Versets bíblics populars de रूमी 12

Comparteix

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

भगवान एचेरे असरा घड़ीन बहालतेपे दोहोन अरू कटसिया सहाव घड़ीन जमा बेलापे अरजीगोड ञवन।

दो अपे बेलूर नेवन इया अपेराः जीव अहापे सलाव ओवा, मनदो नपाय एचेकेडखन हना बेलूर नेवनकूनतेपे जीताव जुवाः।

अपे अँननपेरिकुःआ होड़कू इया एटाः होड़कू सुदापे अलार-दुलार होड़ेंग अरू अँननपे अते बगरा एटाः होड़कूपे मान मरजइत।

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

होया अवेन हनामिन जमा होड़कू सुदा सलसतरेपे दोहो ञवन।

भगवानराः कागदरे परबू कतायतना, बदला कुदाय लगा ईंग इदानिंगा, अरू इनिंग बदलायिंग कुदायता। हनालगा ईंगरिकुःआ अजी बोपोहकूतिंग, अपे अँननपे अपे बदला कुदाय लगा ओंगोल दोहोकेडखन अलोपे दिरुवागोड ञवन।

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

दो भगवान ईंगे मयावारा। हना अते ईंग हाँयरीग मूक चेलायिंग बड़ाँवकियानखन अपेयिंग सेतावतना, अपे इदानपेःआ हना अते मरंग अँननपे अपे अहापे ओंगलुः। मनदो नाय नपायते ओंगोल बुझावकियानखन भगवान अपेय जिमावारा हिनिनमिन बिसवास इया अँननपे अपे फड़ियावगुः।

बेनेलूरकू एचेयता हँकुःआ होड़कू लगा अपे हों बेलूर एचेकेडखन बदला अहापे कुदाय। मनदो जमा होड़कू मान मरजइतगे इयाःआ बुताकूनपे एचेगोड ञवन।

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

मनदो, “अपेरिकुःआ मुदइ होड़कू रंगेगतोकू दोहोन दो हँकू जोम लगापे एमेगोडवाकू, हँकू दाः ततंगतेकू दोहोन दो ञूय लगापे एमेगोडवाकू। नाःआ इयापे एचे दो अपे हँकूराः पगरीपे उतरावगोडता।”

अपेकू संतावता हँकुःआ होड़कू अहापे सती-सरापकू मनदो भगवान हँकूराः जीव-जहन नपायगेय लगापे अरजीगोड ञवन। बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

देहरे एटाः एटाः दगलीकून इदा अरू मेमेडटोंगराः एटाः एटाः बुताकून दोहोनता। हनन इया अबू जमा बिसवासी होड़कू ईसू मसीराः देह इया मिनीकियानखन एटाः एटाः देह दगलीकून इया इदानबुःआ।