Versets bíblics populars de Lukas 20

Comparteix

Sane Yefun Yesus ki nai yé ne do, ”Sane, Kaisar bi suk-i yo, men syo nai Kaisar, wo Yefun Allah bi suk-i yo, men syo nai Yefun sor.”

Yefun Yesus sokme yé mwa mone, orete Yefun Yesus ki do, ”Sane yo, sukdu kwa ré gato yé krom mo Yefun Allah bi sukdu ne bi sukjimnut sa u ne? Sukdu ne ki do, ’Jok gato ye nggo nu su ne, su ketke yé bariwa, án nut do ibit re, ri ma sa yé nai jok ne tepsu jok gato ndo wai wa yé nggo nu ne su o re.’

”Nin mewa nin nggwa kadit yeguru agama. Yé ne iwa it san syu gato ndo, ete án mu mo peyo-peyo su san gato ndo ne, subere yé mwa sokme án. Sato yeguru do mu mo pasar it yo, án iwa yé mwa mo pasar nut do án yepasye, án iwa yé ki do, ’kam ndo’ mo án. Yeguru ne iwa án kem mo pe gato yé fro wa yepasye ma kem mó, sato mo nu ari e, mo pesta e ne subere yé bes yeguru gum kok mone. Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”