Versets bíblics populars de 1 Corintio 12

Comparteix

Tachi Ak'õre Jaorepa tachicha ne oopiparima ũpẽarã ãarea k'aripadamẽrá.

Ara mãɨ jĩra mãra jõma ara Cristo k'ak'ua jĩra p'anɨma. Mãra ichi k'ak'uadepemarãpɨ.

Tachi k'ak'uadepema aba p'uaipɨra, ãarea p'uaparima. Ara mãɨ jĩra tachi k'ak'uadepema aba bɨ k'orea pia jaradaipɨra, ãarea arapá p'anapatama.

Tachi Ak'õre Jaorepa chi eda tachidiidepemarã́ tea bɨma ichi k'ɨ̃risiadepa p'ue pedeadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ichidepa k'awadada p'ue jarateadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ãchi p'ue minachia ĩjãa p'ananamẽrá. Mãɨnepa ara Tachi Ak'õre Jaore aba bɨpa chi eda tachidiidepemarã́ tea bɨma k'ɨdade berã p'ue jɨpa beepidamẽrá. Mãɨnepa Tachi Ak'õre Jaorepa chi eda tachidiidepemarã́ tea bɨma ẽpẽerãpa ne p'ue oodak'apɨ́ p'ue oodamẽrá. Chi eda tachidiidepemarã́ tea bɨma ãchi p'ue Tachi Ak'õre pari pedeadamẽrá. Chi eda tachidiidepemarã́ tea bɨma p'ue k'awadamẽrá abaɨpa Tachi Ak'õre Jaoredepa pedea bɨ wa jaore mietaadepa pedea bɨ. Mãɨnepa chi eda tachidiidepemarã́ tea bɨma wawaria tachia ũrinak'apɨ́ pedeade pedeadamẽrá. Mãɨnepa chi eda tachidiidepemarã́ tea bɨma tachia ũrinak'apɨ́ pedeade jaradat'a k'awa jaradamẽrá.

Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

Mãɨya oosima tachi k'ak'ua piawẽa beepiemaapa, mãɨpari ara machi paara ak'ɨ p'ananamẽrá.

Tachi Ak'õre Jaore aba bɨpa tachiá tea bɨma ne wawaria oodamẽrá. Tachi Chipari aba bɨ pae ne wawaria oopatama. Tachi Ak'õre aba bɨpa tachiá ne wawaria oopi bɨma. Ichiapuru tachidepa mãɨ jõma ooparima.

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

Tachi k'ak'uade nejõma uru p'anɨma. Maamina tachi k'ak'uade berã abarik'a p'anɨwẽma.

Tachimá, chi eda tachi k'ak'uade berã ãpia pida piawẽa bepɨ. Maamina mãɨrã newẽa, tachi k'ak'ua pia bak'ama.

Tachi k'ak'uade abapuru tau badapara ¿k'ãrepa ũrii pasima? Tachi k'ak'uade abapuru k'ɨɨrɨ badapara ¿k'ãrepa ɨ̃i pasima? Tachi Ak'õrepa tachi k'ak'uade nejõma bɨsima ichia k'ɨ̃ria bada jĩra. Chi tachi k'ak'uade berã jõma abarik'a badapara k'ak'ua newẽa bai pasima.