Versets bíblics populars de ABAROMA 8

Comparteix

Khumanyile mbu Nyasaye mubindu biosi akholanga halala nende abo abamuheela, abayalanga okhulondana nelichoomolie.

Okhuba emanyile toto mbu, shibulaho eshinyala okhukhwahukhasia okhurula khubuheelibwe, kata okhufwa noho obulamu; kata abamalaika noho abaruchi bandi abomwikulu noho abobunyali; kata ebiliho bulano noho ebitsa okhubaho olunyuma, kata eshiomwikulu noho eshili mushialo, shibulaho eshindu shiosi shiosi mubilonje eshinyala okhukhurusia khubuheeli bwa Nyasaye obuli obwefwe okhubirira mu Yesu Kristo Omwami wefwe.

Munjila tsana eyo Roho yesi yetsanga okhukhukhoonya ifwe, kata olwakhuli abateshele khurio. Shichila shikhumanyile shinga olwa khukhoyile okhusaaya tawe. Roho omwene ashenyanga nakhusabila khu Nyasaye mumakhuwa akalanyala okhwinoosibwa tawe.

Kho khuboole shiina mumakhuwa kano koosi? Nyasaye naba nakhuterera, niwiina owakhaba omusuku wefwe?

Khulweshio abo abamenya mubulala nende Yesu Kristo shibalakhalachilwa eshiina tawe.

Okhuchomia amapaaroko khu akeimelo yomubili nokhufwa, nebutswa okhuchoomia amapaaroko khuka Roho khureranga obulamu nende omulembe.

Nebutswa mumakhuwa kano koosi, khuli nobuhuli obwitsule okhubirira mu oyo owakhuheela ifwe!

Emanyile toto mbu, obusandibwi bwakhunyoolanga bulano shibwakhachelasibwe kata nahatuutu khuluyali olwitsa okhufwimbulilwa ifwe tawe.

Kho bulano nishiina eshiakhanyala okhukhwahukhasia okhurula khubuheeli bwa Kristo? Kanyala okhuba amanyakhano, noho amatinyu, noho obusandibwi, noho inzala, noho obutakha, noho amasila, noho okhufwa?

Naye Nyasaye oulolanga akali mumioyo chiefwe, amanyile aka Roho oyo apaaranga, shichila Roho asabanga khu Nyasaye khulwa abandube okhulondana nende akokhwenyakhwe.

Abo abemililungwa nende Roho wa Nyasaye, nabaana ba Nyasaye.

Abo abamenyanga okhulondana nende imelo yabwe yomubili bachoominjia amapaaro kabwe khukeimelo eyomubili yenyanga mbu bakhole. Nebutswa abo abamenyanga okhulondana nende Roho bachoominjia amapaaro kabwe khu aka Roho yenyanga mbu bakhole.

Nyasaye oulaaloba okhuhaana omwanawe mwene ta, habula yamuhaana khulwefwe fwesi, shialakhuhelesia butswa ebindu biosi?

Roho wa Nyasaye omwene asanjilananga nemioyo chiefwe mukhurumbula mbu, khuli abaana ba Nyasaye. Kho olwa khuli abaanabe, khwakhanyoole tsikhabi etsia yabishila abandube, mana khulinyoola halala nende Kristo obulaame obwa Nyasaye yamubiishila, shichila nikhwakhasanjilana nende Kristo mukhunyakhanakhwe, khulisanjilana ninaye khandi muluyalilwe.

Kho omundu ouchoominjia amapaaroke khu akeimelo yomubili nomusuku wa Nyasaye, shichila shialondanga amalako ka Nyasaye tawe, ne shianyala okhukalonda kata nahatutu tawe.

Ebilonje biosi ebia Nyasaye bilindililanga nobunaayi khulwa Nyasaye okhulolesia abaanabe.

Shichila khumanyile mbu, okhuula olwa leelo ebilonje biosi bishenyanga nobutsunwi shinga omukhasi oulumwa inzibula.