Versets bíblics populars de ABAROMA 16

Comparteix

Naye Nyasaye, ouli eshinoko shiomulembe, nasenachile Setani lwangu hasi wamakulu kenywe. Obukoosia obwa Omwami wefwe Yesu bube ninenywe.

Baana befwe emusaaya, mubuule abo boosi abareeranga obukabukhani nende ebisichirasio, nibafukula amechesio aka mwechesibwa. Mwiyahule okhurula khubo.

Okhuba abakholanga amakhuwa kario shibakhalabanilanga Kristo Omwami wefwe ta, habula bakhalabanilanga tsinda tsiabwe abeene. Bekhoonyelanga amakhuwa kabwe kokhukaatilisia nende akokhulaha khulwa okhukaatia amapaaro kabateshele.

Leshe khuhaane oluyali khu Nyasaye! Niye ounyala okhumuralisia mubusuubili bwenywe, okhulondana nende Amakhuwa Amalayi aka eyaalanga, khu Yesu Kristo, nende mubufimbuli bwelibiso eliabiswa khulwa ebisoni nebisoni. Nebutswa, bulano obwatoto bubakaalwe habulafu okhubirira mumahandiko kabalakusi. Khandi okhubirira mwilako elia Nyasaye oweinziayo, bwamanyisibwe mumahanga koosi, mbu boosi babusuubile nende okhubuloonda. Nyasaye yenyene ouli omwene omuchesi, aheebwe oluyali okhubirira mu Yesu Kristo obushia nobushia! Amina.