‑gänɩwaa 'dɩ 'mö 'wëë, 'n ɔ yiɛ ‑lɛ wa 'yila 'klʋ 'wlu 'libho. Wa yiloo 'wʋ, 'n ɔ yiɛ ghäyɩ mö. 'N ‑kpu yuënyɩɛ 'yli zizanɩ.

Zezwii möä 'wëë, wa ‑glɛ ‑bhlɛ ‑mä zlɩ 'mö 'yila, wa lɛ zʋa sɛ'ɛ cuu, ‑lɛ wa yɔwʋ nɩkpa 'sɔ 'nɩgbö ‑lɛ. Wa ‑pla ‑banɩ 'pɩpɩ 'mö. 'N nɩkpa 'la 'sɔ ‑kpɔ yuëë nimï 'yɩbhä, wa lɛ naa: «Galilee a nɩkpanyɩ, sɛ yɩ ‑wʋ ɔ 'mö 'n a 'nɩgbö bhä ‑bhlɛ dɛ'ɛ 'n a yɩlɩ bhä ‑mä zlɩ 'mä 'nɩ? Zezwii ‑ɔ 'bhöanyɩɛ da'a jijo'wʋ, ‑ɔ möä ‑mä Lagɔ yɔwʋʋ, sa'a sɛ a yilooo 'wʋ, 'n ɔ yiɛ mö, a yo 'ylɩ ‑bhlʋ 'mö ‑sɩbhä 'wʋ yɩlɩ 'n ɔ 'kää 'wʋ 'sɔ mä'ä dʋdʋ 'wʋ yinɩ.»