Nage me, at Aberiniki nogo nen at Piliput yoge logonet, ”To niikkenok nage ti, naberogon ka nak o,” yoge mbareegi, at Piliput nogo nen at owagam puu'nuk ka nage nagagirik, Ala wone yorage nagagerak nabi Yetaya nogo liiru mbaneegerak pekkage logonet ari aruk konembege nagagirik, ”Wulaga wae. Kat mbuku mbanak pekkenet nage yi liippege agandik a, lek a?”
Yoge mbareegi, at nogo nen, ”Aakumi nen yogop-ndogop yorogwe iinok mban liippogo menggaarak me, an nonggop togon lippuurak o?” yinuk, ”Yo'ninok nduk, kwi'nari lagi mok o,” yoreegerak.