Versets bíblics populars de ABAROMA 10

Comparteix

Noba norumbula nomunwakwo habulafu, mbu, “Yesu niye Omwami,” mana nosuubila mumwoyokwo mbu, Nyasaye yamulamusia okhurula mubafu, olahonibwa.

Okhuba khusuubilanga mumioyo chiefwe mana khulunjisibwa imbeli wa Nyasaye, ne khurumbulanga habulafu neminwa chiefwe mana khuhonibwa.

Kho obusuubili burulanga khukhuhulila oburume, nabwo oburume bwitsanga khulwa okhuyaala aka Kristo.

Amahandiko kaboolanga mbu, “Omundu yesi ousuubila muye shialifwimbwa omurwe tawe.” Kano kali khubandu boosi, shichila bubulaho obwahukhani hakari wa Abayahudi nende Abamahanga tawe. Nyasaye nimulala, Omwami wa boosi, mana abalaamilanga tsikhabi mubwitsulu boosi abamuhabilanga. Shinga Amahandiko kaboolanga mbu, “Buli shiamundu yesi oulanga eliira lia Omwami alahonibwa.”

Ne oburume bwatsana bwakhayaalwa burie, nikaba abarume bashili okhurumwa? Shinga Amahandiko kaboolanga mbu, “Okhwitsa khwabarume abareera Amakhuwa Amalayi nokhulayi muno!”

Nebutswa bakhaliliila barie Omwami okhubakhoonya nibashili okhusuubila? Kata bakhasuubila barie, nibashili okhuhulila oburume bwa tsana? Ne bakhahulila barie oburume nibushili okhuyaalwa?

Kristo yamala okhureera amalako khushiakamo, kho mbu yesi ousuubila alunjisibwe imbeli wa Nyasaye.