Versets bíblics populars de Matfiejo 7

Comparteix

Mangén, i javéla dynó tuménge; rodén, i lathéna; marén dro vudár, i psiravena (otphandena) tuménge.

Pal-dová so kažno, kon mangéla, doreséla péskiro; kažno, kon rodéla, lathéla; kažnonéske, kon marela dro vudár, javéla psirado (otphandlo).

Kažno, kon šunéla lavá Miré i kandéla len, isyn syr god'varó manúš, kon čhudiá péskiro kher pe bar.

Kerén dová javirénge, so tuménge isyn pir iló, sob (kaj) i javír te kerén tuménge; Zakóno i proróki sykliakiréna davá-pac'.

Pal-dová so ciasno isyn pórta i nabuĥlo isyn drom, savó lydžála dro džiibén, i nábut lathéna les.

Zadžán dro ciasno (tango) pórta, pal-dová so buĥly isyn pórta i otphandlo isyn drom, savó lydžála dro xasiakiriben, i but džána dro davá vudár.

Kóli tumé san nalačhé, i džinéna te kerén lačhipén péskire čhavénge, pe kicý butýr tuméndyr tumaró Bolybnáskiro Dad keréla lačhipén odolénge, savé mangena Léstyr.

Na sendinén, i tumen na javéna te sendinén, pal-dová so, syr tumé sendinena, adiáke-pac' i tumen javéna te sendinén; savé mierasa tumé mierinena, dasavé-pac' mierasa tumen javéna te mierinen.

Ne kažno, kon šunéla lavá Miré, i na kandéla len, isyn syr balvalitko manúš, kon čhudiá péskiro kher pe práho

Sóske tu dykhésa pe tykny phusinka dre jakh tyré pšaleskiri, a baró berno na dykhésa dre péskiri jakh? Ci, syr tu phenésa pšaléske peskireske; ‘de, me vylava phusinka tyré jakhatyr; a berno isyn dre tyrí jakh?

Rakhénpe xohané prorokendyr, savé javéna ke ame dre bakrany ídia, ne andrál jone isyn xoliamé ruvá; tumé ĥaljona len pir léngire barjakirdé. Ci skedéna dylyné čarjatyr vinagrado (drakh) ci inžyro kodriljostyr (diedoŭnikostyr)?

Adiáke-pac' kažno lačhó kašt déla lačhé barjakirdé (plódy) i dylynó kašt déla dylyné barjakirdé.

Lačhó kašt na moginéla te del dylyné barjakirdé, i dylynó kašt na déla lačhé barjakirdé.

I kažno kašt, so na déla lačhé barjakirdé, čingirena telé i čhurdena dre jag.