Versets bíblics populars de GENESIS 18

Comparteix

En aton taloh je dia tau manjadi akan TUHAN? Kilau koangku nah, “Jalatien bulan tinai aku nahuang haluli akan hetoh. Metoh te Sarah manak ije biti anak hatue.”

Awi te Sarah tatawe huang ateie tuntang hamauh, “Aku jari bakas kambareot kilau toh, en aton kanahuangku tinai dengan banangku? – Kalote kea banangku mahin jari bakas.”

En dia turonae dapit jadi bangsa je bakapal tuntang kuasa? En dia mahalau ie kakare bangsa hunjun petak akan imberkat awi-Ku?

Abraham manokep TUHAN palus misek, “En toto TUHAN nahuang mampalomos oloh je jaton bara kasalan haya-hayak dengan oloh je jaton kasalae? Paribasae aton 50 biti oloh je jaton bara kasalan hong lewu te, en hapus lewu te impalomos awi TUHAN? En dia TUHAN maku mampun uka lime puluh biti te salamat?

TUHAN hamauh, “Paribasae aton 50 biti je dia bara kasalan hong Sodom, Aku nahuang mampun hapus lewu te tagal ewen.”