Versets bíblics populars de ABAROMA 5

Comparteix

Nebutswa Nyasaye yakhumanyia shinga olwa yakhuheela, okhuba Kristo yakhufwila olwa khwali nikhushili abonooni!

Obunaayi buno nobweinganga khwifwe, shichila Nyasaye yatsukha butsukha obuheelibwe mumioyo chiefwe okhubirira mu Roho Omutakatifu, ouli eshihaanwa shia Nyasaye khwifwe.

Khandi khwiyitsialilanga amatinyu kefwe, okhuba khumanyile mbu, amatinyu kebulanga obwisimilisi, nabwo obwisimilisi bwibulanga akokhwenya khwa Nyasaye, nako akokhwenyakhwe kareeranga obunaayi.

Bulano, olwa khumalile okhukholwa abalunjishi imbeli wa Nyasaye okhubirira mubusuubili, khuli nomulembe nende Nyasaye okhubirira mu Omwami wefwe Yesu Kristo. Khulwa obusuubili bwefwe, Yesu Kristo yakhurelire mubukoosia bwa Nyasaye obwa khumenyangamwo bulano. Khwiyitsialanga khulwa obunaayi obwakhuli ninabwo khulwa okhusanjilana muluyali lwa Nyasaye!

Okhuba olwa khwali nikhushili abalenyalila ta, Kristo yafwila abonooni olwa ebise ebia Nyasaye yenya kekholeshe biola.

Khulwa okhufwakhwe khumusalaba ifwe bulano khwakholwa abalunjishi imbeli wa Nyasaye. Kho kali habwene mbu, khulahonibwa okhurula khwiruma lia Nyasaye.

Khandi shinga abandu boosi bakholwa abonooni khulwa okhubela obukhayi obwomundu mulala, munjila ndala eyo Nyasaye alunjisinjia abandu boosi khulwa okhubela obuhulili obwomundu mulala ouli Yesu Kristo.

Nebutswa shikali ako konyene ta; khwikhoyanga khulwa okhubela aka Nyasaye yakhukholelaokhubirira mu Yesu Kristo, owakhukholile bulano okhuba abetsa ba Nyasaye.