Versets bíblics populars de Baloma 3

Comparteix

Nkaambo boonse bakabisya, balela kuba aabusalali mbuli bwa Leza. Pele nkaambo kaluse lwakwe Leza ulabalulamika. Eeci ncipego buyo kwiindila muli Jesu Kilisito wakabanununa.

Nzila Leza njalulamikila bantu boonse nkusyoma Jesu Kilisito. Taakwe lusalululo pe.

Leza wakapa kuti mulufu lwakwe abe nzila yakulekelela zinyonyoono zyabantu bamusyoma. Eeci ncitondezyo cabululami bwa Leza. Kale-kale Leza wakali kuleka buyo zinyonyoono zyabantu nkaambo kalweengelelo lwakwe. Pele ono wapa Jesu kutondezya bululami bwakwe, kuti bantu bazibe kuti walo uliluleme abalo basyoma Jesu balalulamikwa kulinguwe.

Kayi kwiindila mumalailile aali mu Mulawo taakwe muntu naba omwe uukonzya kululama kuli Leza. Nkaambo Mulawo nguututondezya kuti tuli basizinyonyoono.

Mbuli mbwaaamba Malembe kuti, “Taakwe uululeme pe, naba omwe. Taakwe uuswiilila nikuba kuyandaula Leza. Boonse baleya, babisya boonse. Taakwe uucita bubotu, taakwe naba omwe.

Aboobo tulaamba kuti muntu ulalulamikwa alusyomo, kutali mukubamba Mulawo.

Peepe, embo pe! Pele bantu bazibe kuti Leza ulasyomeka, nikuba kuti bantu boonse mbabeji. Mbubonya mbuli mbokulembedwe kuti, “Uzibwe kuti waamba ziluleme nokanana, alimwi ulazunda nobeteka.”