Versets bíblics populars de ABAROMA 6

Comparteix

Shichila omurungo kwobwonooni nolufu, nebutswa eshihaanwa shiabutswa eshia Nyasaye nobulamu obulahwaho ta mubusanjilani nende Kristo Omwami wefwe.

Obwonooni bulamuruka khandi tawe; shichila shimuli hasi wamalako ka Musa ta, habula muli hasi wobukoosia bwa Nyasaye.

Khulwa okhubatiisibwa khwefwe, khwayabilwa nende Kristo mana nikhusanjilana mukhufwakhwe, kho mbu shinga olwa Kristo yalamusibwa okhurula mubafu khulwa eshikhole shioluyali shia samwana, nolwa fwesi khandi khukhoyile okhumenya obulamu obuyia khurio.

Kata mulahaanekhwo eshiungo shienywe shiosi shiosi khubwonooni, kho mbu shikhoonyelwe khulwa obumayanu tawe. Habula mwihaane abeene khu Nyasaye, shinga abandu abalamusibwe okhurula mukhufwa nimureerwa mubulamu, mana mwihaanile elala khu Nyasaye, khulwa okhwikhonyelwa munjila eyobulunjishi.

Khandi khumanyile mbu; imelo yefwe yakhale yabambwa halala nende Kristo khumusalaba, kho mbu omubili kwefwe kwobwonooni kusasibwe, kho khuleshe okhuba khandi ababohe mubunyali bwobwonooni tawe.

Munjila ndala eyo, okhuula mwesi mwipaarekhwo abeene shinga abafu okhulondana nobwonooni, nebutswa Kristo yamuhelesiye obulamu, ne mumenyanga khulwa Nyasaye.

Kho bulano khuboole shiina? Khutsililile okhukhola obwonooni kho mbu obukoosia bwa Nyasaye bumeeteshe noho? Kata nahatuutu tawe! Okhulondokhana nobwonoonin ifwe khwamala okhufwa, kho khwakhatsiililila khurie okhukhola obwonooni tsana khandi?

Toto mumanyile obulayi mbu, nimwihaana abeene okhuba abahulili khumundu nalebe, kho muli abasumba bomundu tsana oyo. Kho muli abasumba bobwonooni obureeranga olufu, noho muli abahulili, obukhukholanga okhuba abalunjishi.

Nebutswa khupile Nyasaye orio! Okhuba kata nimwali abasumba abobwonooni khushise shindi, mwahulile nimulonda nomwoyo kwosi obwatoto buli mumechesio aka mwahebwa. Mwakholwa abalekhuule okhurula mubwonooni, ne nimwikhola abasumba bobulunjishi.